Jơnau yal yau mò Exte dê ờ di mìng đơs tus nus khin cha mò dê tài bơh dà lơgar mơ phi să tờm he dê. mơya drô ndơp rlau tai, bol he sền gó loh làng broă lơh crih crài Yàng Tòm Trồ dê, tú Kơnran ngui dồ nă cau ur lơbơn nàng phalin bơta iơh bơsac cau sò tơm dê. dê gùl bơta tom lơh gơlơh bè dờng rlau mơ bơta pràn mò dê, Exte neh sac bơta gơn kơnờm dê Yàng, jào phi bơta kis he dê Yàng in. bơh bơta dờn bơr hớ, Yàng Tòm Trồ neh ràng tơlik rơndap Yàng dê – dồ rơndap mơ cau sò tơm ờ rgơi git lài, dồ rơndap cèng wơl bơta phalin gơklo tus dê làng bol Yàng dê.

Ngai do, ngai 22/10/2025, rơndap bơta hòi dăn kòp ngai, hòi jà ồng mọ oh mi kơlôi sơnơng Jơnau Yàng bal mơ ồng Vernell Windsor bơh tơnggume PHA LIN KƠNỜM NÙS DỜN BƠR

“Lòt pơjum tĕ jơh ală cau Juda ơm tòm Susa, mơ tài bơh añ mơ ơt sa. Bañ sa hala hùc tòm pe ngai mơ pe mang. Añ mơ ală cau ùr duh broă añ kung rơp ơt sa sơl.” (Este 4:16)

Cau ồng jak tom lơh sơnđan la ồng Muhammad Ali neh đơs: “gơpar bè kon klàng kìm, mơ sồc jê bè kon òng. tê cau ờ rgoi tom lơh ala bơta mơ mat ờ rgơi sền gó”.
bol he rgoi ai lơh kroi: bau cau bơtau Exte gen gơs nchi lơi nàng đơs tus ồng jak tom lơh Muhammad Ali taih? moya tú he đòk sra Exte bơh tap 3 tus tap 5, an kah tus jonau đơs mơ oă cau git do. Ali neh geh pà ai bơta nđàc kroi is mơ oă cau ờ rgoi geh. hớ la bơta nđàc mơ Y àng Tòm Trồ Gơnap Gonoar neh ai ồng in! kung bè hớ, mò Exte neh geh pà ai bơta nđàc mơ cau sò tơm mò dê ờ rgoi geh.

Mpang tê cau sò tơm dê bềng bơta blac pơrl ồm. sùm pồn prap ala bơta ioh bơh sơn rờp. an gam kah gơs dồ dớ khai tom dra tus dê bơta tomlac an dê bal mơ ala cau ndai. gơloh bè cà rak ràng tơ lik dồ bơta bớ bơl nàng lơh gơplớ an. mơ ya, Yàng đơs: “ờ tú lơi bè hớ”.

Mò Este kung tìp bơta kal ke bơh ồng Haman dê, sra goh yal tơlik tòm Este 3:8 lah:

“Gen Haman đơs mơ bơtau Ahasuerus lah: “Gơs dô nơm làng bol gơprah ơm nrah nring digùl ală làng bol tòm jơh ală kơnhwàl lơgar bơtau dê. Ală bơta boh lam bol khai dê la krơi is mơ jơh ală làng bol ndai dê, mơ bol khai ò lơh jat ală bơta boh lam bơtau dê; gen tàng ò di pal ngan bơtau in kong ơt di bol khai.”

Nus iơh ồng Haman dê neh cèng w ơl bơta kalke dờng ngan tus dê làng bol Israel! bulah broa gơlik gơs an in ờ kalke bè mò Este, mơya bơta tomloh đah hw ềng an dê kung neh lòt gan bè broa do! mò Este neh sơn tờm ơt sa mơ hòi dăn mơ hòi jà ală cau ndai kung lơh bè mò sơl. Yàng Tòm Trồ kung neh rcang dồ rơndap dờng mơ ồng Haman ờ rgoi git lài!

Ala tú ơt sa mơ hòi dăn neh cèng oă cồng nha hơ đang rài kis an dê. tơ nớ mơ ơt sa, an sền gó lohlàng rlau, kơno lohlàng rlau, mơ kơlôi àng loh rlau. mò Este sùm gơs rài kis ơt să mơ hòi dan. mò neh pơyoa j ơnau đơs tus dê ồng Modike:
““Lòt pơjum tĕ jơh ală cau Juda ơm tòm Susa, mơ tài bơh añ mơ ơt sa. Bañ sa hala hùc tòm pe ngai mơ pe mang. Añ mơ ală cau ùr duh broă añ kung rơp ơt sa sơl. Tòm tŭ neh lơh behơ̆ rau, añ rơp lòt tus hơ cau bơtau bulah bơta hơ̆ la tìs mơ bơta boh lam. Mơ dilah añ pal chơt gen añ chơt.” (‭‭Este‬ ‭4‬:‭16)

Mò Este neh gơlik gơs cau dờng tòm nus nhơm an dê! Yàng Tòm Trồ ờ di mìng lơh broa tom rài kis mò dê mơ Yàng kung neh dong rài kis an dê sơl. jonau yal yau do neh tơngkah an lah an gơs dồ nă Cau Bèp kờn gơboh, Bơtau sùm dong tă an klas bơh ală cau sò tơm. Yàng sùm gơs rơndap nàng dong tă mơ pà ai bơta pha lin tus dê kon sau Yàng dê. cau sò tơm ờ rgoi git kung ờ gơs gơnoar – mơya Yàng bol he dê gen gơs!

Yàng Tòm Trồ sùm gam bơt ê bol he git broă “gơpar bè kon klàng kìm, sồc jê bè kon òng” Yàng sùm gam lơh cơng lah “tê cau sò tơm dê ờ rgơi tom lơh mơ ală phan mat ờ rgơi sền gó.” Yàng sùm gam lơh broă cau sò tơm dê gơlik ờ kwơ!
Dan jà bol he dô nùs bal tòm bơta hòi dan:

Khoai Bèp kờn gơboh, dan Yàng pờ nus kon dê nàng dờp rò ală bơta nđàc mơ tề lăm Yàng dê. tú tìp ală broă iơh cau sò tơm dê, dan dong kon ntào kớ mơ prap bơta dờn bơh bơta ơt sa mơ hòi dan. dan pà ai kon in nùs khin cha bè mò Este, khin cha dờn bơr nus kờn Yàng dê bulah pal tìp bơta kalke. dan rài kis kon dê sùm kis tòm bơta phalin mơ Yàng Dong Klàs Jêsus neh pà ai. kon jơh nùs hòi dăn, ai sơnđăn Yàng Jêsus Christ, Amen!

Ơ ală ồng mọ oh mi kờn gơboh, Yàng sùm gơs pơnah nàng dong tă mơ pà bơta pha lin tus dê bol he in, bulah tú cau sò tơm gơlơh bè neh at bơta pha lin tòm tê khai dê. ngai do, Yàng sùm gam lơh broă nàng lơh kai gơr mới cà rak dê gơlik ờ kwơ. broă pal càng hớ la bol he mhar jào phi Yàng in bè mò Este neh lơh hala ờ? dồ nă cau ur dềt rhền mơya khi cha gơn kơnờm dê Yàng, neh cềng wơl bơta dong tă tus dê làng bol mò dê. broă do tơngkah bol he lah: tú he ơn nùs gơn kơnờm dê Yàng, bol he rơp gó Yàng pà ai he in bơta jak chài, nus khin cha mơ cồng nha phalin, ờ di pà ai he in lơm ờ mơya tus dê ală cau mơ he kờn gơboh sơl.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.