Thaum uas tos ntsoov ib yam dabtsi twg, peb pheej xav tias: “Tsuas yog tau qhov no xwb, ces yus yuav txaus siab”. Tej kev xav ntawd ntau zaug tsis yuam kev, ntau zaug tseem zoo thiab tsimnyog. Tiamsis raws li lub caijnyoog, peb yuav pom tias caum tej yam uas nyob rau hauv lub ntiajteb no tsis yog tsuas ua rau tag kev cia siab thiab khuv xim xwb. Tsuas yog thaum peb xaiv Vajtswv, peb thiaj yuav tuav tau txoj kev kaj siab ruaj khov mus ib txhis.

Hnub no, yog hnub 31/07/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Veda Thomas Lucas dhau ntawm Zaj kawm XAIV TXOJ KEV UA NEEJ TSIS KHUV XIM

Vajluskub: “Nimno kuv cia nej xaiv saib nej yuav txojsia lossis yuav kev tuag, nej yuav tej lus foom koob hmoov lossis tej Ius foom tsis zoo; kuv thov lub ntuj lub teb nrog ua timkhawv rau tej uas hnub no nej xaiv. Nej cia li xaiv txojsia. Hlub tus Tswv uas yog nej tus Vajtswv, ua raws li nws tej Ius qhia, thiab muab siab npuab nws, nej thiab nej tej xeebntxwv thiaj muaj sia nyob ntev hauv lub tebchaws uas tus Tswv tau coglus tseg rau nej yawgkoob Anplahas, Ixaj thiab Yakhauj lawm” (2 Kevcai 30:19-20).

Txhua zaug uas hnov lub suab nkauj tshaj tawm txog lub tsheb tshiab tshwm tuaj, kuv ceev faj tamsim. Ib hom tsheb loj zoo, tshiab, txaus txhua yam – yog hom tsheb uas kuv ib txwm npau suav. Txhua yam nyob hauv zoo, ntau yam zoo, saib xwb twb ntshaw lawm ntag. Kuv tus txiv kuj nyiam heev, nws tshua txog tej máy móc, động cơ – hais tias mas kuv kuj tsis nkag siab pes tsawg txog tej ntawd. Tiamsis yog tau xaiv ib lub tsheb, ces ntawd yuav yog lub uas wb ib niam txiv puav leej ntshaw. Tsuas yog xav txog tau lub tsheb ntawd xwb ces kuv twb zoo siab tas hnub lawm.

Wb tsav wb lub tsheb qub mus rau tom chaw muag tsheb, hauv lub siab kub lug yuav tau yuav lub tsheb tshiab. Tiamsis thaum xav txog tej nyiaj yuav them txhua hli, wb ib niam txiv ua xyem xyav – qhov nqi no siab dua tej uas wb npaj tseg. txawm li los, kuv cim civ xav tias: yus twb siv zog ua haujlwm ntau xyoo, es tsis tsimnyog muaj yam uas yus nyiam los? Kuv siv zog txhawb kuv tus kheej tias lub tsheb no yuav ruaj rau wb ntau xyoo, tsimnyog rau wb tej nyiaj.

Tiamsis tsuas tau ob peb hlis xwb – tseem tshuav plaub xyoo them nqi ntxiv thiab – kuv ceeb tas thaum hnov kuv tus txiv nroo tias nws tsis txaus siab rau lub tsheb no lawm. Nws pib xav txog tej hom tsheb tshiab dua. Kuv lub siab cia li poob nthav. Ib zaug ntxiv, kuv yuav tau ntsib tim ntsej tim muag qhov tseeb tias: wb tau yuam kev poob wb lub sijhawm, nyiaj txiag thiab lub hlwb rau tej khoom ntiajteb uas tsis ua rau wb muaj kev zoo siab ntev, kuj tsis muaj nqis mus ib txhis. Qhov uas tseem tshuav ces yog khuv xim lawm xwb.

Dhau ntau xyoo, kuv kawm tau tias txhua txoj kev khuv xim yog ib hom xim. Tej zaug yuav yog nyuaj siab, nyhav siab, mob siab, khuv xim, tu siab – thiab ntau yam ntxiv. Peb khuv xim vim lub sijhawm tau ua poob, vim tej haujlwm coj peb mus rau tej yam tsis zoo, vim tej kev txiav txim nrawm nroos uas tsis xav txog tej tom qab no.

Thaum Vajtswv npaj lub siab rau Vajtswv haiv neeg nkag los rau hauv tebchaws cog lus tseg. Vajtswv tso ntawm lawv xub ntiag rau lawv xaiv: xaiv yuav tej koob hmoov loj lossis ntsib tej kev khuv xim. Vajluskub sau tias Tswv Yexus tso ntawm lawv txojsia thiab kev tuag, koob hmoov thiab cov lus foom phem. “Nimno kuv cia nej xaiv saib nej yuav txojsia lossis yuav kev tuag, nej yuav tej lus foom koob hmoov lossis tej Ius foom tsis zoo; kuv thov lub ntuj lub teb nrog ua timkhawv rau tej uas hnub no nej xaiv. Nej cia li xaiv txojsia. Hlub tus Tswv uas yog nej tus Vajtswv, ua raws li nws tej Ius qhia, thiab muab siab npuab nws, nej thiab nej tej xeebntxwv thiaj muaj sia nyob ntev hauv lub tebchaws uas tus Tswv tau coglus tseg rau nej yawgkoob Anplahas, Ixaj thiab Yakhauj lawm” (2 Kevcai 30:19-20).
Xaiv txojsia ces yog xaiv Vajtswv. Vajtswv nqua hu caw Vajtswv haiv neeg kom ntseeg Nws, thiab txiav txim siab siab rau tej kev ntseeg ntawd. Khuv xim tshaj, cov neeg Yixalayees lawv tsis xaiv yam yog.

“Tus Tswv hais rau Mauxes hais tias, “Tshuav tsis ntev koj yuav tuag, thaum koj tuag lawm cov Yixalayees yuav tsis muab siab npuab kuv; lawv yuav tsis ua raws li tej lus uas kuv hais rau lawv. Lawv yuav tso kuv tseg thiab mus pe lwm haivneeg tej vajtswv hauv lub tebchaws uas kuv yuav muab rau nej nyob.” (2 Kevcai 31:16).
Thaum kawg, lawv yuav tau ris lub nra nyav uas Vajtswv tau ceeb toom lawv ua ntej lawm.

Niaj hnub nim no, Tswv Yexus kuj tso ntawm lawv xub ntiag txoj kev xaiv, xaiv txojsia lossis xaiv kev tuag:

“Rau qhov Vajtswv hlub neeg ntiajteb kawg li, nws thiaj txib nws tib Leeg Tub los rau hauv ntiajteb. Tus uas ntseeg nws Leej Tub, tus ntawd yuav tsis tuag, tiamsis yuav tau txojsia ntev dhawv mus ibtxhis.” (Yauhas 3:16).

“Ths uas ntseeg Leej Tub yuav tsis raug txiav txim, tiamsis tus uas tsis ntseeg twb raug txiav txim lawm, rau qhov nws tsis ntseeg Vajtswv tib Leeg Tub.” (Yauhas 3:18).

Yog li, phooj ywg, txhob tos thaum uas tag nrho tej yam uas tsheem tshuav tsuas yog kev khuv xim lawm xwb. Cia li xaiv txojsia – xaiv Yexus Khetos kiag hnub no.

Thov caw nrog kuv peb thov Vajtswv ua ke
Tus Tswv, kuv lub siab uas qaug zog no yooj yim raug rub mus raws li tej kev zoo nkauj hauv ntiajteb no. Kuv paub tias tej yam ntawd yuav yooj yim dhau mus yeej tsis muaj ib yam dabtsi yuav zoo tsuas yog Koj xwb thiaj yuav muaj cuab kav pub rau kuv. Thov pab kom kuv paub tsis txais yuav tag nrho tej uas yog lub ntiajteb no, thiab tsuas xaiv Koj xwb. Vim yeej tsis muaj ib yam dabtsi muaj nqis dua kev kaj siab thiab kev txaus siab hauv lub neej no uas koj niaj hnub muab pub rau kuv. Thov kom kuv tej kev xaiv hnub no thiab ib txhis tom ntej yuav nthuav tawm Vajtswv txoj kev hlub. Kuv thov hauv Tswv Yexus Khetos lub npe. Amees.

Cov kwv tij txhua tus, ntiajteb no tej zaug yuav ua rau peb muaj kev txaus siab ib pliag, tiamsis txoj kev kaj siab tiag tsuas nrhiav tau nyob hauv Vajtswv xwb. Tej yam uas saib cuag li “tsimnyog” hnub no, tej zaug taig kis yuav ua rau peb qaug zog. tiamsis yeej tsis tau muaj leej twg xaiv Vajtswv uas yuav khuv xim li. hnub no, koj yuav xaiv yam dabtsi? Txhob xaiv ib lub neej uas thaum tig rov qab mus saib tsuas yog kev khuv xim xwb. Cia li xaiv Vajtswv thiab khov kho nrog Nws mus!

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.