Tŭ sền dê ala phim neh geh lơh bơh ala bơta ờ jat ring, mơ ya tŭ dê dut, jơh ala bơta gơlik gớs kwơ lơh cau in sền ò rgơi kơlôi tús. Bơta yăl yau rài kìs Este kung bè hơ̆ sơl. Ngài òr, bol he neh sền gŏ dồ rơndap “ò dồ nă cau lơi rgơi git lài”, tŭ Yàn Tòm Trồ ngui bơta dòn duh dồ nă cau ùr dêt rhề nàng tòm gơl gùng dà jơh làng bol in. mơ bơta crih crơi ờ mìng ơm tềng hơ̆, bơh tŭ lòt jrô rlau, bol he rơm sền gŏ ala bơta dêt rhền sền là bơ cah, mơya là ala pơnah wil tơl tòm gùng dà dong klàs Kơnràñ dê.

Ngai do, ngai 23/10/2025, Bơta Hòi Dan Kòp Ngai dan jà ồng mò oh mi bơtê bal Jơnau Yàng bơh kơnòm dê bơta dong kòl Tori Troncone bơh tơnggume TŬ YÀNG ƠM RING NGỀT, GEN JÒI TÉ “CƠNG TÀNG”

“Bol he git lah tòm jơh ală bơta, Yàng Tom Trồ lơh tồ gơs kwơ cau lơi in kòñ gơboh di Kơnràñ, hơ̆ la cau neh geh hòi sac jat bơta lơh nền Kơnràñ dê.” (Rôma‬ ‭8‬:‭28).

Gut dăr bol he gớs cau lơi rgơi git lài ala broă rơp gơlik gớs tòm phim sơl? Bèp añ mờ bau klau añ dê là cau bè hơ̆. Bol khai ò tŭ lơi lơh krơi. Ala cau ơm mrêp hìu niam lơhơn là ala cau lơh yơh tòm phim oă cau git sơl. Bol khai mìng đok jơnau cih lơ yah gen neh rgơi git tơn. Bơta lồi dùt tòm ala phim jòng? Bol khai neh git bơh tap 2 rau. Ờ gớs bơta lơi lơh bol khai in lơh krơi, bơh bol khai sùm sền nền ala bơta dêt rhền, ala cơng tàng-mờ tŭ rơn dap wơl jơh tơl bơta gơlik loh làng bơh lài mờ phim hơ̆ cong sơñio gŏ bol khai in

Tŭ đọk sră Este, bol he kung păl sền nền bèhơ̆ sơl. Dồ bơta lơh krơi, sơnđăn Yàng Tòm Trồ ò gŏ jơh dồ sră do. Mơya bơta hơ̆ ò di là Kơnràñ ò gŏ mat. Mìng là bol he păl sền sơwì dồ bă krăñ cî rlau nàng đăl git gùng dà Yàng ràng tơlik să tòm Kơnràñ.

Tòm tap 2 sră Este, Sră Goh cih: “Mordike neh cèng bal dô nă cau jơi bơtiàn sơnđan la Hadassa hơ̆ la Ester; bơh khai ò gam gơs mè bèp tai, cau ơruh hơ̆ hàng mơnĕ ngan mơ Mordike neh ròng siam khai bơh dềt kung be kòn ùr tòm khai dê. Behơ̆ tòm tŭ jơnau gơnoar sồr mơ bơta lơh nền bơtau dê neh geh yal tơlik, gơs oă cau ơruh pơjum bal tòm ƀòn dờng Susa, tòm bơta sền gàr Hegai dê. Este kung geh cèng tus tòm gơlang bơtau mơ neh jào Hegai in la cau at bồ gơlang bau ùr bơtau dê. Tòm ală ngai hơ̆ tòm tŭ Mordike ơm nggui di mpồng gơlang bơtau dê, gen gơs bàr nă cau kwang duh broă bơtau dê gơs broă tòm kơp gàr gùng mpồng bơtau la Bikthan mơ Teres bàr nă kwang kriau kơp gàr mpồng neh gơhào gơjrañ di cau bơtau mơ bơtào kai gơrmơ̆i nàng tơnchơt òm bơtau Ahasuerus. Mơya ală bơta gơlik gơs hơ̆ neh kơno git tus di Mordike, gen khai yal bau ùr bơtau la Este in git; gen Este yal wơl cau bơtau in, mơ Este yal bơtau in ai sơnđan Mordike neh jòi git bơta hơ̆.”
‭‭(Este‬ ‭2‬:‭7‬-‭8‬, ‭21‬-‭22)

Sền lòt găn, jơnau yăl yau hơ̆ bè là ờ gơ tòm klac băl. Mơya tŭ sề jrô, bol he rơp sền gŏ blàng tê Yàng Tòm Trồ găm lơh broă, bulah sơnđăn Kơnràñ ò geh đớs tús.

Este neh lòt găn dồ bơta roh dờng ngăn tŭ mè bèp sang rài. Mơya Sră Goh neh ai git: “Bol he git lah tòm jơh ală bơta, Yàng Tom Trồ lơh tồ gơs kwơ cau lơi in kòñ gơboh di Kơnràñ, hơ̆ la cau neh geh hòi sac jat bơta lơh nền Kơnràñ dê.” (Rôma‬ ‭8‬:‭28). Bơh mè bèp neh sang rài mờ Este geh ồng Mordike ròng siam, mờ bơh hơ̆ geh cèng tus tòm gơlang bơtau. Bơh Este ơm tòm gơlang bơtau gen Mordike rgơi yăl mò in bàr nă cau kwang duh broă bơtau rơp tơnchơt òm bơtau. Bơh hơ̆ cau bơtau ò chơt. Do ò di là broă ni sơ na ò! Gen ngăn, blàng tê Yàng Tòm Trồ jơm gòm, Kơnràñ rơndap 1 nơm gùng dà dờng rlau tai.

Jơnau yăl yau dêt do mìng là dùl tòm rbô rhiang cơng tàng, ai gŏ jơh dồ sră Este neh geh vẽ dồ nơm rùp wil tơl mờ Yàng Tòm Trồ-Bơtau neh geh cih kòp ngai tòm rài kís bol he, lài mờ tŭ bol he geh crơng gớs (Đớs crih 139:16)! Tŭ đọk mờ sền sơwì ala” cơng tàng” bol he rơp sền gŏ sră Este sùm ràng tơlik bơh Yàng Tòm Trồ-Bơtau sền gŏ loh làng tơl pơnah mờ rơndap bol gơ dê dồ tơng gu dờng rlau. Mờ tơng gu dut là cèng bơta dong klàs làng bol Kơnràñ in.

Gen gơwèt mơ bol he là belơi? Gen Yàng Tòm Trồ kung găm lơh broă tòm rài kís bol he jat bè gùng dà mờ bol he ò rgơi đăl git sơl? Kơnràñ neh ngui ala bơta kal ke lơi nàng cèng he tús dồ bă tiah niam rlau tai? Ala bơta rung rài- bulah jê sồt hala kal ke ò tơl git wă tŭ hơ̆-mơya tơnơ̆ rơp ràng tơlik blàng tê song ring Kơnràñ dê? Bơta yăl yau mò Este hòi jạ bol he bơ srăm lơh “ Cau jòi git đah hwềng”, jòi dồ bă krañ cê ala cơntàng, mờ dòn kơnờm bulah tŭ hơ Yàng sền bè ơm ring ngềt, Kơnràñ ò tŭ lơi ò gŏ măt, mờ Kơnràñ ò tŭ lơi là ò lơh broă bơh bơta kwơ màng làng bol Kơnràñ dê.

Dan jà bol he dô nùs bal tòm bơta hòi dan: Ơ Yàng, kòn ưn ngài Kơnràñ bơh Kơnràñ sùm sền gŏ kòp jơh pơnah dêt rhền tòm rài kís kòn dê. Dăn tơng kah kòn in lah, bulah kòn sền gŏ kòn dêt rhền hala ờ tơl pràn, Kơnràñ găm ngui kòn bơh tơng gu dờng màng Kơnràñ dê. Dăn ai kòn in hwềng nùs dòn kơnòm, git jak bè mọ Este, nàng kòn sền gŏ blàng tê Kơnràñ găm lơh broă hơđang hìu nhă, broă lơh, hala tòm pơnah mờ Kơnràñ ai kòn in. Dăn rài kís kòn ràng tơlik bơta song ring mờ gơ noăr Yàng dê, nàngc èng oă cau tús dê bơta dong klàs Kơnràñ dê. Kòn jơh nùs hòi dăn tòm sơnđăn Yàng Je-su Krist, A-men.

Ơ ồng mọ, oh mi koñ gơboh, Yàng Tòm Trồ ò tŭ lơi lời sền gàr dê làng bol Kơnràñ, ngăn là ala cau sền bè lơ bơn lo ñio, dêt rhền. Kơnràñ neh gui dồ nă cau ùr ờ gớs mè bèp nàng dong tă jơ dồ làng bol. Ngai do, Kơnràñ kung ngui dê să tòm bol he- bulah hơ̆ là dồ nă cau bau ùr, cau mẹ, hala dồ nă cau ùr -nàng ràng tơlụ gùng dà dờng màng Kơnràñ dê. Bol he dòn kơnờm dê Kơnràñ sơl? Pờ té măt bơta dòn nàng đăl git blàng tê Yàng găm lơh broă tòm rài kís he, mờ cơnđoà bơh bơta hơ nền lah Kơnràñ sùm ơm mò bol he mờ găm lơh broă dồ bă gơnap gơnoăr tòm rài kís bol he.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.