Rài kis oă dớ bol he “ Til mpồng mơ ò geh dơp wơl”. Rgơi la dô nơm broă lơh he kơp kờn, dô nơm bơta oh mi lời oă bơta kơp gơn, haha la dô tú lơm pah nàng cau ndai sền he kwơ màng. Gơs tú oh mi nhă ntào bơh jơnau niam, mơya kong cau bơh dih sền ò sơp. Bơta moat jrum hớ lơh he in ò chờ hợp, gơ lơh be să tờm he dệt rhền ngăn. Mơya bơh ală bơta moat jrum tú cau ndai tơm dră mơ he, Yang găm cih bơta dờng rlau gơwet mơ rài kis oh mi di, lòng tiêr oh mi gơlik gơs dô nă cau pran kơdăng, mơ khin cha rlau, sol pơn đăng àng gut dar bơta klăm jơngọ in.

Ngai do, ngai 25/10/2025, Bơta Hòi Dan Kòp Ngai dan jà ală ồng mò oh mi kơlôi sơnưng bal Jơnau Yàng kơnòm dê bơta dong kơl dê Dayna Lovelady bơh tơnggume: KONG SĂNG TƠLIK BƠH BƠTA GƠKLO YANG DI

“Kơnràñ rơp ràng tơlik bơta ò gơs glài mê dê loh làng be bơta àng,Mơ ràng tơlik bơta song ngan mê dê be bơta àng tòm gùl ngai.”  (Đơs Crih 37:6)

Bơh di găm kơnòm tus di tú jơ do, ăn neh hok git tơm oă pơnah: thể thao, đơs chờ, hok git mơ jơh pơnah at bộ. Ăn neh sùm lot băl mơ mpôl lơh kik , lòng nàng mut tơm mpôl lơh tas, hala dăn mút tơm mpôl thể thao. Ală cồng nha sùm la niam, mơya kung gơs tú ăn găm ơm tơm bơta sang tơlik. Bơta moat jrung tú he ò rgơi nàng at kớ tơnggu he neh kơp kờn, bơta hớ ò bươn tú lơi. Mơya ăn kung rờn lé nàng pha mơ bơta hớ, kứ pơnjat lot tus tơnggume pa.

Ngăn la tơm bol he cau lơi kung kơp kờn gơs dô nơm bơta lơi mơ lơh nền nàng joi jat gơ. Rgơi la oh mi lơh nền nàng pơwoă sră dăn rlô broă lơh , hala bơdơl nàng tơm klac mơ dô nă cau, mơya bơta cèng tus la bơta ò dơp wơl bơta oh mi kờn. Bơta hớ lơh oh mi in ruc wơl. Gơs tú, bol he kơp kờn kis don song mơ lơh bơta di, mơya kung kong cau ndai tờm dră.

Tơm Mathiơ 21: 42, Yàng Jessu đơs: “Bol mê òhềt sền tòm Sră Goh lah:‘Pơnai lŭ mơ ală cau bơt hìu neh sang tơlik,Lŭ hơ̆ neh gơlik gơs lŭ mum hìu.Bơta hơ̆ la bơh Yàng lơh gơs,Mơ la dô bơta crih crài di đap mat bol he’ ơ?”

Rgơi gơs tú oh mi kong săng tơlik bulah lơh bơta niam. Digơlăn be hớ, oh mi găm ơm tơm bơta gơlik gơs be yang Jesu. Yang neh kơng cau bơt hìu săng tơlik, bulah Yang găm gơs wil tơl mơ ò gơs bơta tis glai lơi. Oh mi tơl pran àng ntào nhắ bơh bơta song, mơya jơnau blac pơrlồm neh pha rlau kợp bạ tiah. Mơya Đơs Crih 37: 6 hơ la:”Kơnràñ rơp ràng tơlik bơta ò gơs glài mê dê loh làng be bơta àng,Mơ ràng tơlik bơta song ngan mê dê be bơta àng tòm gùl ngai.”. Yàng Tơm Trồ gơs gơnoar lơh bơta don song oh mi di geh pơn sol àng, jơh di tú klăm jơngọ ơm gut dar. Dăn ban gơrplơ nus, tài bơh Yang kung rgơi ngùi ală bơta hớ nàng tiêr oh mi mơ pợ bơta dờng ơnàng tơm rài kis oh mi di.

Ngăn la, tơm bơta lòng tiêr hớ, kung gơs tú he plơh nus. Mơya ưn ngai Yàng, Yang Jesu git loh bơta hớ bơh Yàng neh lot găn be bol he. Yàng git be lơi la moat jrum, roh bơta kơp gơn. Esai 53:3 cih “Kơnràñ neh kong cau sền òsơp mơ sang lòi,git làm bơta moat jrùng, mòng mơ bơta jê sồt;be dô nă cau neh kong sền òsơp kung be cau mơ kòn mơnus pồn mat ò bài sền;bol he kung sền òsơp di Kơnràñ sơl.”

Bơh să tờm Yàng Jesu- Bơtau neh kong cau sền ò sơp bơh rơbô rài bơh lài or- la Bơtau git bơta săng tơlik mơ bol he neh kong ngai do. Hớ la bơh bơta nđac Jơnau Niam ai kợp nus nhờm in, ai hwềng soàn mơ hwêng nus he in. bol he gơree mơ Bơtau Dong Klas, Bơtau neh lọt găn bơta moat jrum tú cau ndai săng tơlik, mơ Yang git pha lin mơ bơta hớ tơm bơta gơklo àng gơcrạ Yang di.

Dan jà bol he dô nùs bal tòm bơta hòi dan: Khoai Bep Hơđăng Trồ, dăn Yàng pơn dờm pơn iang kon tú kong cau ndai săng tơlik. Dăn tơngkah kon git bơh Bơtau Jesu kung neh kong kon mơnus săng tơlik, mơya Hìu Jum Goh geh gơs bớt bơtào hơđăng Yàng la lŭ mum hìu. Dăn rài kis kon di bớt hơ đăng mơnàng kớ cê tơm Yàng mơ mìng Yàng lơm. Tú kon lơbơn siau, dăn dong kon git kơnòm di Yàng – Bơtau kớ cê sùm sùm. Kon jơh nus hoi dăn tơm sơn đăn Yàng Jesu krist. A-men

Ơ ală ồng mò oh mi kờn gơboh, digơlăn ngai do oh mi găm ji nus bơh cau ndai săng tơlik he. Mơya kah té: să tờm Yàng Jesu kung neh kong săng tơlik, mơ să tờm Yàng kung gơlik gơs Bơtau Dong Klas kon mơnus di. Bơta săng tơlik ò ràng tơlik nus nhườm oh mi, mơya gơ lik gơs pơnah nàng Yàng bớt bơtào dô bơta broă lơh gơ klo rlau tơm rài kis oh mi di. Kơp gơn té nàng Yang tơm gơl ală bơta mơ cau ndai neh sền ò sơp di oh mi nàng lik gơs bơta kwơ màng àng gơcrà, bìng lìu gơ klo tơm bơta rơn dap wil tơl Yang di.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.