Puas tau muaj zaum twg koj txaus siab vim muaj ib tug phooj ywg txawj ntse lawm tau? Puas tau muaj zaum twg koj hnov txaus siab thaum muaj ib tug phooj ywg nto npe, ntau zaug koj tus phooj ywg ntawd yog tus thawj coj nto npe nyob rau hauv tej chaw ua haujlwm lossis sawv ntawm ib lub tebchaws twg? Puas muaj zaum twg koj tos tsheej sij tsuas yog qhia rau lwm tus paub txog koj tus phooj ywg uas koj paub Nws ntawd?

Tiamsis koj puas tau muaj zaum twg xav tias: Tswv Yexus yog tus tsimnyog hwm, tus muaj hwjchim, puv npo kev hlub tau hu koj ua Nws tus “phooj ywg zoo”? Yog ib lub meej mom uas tsis muaj leej twg nyob hauv lub ntiajteb no yuav piv tau, thiab zoo tshaj, koj tsis tas yuav tsimnyog thiaj tau yam ntawd. Vajtswv xaiv koj, hlub koj, thiab pub lub meej mom tshiab ntawd dawb rau koj xwb.

Hnub no, yog hnub 30/07/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia RICH MILLER dhau ntawm Zaj kawm VAJ NTXWV TUS PHOOJ YWG

Vajluskub: “Yog nej ua raws li kuv hais, nej thiaj yog kuv cov phoojywg … Tej lus uas kuv samhwm rau nej yog li no: Nej ib leeg yuav tsum hlub ib leeg” (Yauhas 15:14,17)

Muaj tej ntu Vajluskub ua rau peb nyuaj totaub lossis tsuas xav nyeem dhau xwb, tshwj xeeb yog tej ntu hais txog caj ces nyob hauv phau Teev Npe lossis tej kablig kevcai txog tej kab mob ntawm sab nqaij tawv hauv phau Levis Kevcai tas txog qhov uas faib tebchaws Khana-as hauv phau Yausuas.

Vim li ntawd, muaj ntau tus thiaj xaiv nyeem tej ntu uas ib txwm swm xws li cov phau Moo zoo, zaj xwm txheej uas Daviv ntaus yeej Nkaumli-as lossis Paulus tsab ntawv txhawb Pawg Ntseeg Efexaus zog. tiamsis, Vajtswv txojlus kuj qhia paub tias tag nrho Vajluskub puav leej tau Vajtswv tshoov… (2 Timautes 3:16). Yog li, txawm yog tej ntu Vajluskub uas peb tsis tshua nyeem txog los yeej tseem ceeb thiab yog tej zaub mov tu rau peb lub neej sab ntsujplig.

Qhov no tshwmsim los rau kuv tsis ntev no thaum nyeem I Xwm Txheej 27. Tshooj no tsom ntsoov rau Vajntxwv Daviv thiab cov neeg uas tau yawg cob haujlwm ua thawj tub rog rau cov neeg Yixalayees, cov neeg tu vajntxwv tej khoom thiab yog cov tawm tswv yim rau vajntxwv. Ntawd yog muaj ib cov npe ntau, yeej tsis zoo nyeem. Tiamsis, txhua tus neeg hauv cov no puav leej muaj lub nra tseem ceeb hauv txoj kev saib xyuas tej haujlwm thiab ua kom tiav tej haujlwm hloov vajntxwv chaw.

Xaus cov npe no ces yog Husais uas yog neeg Akhis. Husais tau suav tes yog Vajntxwv Daviv tus phooj ywg. Vajluskub sau: “… Husais neeg Akhis yog vajntxwv tus phooj ywg.” (I Xwm Txheej 27:33).

Thiab tau paub txog zoo li yog vajntxwv tus phooj ywg yog ib qhov meej mom loj nyob rau tiam ntawd. Thaum kuv nyeem ntu Vajluskub no, Vajtswv ua rau kuv pom txog txoj kev sib raug zoo ntawm Husais thiab vajntxwv Daviv nkawd tseem ceeb npaum cas. thiab tseem tau koob meej dua thiab yog dhau los ua vajntxwv tus phooj ywg tau hais txog muaj hwjchim sib luag zos npaum li cov thawj tub rog thiab cov tuav xam ntag.

Zaj kawm uas peb txais tau dhau ntawm ntu Vajluskub no yog? Puas yog thaum peb yooj yim raug nqus rau hauv tej haujlwm hauv Vajtswv tsev thiab nrhiav tus kheej txoj kev muaj nqis dhau ntawm tej haujlwm uas peb tab tom ua? Yuav tau ceev faj, vim qhov ntawd yuav ua rau peb hnov qab yam uas tseem ceeb dua yog “kev ua phooj ywg” nrog Tswv Yexus tus uas yog peb tus vajntxwv loj tshaj plaws.
Nyob rau hmo uas Tswv Yexus raug ntxeev siab – ua ntej yuav raug txomnyem, Tswv Yexus tsis hais txog tes haujlwm, cov thwjtim tes haujlwm. Pauv rau qhov ntawd, Tswv Yexus xav kom lawv paub ib yam uas dawbhuv kawg nkaus ntawd yog. Tswv Yexus hu lawv ua Nws “cov phooj ywg zoo”. Thiab qhov pov thawj ntawm txoj kev ua “phoojywg” ntawd yog dhau ntawm qhov uas ib leeg ua rau ib leeg.

“Yog nej ua raws li kuv hais, nej thiaj yog kuv cov phoojywg … Tej lus uas kuv samhwm rau nej yog li no: Nej ib leeg yuav tsum hlub ib leeg” (Yauhas 15:14,17).
Nyob rau hauv ntau lub npe uas Tswv Yexus siv, Tswv Yexus xaiv ib lo lus nthuav tawm txoj kev sib raug zoo ntawm peb thiab Nws. Nws hu peb ua Nws cov “phoojywg zoo”. Dhau ntawd, Tswv Yexus nthuav tawm ib qhov tseeb: Nws saib txoj kev sib raug zoo ua ke tseem ceeb dua tes haujlwm lossis lub nra. Vajtswv tsis yog tsis muaj phooj ywg, tiamsis Vajtswv pub txoj kev sib raug zoo ntawd rau peb los ntawm Vajtswv txoj kev hlub nplua mias. Tiamsis, kev phooj ywg ntawd tsis yog yam uas peb yuav lam saib tsis tseem ceeb. Tswv Yexus yeej yog vajntxwv, tus uas peb mloog lus thiab ua kom tiav Nws tej lus samhwm tseg.

Tswv Yexus hu peb yog Nws cov phooj ywg. Nws xav kom peb qhia tag nrho tej yam uas nyob hauv peb lub siab rau Nws. thiab thaum peb yog “phooj ywg zoo” lawm, peb lub neej yuav nthuav tawm Tswv Yexus rau tej neeg ib ncig. Kuv txhawb kom koj cia li los cuag Vajtswv hnub no, thov Vajtswv pab koj kom muaj txoj kev sib raug zoo ua ke nrog Vajtswv zoo li “tus phooj ywg zoo” vim ntawd yog qhov uas Vajtswv tau tsim koj los.

Thov caw nrog kuv peb thov Vajtswv ua ke
Tus Tswv, txawm yog koj yog tus Vajntxwv ntawm txhua tus vajntxwv, yog tus muaj hwjchim ci ntsa iab los koj yeej yog kuv tus phooj ywg zoo. Thov pab kom kuv nyob hauv txoj kev sib raug zoo ua ke nrog koj txhua hnub, kom kuv tsis hnov qab kuv lub meej mom muaj nqis uas koj tau pub rau kuv – ntawd yog tau ua “Vajntxwv tus phooj ywg”. Thov kom kuv lub neej yuav nthuav tawm Vajtswv tus duab ci pom kev, ua kom Vajtswv tau koob meej thiab coj Vajtswv txoj kev hlub mus rau tej neeg ib ncig. Kuv thov hauv Tswv Yexus Khetos lub npe. Amees.

Cov kwv tij txhua tus, thaum peb lub neej puv npo kev hlub thiab ua lub neej nyob hauv txoj kev sib raug zoo ua ke nrog Vajtswv ib yam li Vajtswv tus phooj ywg zoo. Txhua zaug peb saj tau txoj kev hlub zoo ntawm Vajtswv, ces ib yam zoo yuav tshwm tuaj: Peb yuav tsis ceev txoj kev zoo siab no rau tus kheej.

Nyob rau qhov twg, ntsib tus twg, peb lub siab yuav tau tshoov kom qhia txog tej koob hmoov loj uas Vajtswv tau ua nyob hauv peb lub neej. Thiab tshaj qhov ntawd, yog nyob hauv peb txoj kev ua neej, lo lus hais, tus cwjpwm coj txhua hnub yuav yog ib qhov pov thawj ciaj sia txog Vajtswv. Lwm tus yuav ntsia pom Vajtswv dhau ntawm lub neej tau hloov pauv thiab puv npo koob hmoov.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.