Hauv txoj kev ntseeg Vajtswv nyob hauv lub neej no, tej zaug peb muaj ntau tus ntsib dhau tej kev hloov pauv, tej kev nyuaj siab, ntau zaug tseem yog tej kev mob siab vim yus ua yuam kev. Peb cia tej ntawd ua rau peb muaj kev tu siab. Tiamsis muaj ib qhov tseeb nyob hauv Vajluskub yuav tso peb dim. Ntawd yog Vajtswv hlub peb thiab xav pab peb hloov: Nws yuav ris peb tej kev mob, ris peb tej kev ua yuam kev, thiab muab txoj kev dawbhuv, kev kaj siab thiab kev ywj pheej rau peb. Koj puas xav pauv yam uas zoo kawg nkaus ntawd?

Hnub no, yog hnub 08/09/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Jacqueline J. Overpeck dhau ntawm Zaj kawm KEV SIB PAUB DAWBHUV.

Vajtswv yog tus uas muaj kev hlub; yog leej twg muaj kev hlub, tus ntawd yeej nrog Vajtswv sib raug zoo, thiab Vajtswv yeej nrog tus ntawd sib raug zoo.” (I Yauhas 4:16)

“Peb paub thiab peb ntseeg hais tias Vajtswv hlub peb. Vajtswv yog tus uas muaj kev hlub; yog leej twg muaj kev hlub, tus ntawd yeej nrog Vajtswv sib raug zoo, thiab Vajtswv yeej nrog tus ntawd sib raug zoo.” (I Yauhas 4:16).

Thaum mus cuag Vajtswv hauv txoj kev thov Vajtswv, muaj ib feem nyob hauv koj yuav tau tshem tawm. Feem ntawd yog tej kev nyuaj siab, kev tu siab, kev txomnyem, kev puas tshuaj uas koj tau ntsib dhau hauv koj lub neej. Thaum koj muab tej ntawd nthuav qhia rau ntawm Vajtswv, Nws yuav hliv kom puv nkaus nws txoj kev hlub rau koj tus ntsujplig. Vajtswv yog kev hlub (1 Yauhas 4:16) thiab nyob hauv Vajtswv muaj kev kho zoo loj (Ntawv Nkauj 103:1-5).

Ntawm no yog ib qhov kev sib pauv: Koj muab koj tej kev mob siab rau Vajtswv, Vajtswv kho zoo koj thiab ua kom koj lub siab puv npo Vajtswv lub siab nyiam. Koj muab kev txhawj ntshai tso tseg, Vajtswv muab kev ntseeg los tso rau. Koj muab koj tej kev txhaum qhia rau Vajtswv, Vajtswv pub koj muaj lub neej dawbhuv.
Ib txoj kev sib pauv, muab yam dawbhuv los hloov rau tab tom tshwm tuaj. Tib neeg piv qhov kev sib pauv no zoo li lub sijhawm sib pauv. Feem ntau txojsia puav leej yog nyob rau ntawm qhov kev sib pauv no, xyoob ntoo, tsiaj txhu thiab tib neeg tib si.

Pivtxwv, tej nplooj ntoo vam rau qhov pom kev thiaj ciaj. Txoj kev hloov pauv pib thaum uas qhov pom kev ci tuaj rau ntawm cov nplooj. Cov nplooj txais yuav qhov pom kev, nqus tus duab tshav los yug nws, thiab tib txhij ntawd nws kuj tso ib cov pa tawm ua txojsia pub rau lwm tus. Ntawm no yog qhov kev sib pauv ntawm tus duab tshav ntuj dhau los ua cov pa ciaj sia.

Ib yam li ntawd, tag nrho txhua tus tib neeg puav leej vam khom rau Tswv Yexus tus duab pom kev, uas yog Vajtswv tus tub, kom tau hloov dua tshiab, tau kho zoo thiab dhau los zoo kawg nkaus. Zoo li cov nplooj ntoo nqus tus duab tshav, ib feem zuj zus hauv tib neeg yuav tau chwv thiab rov qab kho los ntawm Vajtswv tus dawbhuv. Thaum kawg txoj kev sib raug zoo yog ntawd yuav yog tej pa tu peb txojsia sab ntsujplig. “Vim nyob hauv Vajtswv peb muaj sia, peb ua haujlwm, thiab muaj nyob”. (Tes Haujlwm 17:28).

Yog li hnub no, koj puas npaj txhij los muab koj txoj kev mob pauv Tswv Yexus txoj kev hlub? Txoj kev hloov pauv pib thaum koj tso tej yam qub tseg txais yuav yam tshiab thiab koj yuav txais tau yam tshiab nyob hauv yus lub neej.

“Kuv lub siab cia li qhuas tus Tswv! Tagnrho kuv lub cev, cia li qhuas Nws lub npe uas dawbhuv! Kuv lub siab, cia li qhuas tus Tswv thiab nco tsoov nws txiaj ntsig. Nws zam kuv tej kev txhaum huv tibsi thiab kho kuv tej mob zoo hlo. Nws pab kuv dim kev ploj kev tuag, nws hlub thiab tshua kuv, nws foom koob hmoov rau kuv. Nws pub txhua yam zoo rau kuv lub neej,yog li ntawd, kuv thiaj tseem hluas thiab muaj zog khov kho ib yam li tus dav” (Ntawv Nkauj 103:1-5).

Thov caw nrog kuv peb thov Vajtswv ua ke: Kuv tus Vajtswv uas kuv hlub! Kuv ua Koj tsaug vim nyob rau lub sijhawm txomnyem thiab sim siab, yuam kev hauv lub neej koj yeej nrog nraim kuv nyob. Koj tuag saum Ntoo Khaub Lig kom kuv tej kev txhaum tau zam, txhawm puv nkaus kuv lub siab los ntawm txoj kev hlub. Thov Vajtswv pub kom kuv ntshaw nrhiav koj txhua hnub, kom kuv txais tau lub zog los ntawm koj los, ua haujlwm thiab muab lub neej pub rau koj. Kuv thov hauv Tswv Yexus Khetos lub npe. Amees.

Cov kwv tij txhua tus, kom kuv coj tau Vajtswv txoj kev hlub nthuav tawm pub rau tej neeg ib ncig ua ntej peb lub neej yuav tau hloov pauv. Puas yog peb twb yog cov neeg txhaum tsau tsawv rau tej kev txhaum, tsau tsawv hauv ntiajteb? Vajtswv txoj kev hlub hloov pauv kiag koj hnub no lawm tau? Tshuav pes tsawg, kev lwj siab, kev txomnyem, kev tu siab nyob hauv koj lub neej, hnub no cia li coj mus tso rau ntawm Vajtswv xub ntiag? Tus Cawm Seej tab tom tos thiab npaj txhij yuav nrog koj sib pauv, kom pub rau peb muaj lub neej hloov dua tshiab hauv Nws.
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.