Ñcau tòm bol he kùng kơñ kis dô rài kis rìng lơngai, pleh ngai ală bơta jề sồt mơ sơrlồng sơrlăng. Mơya gùng lòt jat Yàng ò hơ he in bơta rìng lơngai niam – gơ pơrlơ̆ wơl, hơ̆ la dô bơta tòmlơh đah hwềng ò tŭ lơi dơh. Jăt Yàng ò dê là ntao nàng kòng dòp bơta tòmlơh, mơ la tòm dră digùl bơta gơlik gơs, prap kơ̆ nùs dòn song tòm bơta gơlòng, mơ kơ cề tŭ dunnia kờn lơh alah bol he. Mơ nền cê, ò gơs cau lơi lik bơh di bơta tòmlơh hơ̆ mơ ò cêng wơl ală tềl sồ. Bơh di ală tềl sồt hơ̆ lơh cơng ai bol he in gŏ he neh tòlơh mơ pha lin!

Ngai do, ngai 26/07/2025, tơnggu hoi dăn Kòp Ngai dăn ja ông mo oh mi kơlồi sơnờng bal jơnau Yàng kơnòm bơta dong kơl Jennifer E. Jones boh tơnggu mê ALĂ TỀL SỒT TƠNƠ̆ MƠ BƠTA TÒMLƠH

Sră Goh: “Tòmlơh tĕ bơta tòm lơh niăm bơta dòn dê; sơmbăt kơ̆ tĕ di bơta kis găm sùm sùm, bơh mê neh geh hòi sac tùs hơ bơta hơ̆, mơ kùng bơh hơ̆ mơ mê neh yal tơlik bơta yal tơlik niăm di đap oă cau lơh cơng.” (1Timôthe 6: 12)

Cau cih sră Chuck Palahniuk neh cih: “lơh mbe lơi oh mi rgơi wơng loh să tòm he dilah ò hềt tòmlơh dô bơta tơmlơh lơi? Añ ò kờñ chơt mơ ò gơs dô nơm tềl sồt lơi…”

Drim do, añ kơlồi sơnờng bơh gơtha dô bơta tòmlơh ngăn di là ñchi. Là cau ùr, tơmlơh ngăn la “bơta tihdơng” drờm be dô nă cau klau. Mơya, añ neh tòmlơh bal mơ ală oh klau tơm tŭ gam dềt, gèn it oă kùng geh wơng dô pơnah lơi.

Pơnah oă kòp nă cau gèn dô nùs bal lah: dô bơta tòmlơh mơ mìng gơs dô đah kong lơh gèn ò di là tòmlơh. Hơ̆ mìng là kong lơh gời. Cau kùp bơklơn lợi dụng cau lơbơñ rlau mơ he. Dô bơta tòmlơh tòtoh ngăn jăt gơtha la pal gơs bàr đah- cau do lơh, cau nè păl lơh wơl.

Broă prăp kơ̆ bơta dòn kung behơ̆ sơl. Dilah ồng mo oh mi kờñ kís dô rài kis Cau Dòn Krist ngăn, hala ming kis bără barai be dô nă cau jêgloh tơhìr geh rềp mơ Yàng, gèn nên cê rài kis dô rờp tòm dră wơl ông mò oh mi bơh bơta hơ̆. Gơ rờp lơh wơl ồng mò oh mi!

Be Rockky neg đơs: “ò gơs cau lơh pơnjê ồng mò oh mi rlau mơ rài kis ồng mò oh mi di.” Dunnia rờp joi oă kai nàng kơñau bơta chò hòp mơ bơta ring lơngai ồng mo oh mi di, găn ală bơta gơlik gơs ò di jat nùs kờñ, ală bơta gơlơh roh dô bă nisơna, ală bròng jrô mơ ồng mò oh mi ò rgơi kơlồi tùs.

Behơ̆ ồng mò oh mi rơp lơh ñchi lơi?

Ồng mò oh mi rgơi rùc să he, pùn măt mơ kŏng lơh. Ngăn lah, gơs dơ̆ hơ̆ la jơh ală bơta he rgơi geh lơh. Gớs ală bơta gơlòng ò hoi lùp bơta rơndap lơi hala bơta chai rgơi tòdră wơl, mơ mìng la bơta lòng sơwì bơh bơta pràn kŏng ơt di lơm.
Ồng mò oh mi kùng rgơi dô bă băl mơ càu sò tơm mơ bơta lơh pơnjê is să tòm he. Hơ̆ la tŭ ồng mo oh mi dòp rò nàng ai ală bơta kơlồi sơnờng iơh gơmùt tòm bồ dơngoh: “añ ò tơl niam”, “añ ò tơl bơta jak chai”, “añ ò tŭ lơi rgơi geh lòt găn”… Tŭ hơ̆, cau sò tơm ò cang pal pò tê he. Să tòm ồng mo oh mi lơh alah is să tò he.

Moya găm dô bơta sac rwah tai: ồng mo rgơi ñă ntao mơ tòm lơh. tờm lơh sơđìng hơđăng jơnau hơ Yàng dê: “ ò gơs phăn sồt tờmlh lơi neh tiăr rgơi tòmlơh pha rlau mơ ai” (Êsai 54: 17). Ồng mò oh mi rgơi prăp jơnau Yàng tòm nùs, mơ čăng sìr kis ràng tơlik jơnau song hơ̆ kòp ngai. Ồng mò oh mi rgơi tòmtip mơ tòm dră wơl mơ jơh ală jơnau bac pơrlồm găm joi gùng lơh tơnkrăm ơhồ rài kis ồng mò oh mi di.

Ngăn lah, bơta hơ̆ ròp ò ƀuôn. Ồng mò oh mi rop kol kŏng sồt. Ồng mò oh mi rơp gơdàr bồ. Cau sòtơm kơnhơl ò niam, mơ gơ git loh ntingđah la bơta lơ bơn ồng mò oh mi di. Ƀăñ kơlồi lah cau sòtom rơp pò tê – pơrlơ̆ wơl, gơ ròp brồ lơh tòmtoh tiah jề rlau jơh.

Ò gơs cau lơi wiltơl lik bơh bơta tòmlơh mơ ò cèng dô nơm tềl sồt lơi. Să tòm Yàng dong Jêsu kùng gơs tềl sồt. Tơnơ̆ mơ tŭ kis wơl, Kơnràñ neh ai ală cau bơtê in sền têl đin hơđăng să jăn Kơnràñ (Luka 24: 39). Ngăn lah, bơh ală tềl sồt hơ̆ là cơng tang ò rgơi pơndăng săng lah Kơnràñ neh chờt- mơ do neh kis wơl. Añ dòn lah ală tềl sồt bol he di kùng cèng wơl gơtha behơ̆: hơ̆ la tềl sơñio ai tơnggit bol he neh lòt găn bơta tòmlơh.

Ală tềl sồt hơ̆ dong bol he gơs gơnoăr nàng tùs rềp di gah ală cau jề sồt, mơ đơs mơ bol khai lah: “añ neh lòt găn ală bơta gơlik gơs be ông mò oh mi. Añ wờng ồng mò oh mi!”

Behơ̆, tơnggờr tĕ bồ hơđăng. Ông mo rgoĭ kong alah tom ală bơta tơmlơh, mơya bañ hŭi lah ồng mò oh mi neh geh pha lîn rau lòi dùt rau!

“Tòmlơh tĕ bơta tòm lơh niăm bơta dòn dê; sơmbăt kơ̆ tĕ di bơta kis găm sùm sùm, bơh mê neh geh hòi sac tùs hơ bơta hơ̆, mơ kùng bơh hơ̆ mơ mê neh yal tơlik bơta yal tơlik niăm di đap oă cau lơh cơng.” (1Timôthe 6: 12)

Dan jà bol he dô nùs bal tòm bơta hòi dan:
Khoai Yàng kờñ gơboh, dan dong kòn ò dô pleh bơh digùl bơta tòmlơh dah hwềng. Tŭ kòn kol lơh alah, kol jề sồt, dăn bơtô kòn git gơnkơnòm bơta pràn
Kơnràñ dê mơ ò săng lơi. Dan tơngkah kòn lah Kơnràñ neh àñ bơta sồt rmàñ bơh kòn, mơ Kơnràñ wơng loh kòn wil tơl. Dan Kơnràñ prăp gàr nùs nhờm kòn, tŭ kòn kơ̆ nùs mơ dònn song jơl tùs lồi dùt. Nàng găn di ală tềl sồt kòn dê, jơh tơl nă cau rờp git tùs Kơnràñ la Bơtau neh ai bơta pha lin kò in. kòn jơh nùs hoi dăn tòm Sơnđăn Yàng Jesu Kris, Amen.

Ơ ală ồng mò oh mi kờñ gơboh, ồng mo oh mi găm cèng bal ală tềl sồt tơnơ̆ mơ bơta tòmlơh đah hwềng sơl? Ală tềl sồt hơ̆ la cơng tang ai tơnggŏ ồng mo oh mi neh ntao kơ̆, lơh nền ò rùc wơl, mơ ồng mo oh mi neh pha lin tòm gơnăp gơnoăr Yàng ai. Dòn kơnòm ò gơs gơtha la ò tŭ lơi gơ pừ; dòn kơnòm la bulah gơ pừ, bol he găm khin chà ñă ntao, bulah tŭ să jan he bềng bơta sồt r’màñ. Mơ ồng mo oh mi hòn chò tĕ sùm, bơh gìt lah Yang sùm jòi ală cau khin chà tòmlơh bơh Sơnđăn Kởnràñ, dòn song ntao kơ̆ jơl tùs lồi dùt.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.