Puas muaj zaum twg koj ua haujlwm hauv ib pawg, tus twg twb muaj peev xwm, tiamsis ib leeg ib lub tswv yim, tsis muaj leej twg zam leej twg, yog li thaum kawg thiaj mus tsis txog qhov twg? Txawm yuav muaj peev xwm npaum twg los, peb kuj yuav mus tsis tau deb yog tsis muaj ib pawg koom siab ua ke. Thiab hauv txoj kev nrog tus Tswv mus kuj ib yam li ntawd, peb tau hu los koom tes ua ke, sib pab, kom ua tiav Vajtswv lub homphiaj dawbhuv.

Hnub no, yog hnub 10/09/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Wally Odum dhau ntawm Zaj kawm KOOM SIAB THIAJ YUAV UA TIAV.

“Nej tsis txhob ua ib yam dabtsi kom zoo rau nej lossis kom neeg qhuas nej xwb; tiamsis nej yuav tsum txo hwjchim thiab ib tug tsis txhob khav hais tias ib tug zoo dua ib tug. Nej tsis txhob xav txog nej xwb, tiamsis nej yuav tsum xav txog lwm tus thiab”  (Filipis 2:3-4)

Casey Stengel, yog ib tug thawj coj zoo hauv pab cob cov tub ntaus pob bóng chày, tau hais ib lo yog heev li no tias: “Nrhiav tau tus tub ntaus pob txawj tsis nyuaj. Tiamsis ua li cas kom lawv koom tau ib lub siab ua ke thiaj yog yam ua rau mob taub hau.” Lo lus no tsis yog tsuas yog hauv kev ntaus pob xwb, tiamsis tseem yog nyob hauv kev ua lub neej txhua hnub thiab.

Peb txhua tus puav leej kuj yuav ntsib tej lus nug li ntawd: Yuav ua li cas kom tej peev xwm thiab koob hmoov Vajtswv pub rau peb dhau los koom tau lwm tus ua ke? Yuav ua li cas kom sawv daws koom ua tau haujlwm ua ke, koom txhais ruam mus, koom tig mus rau tib lub homphiaj? Lo lus nug no tsis yog tsuas tseg rau tej haujlwm hauv tsev neeg xwb tiamsis kuj cheem tsum yuav tau muab los xav hauv txojkev nrog tus Tswv mus.

Muaj tej hom kev ntaus pob yog tus kheej ntaus, xws li sib ntsuas zog, ntaus tes taw lossis ntaus golf, koj ib leeg yuav tau cim civ ua, yeej thiab swb nyob ntawm yus txiav txim. Tiamsis hauv kev ncaws pob, bóng rổ, bóng chày hay bóng bầu dục thiab tej hom kev sib tw cheem tsum sawv daws sib pab, koj tsuas nrhiav tau kev muaj yeej thaum uas tag nrho pab sawv daws yeej. Hauv txoj kev nrog tus Tswv mus thiab tag nrho peb lub neej kuj zoo li ib txoj kev sib tw ncaws pob sawv daws coob coob tug los sib koom. Lub tswv yim pab kom muaj yeej yog peb paub koom tes nrog lwm tus.

Kev khav theeb thiab kev qia dub yog daim phab ntsa thaiv loj tshaj ua rau ib pab tsis loj hlob. Tswv Yexus qhia peb tias txawm yog cov uas ua thawj coj tib si, tus twg los kuj yuav tau kawm txo hwjchim thiab ua lub neej pab lwm tus. Paulus nkag siab zoo txog qhov muaj nqis thaum sawv daws koom tes ua ke. Yawg hais txog qhov uas ua haujlwm raws tsheej pawg, vim yawg paub tias thaum peb koom siab ua ke, peb thiaj ua tiav tes haujlwm Vajtswv cob.

Nyob hauv tsab ntawv xa rau Pawg Ntseeg Filipis, yawg txhawb cov ntseeg:
“Nej tsis txhob ua ib yam dabtsi kom zoo rau nej lossis kom neeg qhuas nej xwb; tiamsis nej yuav tsum txo hwjchim thiab ib tug tsis txhob khav hais tias ib tug zoo dua ib tug. Nej tsis txhob xav txog nej xwb, tiamsis nej yuav tsum xav txog lwm tus thiab”(Filipis 2:3-4).

Paulus hais meej meej txog tus mob ua rau txhua pab pawg poob qab yog: lub siab qia dub. Thaum ib tug neeg tsuas paub xav txog tus kheej hnov qab lwm tus, lawv yuav dhau los nyob ib leeg zuj zus thiab ua haujlwm tsis muaj qab hau zuj zus.

Lo lus “qia dub” nyob hauv cov lus Kilis muaj lub ntsiab tias: “Kuv txais tau dabtsi nyob hauv qhov xwm no?” Ntawm no yog ib tug cwjpwm sib txeeb, yeej ib txwm pom nyob hauv kev ua nom tswv thaum ntawd. Thiab niaj hnub nim no kuj txawv tsis deb pes tsawg.

Paulus nqua hu kom peb saib “lwm tus tseem ceeb dua yus”. Qhov no yog ib txoj kev sim siab loj rau peb tib neeg sab nqaij tawv. Vim nyob rau hauv lub ntiajteb sib txeeb li no, leej twg los twb xav kom yus tau lees txais, leej twg twb xav kom yus txais tau kev muaj yeej.

Tiamsis Paulus yeej tsis hais tias peb yuav tsum tsis txhob lees txais txoj koob hmoov no lossis yus lub peev xwm. Yawg txhawb kom peb saib taus txhua yam uas Vajtswv pub rau lwm tus thiab. Ib leeg nws yeej muaj nws ib qhov muaj zog, ib leeg nws yeej muaj nws ib qhov muaj zog ntawm ib yam twg. Yeej tsis muaj leej twg muaj tag nrho txhua yam, thiab tag nrho tej uas lwm tus muaj tseeb tiag ho yog yam uas peb cheem tsum.

Tswv Yexus xav kom cov thwjtim lawv ua lub neej sib haum xeeb, tsis qia dub. Ib qhov piv txwv zoo txog lub siab no tshwmsim nyob rau hauv txoj kev sib tw rau lub caij ntuj no xyoo 1964.

Nyob rau hauv feem sib tw cov tsheb daus ob tug ua ib pab, pab tebchaws Anh yog Tony Nash yog tus tsav tab tom nyob thib ob tom qab tsav ua ntej ob ncig. Tiamsis lawv pom muaj ib lub pob teeb nyob tus pas tom qab puas lawm. Qhov yuam kev no tej zaug yuav ua rau nkawd yuav tau tawm hauv txoj kev sib tw mus.
Thaum ntawd, tus tub sib tw nto npe lug yog neeg Ý Eugenio Monti yog tus ua ntej. Thaum hnov xov li ntawd, nws yeej zoo siab hlo muab nws lub pob teeb tom qab hle xa mus rau pab tebchaws Anh siv ua ntej.

Vim li ntawd, pab tebchaws Anh thiaj tau sib tw ntxiv nrog rau txais tau kev muaj yeej yog lub nyiaj kub. Tshuav Monti thiab tebchaws Ý lawv txaus siab thaum yog pab thib peb.

Thaum luag nug tias vim li cas ho zoo siab hlo pab yeeb ncuab tog, Monti txo hwjchim teb: “Tony Nash yeej tsis yog vim kuv muab lub pob teeb rau yawg qiv, vim yawg yog ib tug tub sib tw txawj tiag tiag.”

Qhov uas Monti ua li ntawd pab rau yawg dhau los ua thawj tus neeg tau txais lub meej mom De Coubertin, ib nyob rau hauv cov meej mom siab tshaj plaws tau qhuas nyob rau hauv keeb kwm Olympic.

Vajtswv foom hmoov rau cov neeg muaj lub siab txo hwjchim thiab siab zoo. Ntawd yog tib txoj kev kom peb dhau los ua tus neeg “muaj yeej” nyob rau hauv yus lub neej. Kev muaj yeej yuav tsis los rau peb thaum uas peb xav txeeb kom tau feem ntau dua, tiamsis yog yam uas peb paub koom mus ua ke hauv txoj kev hlub thiab kev koom ua ib lub siab.

Casey Stengel tau coj nws pab mus txais tau ntau lub meej mom, tsis yog vim yawg nrhiav tau cov neeg txawj, tiamsis vim yawg paub sib pab thiab sib txhawb.
Qhov no tau muab coj los coj hauv kev sib tw, hauv Pawg Ntseeg, thiab hauv peb lub neej txhua hnub. Vim thaum peb ncaj ncees koom ua ib lub siab ua ke, ib leeg tsis txeeb ib leeg, tsis sib txeeb, ces thaum ntawd Vajtswv tes haujlwm thiaj yuav tawg paj txi txiv tiag tiag.

Thov caw nrog kuv peb thov Vajtswv ua ke: Tus Tswv, kuv ua Koj tsaug rau tej koob hmoov uas Koj tau tso rau hauv peb lub neej, thiab tej kwv tij ib ncig kuv. Thov qhia rau kuv kom paub ua lub neej txo hwjchim, saib ntsoov lwm tus los ntawm lub siab hwm taus thiab sib hlub. Thov Vajtswv pab kom kuv zoo siab hlo koom tes, ua haujlwm thiab sib pab cov ua haujlwm hauv txoj kev nrog tus Tswv mus, kom peb koom ua tau tej yam muaj nqis pub rau Vajtswv. Kuv thov hauv Tswv Yexus Khetos lub npe. Amees.

Cov kwv tij txhua tus, peb tus Vajtswv tsis nrhiav “cov neeg uas txawj tshaj” Nws hu cov neeg muaj lub siab kam txo hwjchim los rub lwm tus nce, nrog tib lub homphiaj yog loj hlob Vajtswv tes haujlwm. Yog kwv tij hauv Vajtswv ua ke, cia siab tias txhua hnub peb yuav kawm tau txoj kev txo hwjchim, sib pab, kom loj hlob hauv txoj kev hlub. Rau qhov yam uas ua rau kom ib lub zej zos loj hlob tsis yog peb txhua tus lub zog, tiamsis yog lub siab txo hwjchim, sib hlub, zoo siab hlo koom tes ua ke mus kom txog thaum kawg.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.