Tus pa tsw qab yog yam uas qhov muag ntsia tsis pom, chwv tsis tau, tiamsis muaj cuab kav hnia tau. Tus ntseeg Tswv Yexus tau nqua hu los fij yus lub neej zoo li cov khoom fij uas muaj tus pa tsw qab. Tus pa tsw qab ntawd yuav tsis hnov ntxhiab los ntawm tej uas ib txwm hnov, tiamsis nws nthuav tawm dhau ntawm lub neej “ciaj sia, dawbhuv thiab haum Vajtswv siab.”

Hnub no, yog hnub 28/07/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus Paul J. Palma dhau ntawm Zaj kawm TUS PA TSW QAB HAUM VAJTSWV SIAB

Vajluskub: “Cov kwv tij Vajtswv hlub peb kawg nkaus li yog li ntawd kuv hiaj ntuas nej hais tias thaum nej tseem ua neej nyob no, nej yuav tsum muab nej lub cev fij rau Vajtswv kom dawbhuv thiab haum Vajtswv siab. Yog nej ua li ntawd, thiaj yog nej pehawm Vajtswv raws li Vajtswv siab nyiam.” (Loos 12:1).

Puas tau muaj zaum twg koj hnov ib tug ntxhiab uas ib txwm swm txog qhov uas nco txog ib yam tau ua ntau xyoo dhau los lawm tau? Ncaj rau ib lub caij twg, kuv pojniam pheej tso tej tus nến tsw tsw qab tawm ntawm lub rooj noj mov ua rau nco txog tej lub sijhawm muaj kev sov siab thiab lub sijhawm tsev neeg los sib sau ua ke. Tej kev tshawb nrhiav qhia paub tias tag nrho tej no tshwmsim tuaj ntawm lub trung tâm khứu giác nws yog qhov chaw xa ntxhiab, nyob ze cov xov leeg ntawm lub hlwb yog tej uas ntim yam uas dhau los ntawm tib neeg. Nyob rau hauv tib neeg tsib feem: qhov muag ntsia, pob ntseg hnov, txiv ntswg hnia, qhov ncauj saj qab, tes chwv, ces lub txiv ntswg hnia ntxhiab yog yam uas txuas ua ke nrog tej uas cim nco.

Nyob hauv Teev Npe 15, peb pom Vajtswv qhia rau Mauxes kom fij khoom rau Vajtswv zoo li ib feem hauv txoj kev pehawm. Rau zaug hauv tshooj no, Vajtswv nqua hu kom cov pej xeem lawv fij tej khoom fij “uas tsw qab” (Teev Npe 15:3,7,10,13,14,24). Ntawd yog cov khoom fij uas muaj tus pa tsw qab tshwj xeeb; nws zoo li tej pa tsw qab thaum ci cov tsiaj tau muab hlawv fij. Tiamsis, yam tseem ceeb tsis nyob ntawm tus cov pa tsw, tiamsis yog lub ntsiab: thaum tau muab los txhawb nqa Vajtswv hauv txoj kev pehawm, yam zoo ntawd haum Vajtswv siab.

Niaj hnub nim no, Vajtswv tsis yuam kom Vajtswv haiv neeg pehawm dhau ntawm tej khoom fij ntxiv lawm. Tej kablig kevcai thiab tej tsiaj tau muab fij tsis cheem tsum lawm, vim txoj kev cawm dim twb tau muab pub rau tib neeg ib zaug xwb txaus lawm ntawd yog Yexus Khetos:

“… vim nws muab nws lub cev pub rau Vajtswv theej peb lub txhoj , peb thiaj ua tau neeg zoo tsis muaj ib qho txhaum li. Qhov uas Yexus muab Yexus lub cev theej txhoj ntawd, nws ua tib zaug xwb theej tau mus ibtxhis li.Cov Yudais cov povthawj txhua tus ua haujlwm thiab muab tej tsiaj tua theej txhoj, lawv niaj hnub ua tib yam qub xwb; tej ntawd ntxuav tsis tau neeg tej kev txhaum mus ib zaug li.Tiamsis Yexus Khetos theej txhoj tib zaug xwb nws theej tau mus ibtxhis. Tom qab ntawd nws mus zaum ntawm Vajtswv sab xis.” (Henplais 10:10-12).

Txawm tsis fij khoom li tej khoom fij thaum ub lawm los, peb txhua tus ntseeg Vajtswv niaj hnub nim no puav leej tau hu los fij yus lub neej zoo li ib qhov khoom fij pub rau Vajtswv. Vim qhov ntawd, Paulus thiaj txhawb cov ntseeg hauv Loos tias:

“Cov kwv tij Vajtswv hlub peb kawg nkaus li yog li ntawd kuv hiaj ntuas nej hais tias thaum nej tseem ua neej nyob no, nej yuav tsum muab nej lub cev fij rau Vajtswv kom dawbhuv thiab haum Vajtswv siab. Yog nej ua li ntawd, thiaj yog nej pehawm Vajtswv raws li Vajtswv siab nyiam.” (Loos 12:1).

Paulus tau siv tej lus piv txwv txog tej khoom fij nyob hauv Vajluskub Qub los txhawb cov ntseeg tiam Vajluskub Tshiab. Vim Yexus Khetos twb tuag rau peb lawm, peb kuj yuav tau muab peb lub neej fij rau Vajtswv txhua hnub. Txhua hnub, peb muaj sijhawm pehawm Vajtswv thiab teb Vajtswv tej uas Tswv Yexus tau ua rau peb. Kev pehawm tsis yog tsuas ntim rau hauv tej zaj nkauj hu rau hnub pehawm xwb. Lub neej pehawm Vajtswv tiag tau nthuav tawm dhau ntawm txoj kev ua neej thiab peb tej kev xaiv.

Koj thiab kuv peb hnub no tsis tas yuav fij khoom ntxiv lawm, vim Yexus Khetos txoj kev tuag twb npog peb tej kev txhaum thiab tej uas peb ua yuam kev tas lawm. Tswv Yexus cov ntshav txaus rau koj hnub no thiab mus ib txhis lawm. Hauv txoj kev ua neej, peb yeej muaj tej lub sijhawm yuav ntog thiab yuam kev, tiamsis Vajtswv tus ntoo khaub lig twb txaus rau peb lawm.

Thov caw nrog kuv peb thov Vajtswv ua ke
Ua Tswv Yexus tsaug vim dhau ntawm Tswv Yexus txoj kev tuag saum ntoo khaub lig kuv thiaj tau txais kev cawmdim. Txawm li los, muaj tej lub sijhawm kuv lub neej tsis ceev faj, dhau los tsis muaj zog thiab ua tsis haum Vajtswv siab. Thov Vajtswv zam txim thiab pab kom kuv muab lub neej fij rau Vajtswv zoo li ib cov khoom fij ciaj sia thiab dawbhuv rau Vajtswv.Kuv thov hauv Tswv Yexus Khetos lub npe. Amees.

Cov kwv tij txhua tus, kev pehawm tiag tsuas pib thaum koj paub tias yus tsis ua lub neej rau yus tus kheej ntxiv lawm tiamsis zoo siab hlo muab yus lub neej fij zoo li cov khoom ciaj sia thiab dawbhuv rau Vajtswv. Hnub no, rov qab tshuaj yus lub neej, saib txhua tes haujlwm, koj tej kev txiav txim siab uas tsis ntev no puas nthuav tawm cov khoom fij “ciaj sia thiab dawbhuv” ntawm Vajtswv xub ntiag? Muaj tej cwjpwm ib txwm coj, tej kev xav thiab tej haujlwm twg tab tom ua rau koj txav deb Vajtswv txoj kev dawbhuv ntawm koj? Cia li txo hwjchim los cuag Vajtswv lub sijhawm no, lees peb tej kev txhaum thiab tej uas peb ua yuam kev, taij thov Vajtswv zam txim thiab hloov pauv koj, kom koj lub neej nthuav tawm Vajtswv tus pa tsw qab rau tej neeg ib ncig.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.