Gơs tŭ lơi ồng mò oh mi gơ lơh ò gơ boh gơ bài mơ rài kis he sơl? Ală bơta gơlơh sum sum dô bă òs mòng, ò gơs bơta pa lơi, mơ ồng mò oh mi kung ò git gùng lòt rài kis he dê la be lơi, tian gơs ồng mò oh mi lùp is digơlan Yàng neh dơh wơl ală broă lơh hơđăng rài kis he dê. Mơya ngai do, sền wơl sèng yal ồng Ápraham dê. Tŭ ồng dòn bơr nàng lik lòt bơta bă tiah ring lơngai he dê, Yàng neh tề lam ồng lik bơh dih nàng ồng sền tơnggơr hđang trồ mơ sền dê ală bơta dờng ơnàng mơ să tòm tê Yàng neh rcang sir ồng in.

Ngai do, ngai 27/07/2025, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl mò Susan M. Watkins bơh tơnggume: KƠP GƠN JƠNAU HO PƠ GON RING NIAM

Sră Goh: ‘Tòm jơh ală jơnau ho pơgon niam mơ Yàng Jehôwa neh bơtào mơ hìu Israel, ò gơs jơnau lơi ò gơlik gơs; jơh ală neh gơlik di ngan lơm.’ (Jôsue 21:45)

Pa do, ồng mò oh mi sền dê ală sơ mañ hơ đang trồ sơl? Ồng mò oh mi lòi dô êt tŭ jơ nàng sền gơ hala ò? Ală sơ mañ hơ kư̆ òm òm àng gơ crà hơđăng trồ, kư̆ ơm mŏ be bơta rơndap Bơtau Crơng Gơs dê. Trồ dờng ơ nàng la tiah ơn bềng tơl jơnau ho pơ gon Yàng Tòm Trồ dê, kung la tiah ràng tơlik bơta gơ klŏ Yàng dê. Añ ò git ồng mò oh mi be lơi, mơya “trồ măng” añ jê dơ dơ mhwal gơ cang ndơp. Tŭ rài kis gơlik càl rbut, añ òhềt sền loh bơta rờdap tap sèng Yàng dê ai pà añ in.

Bơta sền go ồng Abram dê kung gơ cang king ò loh be hơ. Bulah ồng neh jào phi rài kis Yàng in mơ kis dô rài kis phi să, mơya lòt gan ală nam kơnhai, kung gơs tu Abram gơ lơh pin wil wơl. Sră Goh cih wơl gùng dà Yàng Tòm Trồ ràng tơlik ală bơta rơndap tap sèng Yàng dê ồng Abraham in:

‘Gen Kơnràñ lam khai lik dê bơdìh mơ đơs lah: “Mê tơnggòr sền tĕ hơđang trồ, mơ dilah mê rgơi kòp jơh ală sơmañ gen kòp tĕ.” Kơnràñ đơs tai lah: “Jơi bơtiàn mê kung rơp behơ̆ sơl.” ‘ (Sơnròp Gơlik Gơs 15:5)

Be ală nggar kim cương àng gơ trà hơ đang trồ măng, ală sơ man golik gơs cơng tàng yal tơnggit jơh dà lơgar in git dô làng bol pa rơp gơlik gơs. Tòm bơta krơi is, Abram sền tơnggor hơđăng trồ mơ iat kơ no ală jơ nau ho pơ gon Yàng Tòm Trồ ai pà jơi bơtìan he in. Làng bol Israel kung sơn tòm gơlik gơs dròm be ală sơ man hơ đang trồ, àng gơ crà tòm măng jơ ngo.

Gơs dơ, an ơm tòm iu jo in. Bơta gơ oă broă gơ lơh an in gi ga mơ ơn nus ơn tôr ir dê ală bơta hơ đap mat. Bơta sền go an jê kung be hơ gơ lơh hat ngan mơ gơ kòl jàm. Mơya be gùng dà Yàng lơh mơ ồng Abram, Yàng pà an lik bơ dih nàng an sền tơng gơr hơđang trồ mơ hưh hơh bơh trồ tiah ring niam nàng an nhơm jrô ngan. Mat an pal cang tu jơ nàng os mòng mơ bơta sền go pa, la bơta sền go Yàng dê. An geh hòi sac nàng lik bơh ală bơta gơ wàng dà lơ gar dê mơ khat gơboh cơn đòa tòm ală bơta dờng màng rlau. Sền bơh di bơta sền hơ, ală broă nisơna tòm gơl. Ală bơta gơlơh be ò rgơi lòt gan tu jơ do gơlik dềt rhền. Ală bơta kơ lôi sơ nơng, dơrcul rơp roh thit tòm bơta tơlik mat Yàng dê. Ală bơta ơnòng kơn jơ be lu kơn jơ kung gơlik nggòc tu bơta dòn song Yàng dê gơ wàng gùt dar an. Bồ dơngoh an kung tòm gơl tu an git sền ală broă tòm bơta sền go Yàng dê mơ rlô bòl tòm blàng nhơt tơrlir Yàng dê.

Gơs ală tu, bol he pal cơn đòa tus bơh dih, lik klas să tòm dê bơta kis os mong, nàng rgơi sền tơnggơr mơ ò dê khun bồ mơ jòi ală bơta os mòng rlau jơh. Yàng rơp tòm gơl ală bơta gơlik gơs gùt dar tu do bol he dê mơ bơ tơl pàn kơl dang nàng rgơi cơnđoà pơn jat tòm bơta ntoat pơ lòng hơ đap.

Lòt gan oă nam k ơn hai cơn đoà lòt bal mơ Yàng, an dòp rò ò git nđò j ơ nau ho po gon bơh Yàng. Bulah gơs dơ ò bàn joh bơta Yàng rơp lơh, mơya an dòn nin tòm jo nau ho pơ gon à Yàng dê . Bơta ho Đròm be bol he đặt rwat dô nơm phăn, mơ he git lah neh đặt rau, đơn hàng hơ neh geh lơh nên, mình kop gơn nđợ ngai tai nàng geh jao tus. Bol he òhet bàn đơn hàng hơ, mơya dòn là gơ hơ đang gùng tus. Jo nau ho pơ gon Yàng dê kung be hơ, he ò bàn nisona mơya tus tòm toh tu jo. Tòm tu jo kop gơn he geh ntao dờng. Kop nă bol he gơs rài kis pa is mơya kop gơn jo nau ho pơ gon geh gơlik di ngan. Dòn dê jonau gen buon ngan, mơya bol he ko cê kop gơn sơl? Kah te jo nau ho pơ gon Yàng dê ò gơs bơta lơi lah ò tòm toh.

‘Tòm jơh ală jơnau ho pơgon niam mơ Yàng Jehôwa neh bơtào mơ hìu Israel, ò gơs jơnau lơi ò gơlik gơs; jơh ală neh gơlik di ngan lơm.’ (Jôsue 21:45)

Dròm be ồng Abram, bol he kung pal cang os cơn đòa lik bơh dih, sền tơnggor mơ kòp ală sơ man ò git nđò. Rài kis he ò gơ kòl bơh ală bơta tu jơ do dê, tài bơh hơ đap gam gơs ală bơta ring niam mơ Yàng Tòm Trồ rcang lài. Ală bơta bòl glar mơ bol he lòt gan kung ò gơs kwơ. Yàng Tòm Trồ sum ràng tơlik bơta àng tòm bă tiah klăm jơ ngo rlau jơh. ò gơs cau lơi sền sơ man tòm trồ ngai, tài bơh bơta àng trồ ngai dê cang king ală sơ man. Kung be hơ, tòm mang jơ ngo rài kis dê, bol he mơ rgơi go Yàng loh làng rlau. Bơta bol he pal càng lơh hơ la sang sơrbì ală bơta kơ lôi sơ nơng gơlơh bol he wờng tis gùng dà Yàng Tòm Trồ dê. Tài bơh dilah ò lơh be hơ, bol he rơp ò đal git tơnggu rài kis he, mơ sơlo roh bơta gơn kơ nòm. Iơh rlau tai la bol he rgơi kơ lôi Yàng ò lơh broă hơđang rài kis he. Mơya bơta ngan la jơh ală bơta pal ơm tòm tu jơ ring niam Yàng dê.

Ồng mò oh mi cih wơl ală jơnau ho pơ gon Yàng dê ai pà he dê ntềng lơi sơl? Digơlan do la tu jơ he pal pò wơl ală păng sră mơ sền wơl. Mơ neh tus tu ồng mò oh mi pal lik bơ dih mơ sền tơnggor, nàng sền bơta dờng ơnàng Yàng dê.

Dan jà bol he dô nùs bal tòm bơta hòi dan:
Khoai Yàng, tòm ală tu kòn roh gùng dÀ hala bồ dơngoh kòn gơ mut tòm bơta kis oă broă kòp ngai dê, dan tơngkah kòn Yàng sùm gơs dô bơta rơndap ring niam rài kis kòn dê. Digơlan kòn hềt go jơh ală bơta Yàng lơh, mơya dan ai kòn in prap kơ bơta gơn kơ nơm dê jơnau ho pơ gon ring niam Yàng dê. Dan ai kòn in go rài kis kòn hơđang tiah do ò dê mìng dơh wơl tòm ală bơta kòn gơs lơm ò, mơya do la dô gùng lòt bềng bơta ring lơ ngai tu kòn git jào rài kis he dê Yàng in. Kòn ai sơnđan Yàng Jesu Krist, hòi dan mơ Yàng Bèp. Amen.

Ơ ală ồng mò oh mi kòñ gơboh, jơnau ho pơ gon lơi mơ ồng mò oh mi kơp gơn Yàng ho tiah? Ồng mò oh mi kơp gơn jơnau ho pơ gon hơ sơl?

Ngai do, sền tơnggơr hơ đang trồ mơ sền ală bơta dờng ơnàng mơ ring niam Yàng dê, ưn ngài Yàng mơ git ưn ngài Yàng tài bơh Bơtau crơng gơs jơh plai ù do ò sang sơrbì rài kis ồng mò oh mi mơ ai bơta ring lơngai mơ lòt bal mơ ồng mò oh mi.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.