Yog ib tug ntseeg Vajtswv, peb tau kawm thiab ntau zaug tseem nkag siab ntau txog Vaj Ntsujplig. Peb paub Vaj Ntsujplig yeej ua haujlwm heev rau peb tiam no. Tiamsis vim li cas nyob rau hauv lub neej txhua hnub, muaj ntau zaug peb yeej tseem hnov cuag li peb tus ntsujplig qhuav qhawv thiab qaug zog zis? Txawm yog twb kawm paub ntau txog Vaj Ntsujplig, peb puas tab tom ntsib dhau txojsia tiag los ntawm Vaj Ntsujplig los txhua hnub?

Hnub no, yog hnub 29/07/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Jennifer Slattery dhau ntawm Zaj kawm CIA LI TXHAIS RUAM NROG VAJ NTSUJLIG

Vajluskub: “Vaj Ntsujplig twb pub txojsia rau peb lawm; peb yuav tsum cia nws kav tagnrho peb lub neej” (Kalatias 5:25).

Thaum nyuam qhuav sib yuav, wb ib niam txiv mus suam npe kawm ib lub rooj kawm dhia seev cev. Lub chaw qhia no lawv twb npaj tej rooj kawm tsis yuav nyiaj rau ib zaug hauv thiv, yog li thiv twg wb twb mus koom thiab siv zog xyaum. Ntawm wb, qhov uas dhia seev cev kom yog suab kuj zoo heev lawm. wb tsis txawj heev pes tsawg, yog tsis xav hais tias tsis paub dabtsi, yog li kuv txiav txim siab cim civ dhia hauv tsev. Kuv mus rau ntawm lub chaw cia ntawv hauv zej zos qiv tej movies taw kev. Thaum uas kuv tus txiv mus ua haujlwm, kuv dhia hauv tsev. Thaum kuv tus txiv mus ua haujlwm los thiab los txog ntawm qhov rooj, kuv twb nres ntawd tos, cev tes mus tos nws kom yog raws li txoj kev dhia.

Txawm yog xyaum ntau npaum twg los yeej tsis txawj npaum cas. kuv pheej tsuj kuv tus txiv txhais taw, rub rau sab laug thaum nws xav mus rau sab xis; thaum kawg wb cim civ tsim txoj kev dhia zoo li tej neeg hlau tsis muaj ib qhov zoo twg li. qhov teeb meem yog kuv muab los tso siab rau kuv tus kheej txoj kev dhia, txog qhov uas hnov qab tus phooj ywg nrog yus dhia ua ke.

Ntau zaug, kuv kuj zoo ib yam li ntawd hauv txoj kev nrog Vajtswv sib txuas lus ua ke – tus uas tab tom nrog kuv mus ua ke. Kuv tsom ntsoov rau tej haujlwm uas cheem tsum ua: Nyeem Vajluskub, qhia hnub thiv, nrog rau lwm yam. Nyob rau hauv tej haujlwm ntawd, yooj yim rau peb ncaim ntawm tus uas peb tab tom ua haujlwm mus. Tej ntawd kom yog, yog tej haujlwm pib hauv txoj kev hlub thiab kev mloog lus ntau dua li tej haujlwm uas yuav tau ua kom tas kevcai, vim yuav ua rau tas zog thiab tsis tawg paj txi txiv. Tiamsis thaum kuv mloog Vajtswv lus, muab kev tej kev xav thiab homphiaj fij rau Vajtswv, cia Vajtswv ua kuv qhov kev ntsia, ces txhua yam dhau los zoo.

Koj puas tau muaj zaum twg pom cov neeg seev cev lawv dhia lossis tej nkawm niam txiv lawv trượt băng lawm tau? Nyob hauv lawv muaj txoj kev sib txuas zoo ua ke heev. Txawm yog sawv daws qw nroo ntws los, koob thaij ntsais tsis tseg los, lawv tsis quav ntsej. Lawv tsom ntsoov rau tus neeg nrog lawv seev cev ua ke, rau tej yam uas me tshaj, nkawd ua ua ke kom tsim tau txoj kev seev cev zoo, thiab sib haum suab ua ke.

Yuav zoo li cas yog peb txuas tau ua ke zoo li ntawd nrog Vajtswv ua ke? Yuav zoo li cas yog peb tsom ntsoov rau Vajtswv, nkag siab thiab paub ua raws li Vajtswv lub siab nyiam? Tiamsis yam dabtsi ua rau peb tsis ua li ntawd? Yam dabtsi ua rau peb txhawj, qaug zog thiab tsis muaj zog?

Muaj ib hnub so ntawd, kuv siv yav tav su los kawm txog Vaj Ntsujplig. Thoob plaws Vajluskub, kuv tau cob qhia tias Vaj Ntsujplig yog tus coj kev, yog tus txuas lus, yog tus qhia, tus puv npo, tus thov Vajtswv pab thiab tiv thaiv. Paulus tau thov Vajtswv tias:

“Thov peb tus Tswv Yexus Khetos foom koob hmoov rau nej. Thov Vajtswv hlub nej. Thiab thov Vajtswv tus Ntsujplig uas ua rau nej nyob sib raug zoo nrog nraim nej nyob” (2 Kauleethaus 13:13).

Tshuav Tswv Yexus ces paub tias lub neej sab ntsujplig tsis yog los ntawm tib neeg kev siv zog, tiamsis yog los ntawm Vaj Ntsujplig los:

“Vajtswv tus Ntsujplig ua tau rau neeg muaj sia, tiamsis neeg nqaij tawv ua tsis tau li ntawd. Tej lus uas kuv qhia rau nej ntawd yog ntsujplig thiab yog txojsia” (Yauhas 6:63).

Yog tias peb lub neej nrug deb Vajtswv thiab tsis mloog Vajtswv lus, ces peb tej kev siv zog puav leej tsis muaj qab hau. Txawm yog koj tes haujlwm yuav loj npaum twg, txawm koj lub sijhawm kawm Vajluskub yuav tob txog qhov twg, lossis kev ua dejnum yuav siv zog npaum cas, yog tsis tau Vaj Ntsujplig pib, coj thiab tuav, ces ntawd tsuas yog peb tib neeg kev siv zog xwb, raws li tib neeg kev txawj ntse, kom ua tib neeg tej haujlwm. Tiamsis peb tau nqua hu los ua ntau dua li ntawd, nws yog ib lub neej nrog Vaj Ntsujplig mus tawg paj txi txiv rau Vaj Ntsujplig thiab ua lub neej nyob hauv Vaj Ntsujplig lub hwjchim.

“Vaj Ntsujplig twb pub txojsia rau peb lawm; peb yuav tsum cia nws kav tagnrho peb lub neej” (Kalatias 5:25).

Tus ntseeg Vajtswv lub homphiaj ua neej kawg yog dhau los ua ib lub laujkaub huv thiab npaj txhij ua txhua txoj haujlwm zoo, ua raws li Vajtswv lub siab nyiam, thiab dhau los ua lub khob ua rau ua tus qauv zoo txog Vajtswv lub hwjchim thiab Vajtswv txoj kev hlub.

Xav kom tau puv npo Vaj Ntsujplig ua ntej peb yuav tau ntxuav kom huv, ntxuav kom huv ntawm tus cwjpwm qub, tawm ntawm tej kev txhaum, tawm ntawm tej kev ntshaw thiab kev xav phem. Kuv ntseeg tias yog thaum twg peb pheeb rau ib yam dabtsi, txawm yog yuav yog yam zoo los yog tsis yog Vajtswv ces, qhov ntawd kuj yog yam uas tav Vaj Ntsujplig kev. Tej zaug ntawd yog ib txoj haujlwm peb ntshai ib tsam yus tsis tau ua ntxiv, lossis ib qhov haujlwm uas peb xav ua mus ntxiv lossis lwm yam… thaum pib siv zog tuav tej ntawd cia, ces kuj yog lub sijhawm peb ua raws li yus lub siab nyiam. Xav kom tau Vaj Ntsujplig tiv thaiv thiab ua haujlwm dhau ntawm yus lub neej, peb yuav tau mloog thiab tsom ntsoov rau Vajtswv – tus uas tab tom muaj nyob thiab nrog peb ua ke. Yog tsis li ntawd, kuv ntseeg tias peb tej haujlwm yuav tsis muaj hwjchim. Vim li cas? Vim peb tsis muab Vaj Ntsujplig tso ua ntej.

Thov caw nrog kuv peb thov Vajtswv ua ke
Vaj Ntsujplig! kuv ua Koj tsaug rau txhua lub sijhawm hauv kuv lub neej puav leej yog koj ua haujlwm thiab coj kuv kev. Tus Tswv, ntau zaug kuv rau siab rau tej haujlwm thiab ua txhua yam tsis vam khom rau lub zog dawbhuv ntawm Koj. Thov zam txim, thov pab kuv thiab pab kom kuv paub nrog Koj mus txhua lub sijhawm hauv lub neej. Kuv thov hauv Tswv Yexus Khetos lub npe. Amees.

Cov kwv tij txhua tus, koj tab tom nres rau qhov uas “paub” lossis nkag rau qhov uas “ua neej” nyob hauv Vaj Ntsujplig lub hwjchim? Koj puas tab tom txaus siab rau tej uas paub txog Vaj Ntsujplig, tiamsis ho tsis muaj lub siab ntshaw kom tau puv npo Vaj Ntsujplig lub hwjchim lawm tau? Hnub no, Vajtswv caw koj rov qab los rau lub zog los ntawm Nws los, kom nyob rau hauv txhua tes haujlwm koj ua, txawm yog yuav yog haujlwm ntawm tus kheej lossis tej haujlwm ntawm sab ntsujplig, koj tsuas ua raws li Vaj Ntsujplig lub zog xwb. Dhau los ntawm Vaj Ntsujplig thiaj yog tus pub hwjchim thiab ua rau kom koj tej haujlwm dhau los tawg paj txi txiv tiag. Tsis yog los ntawm lub peev xwm thiab kev siv zog kom ua haum Vajtswv siab, tiamsis yog Vaj Ntsujplig kev tshwm ntsej muag thiab ua haujlwm.

Cia li nrhiav txhua lub zog los ntawm Vajtswv los, fij koj txhua tes haujlwm rau Vaj Ntsujplig thiab mus nrog txoj kev ntseeg. Nyob rau tej hnub qhuav qhawv thiab nkees ntawd, yeej tsis muaj dabtsi zoo dua yog nrhiav thiab nrog Vajtswv nyob ua ke. Yim nyob ze Vaj Ntsujplig koj yuav txais tau lub zog thiab txoj kev tshiab hauv Vaj Ntsujplig.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.