Tú bol he ơm tơm bơta gơlong bol glar, nưk la bơta siau siêr jèn pria, bol he gơ duh tơm bơta bol glar mơ pin wil wơl bơh bơta ai pạ Yang di. Bol glar bơh bơta siau jèn pria gơ ơm gut dar he: jèn hìu, jèn hok kon in, jèn ngui sa kơp ngai sơ ngai sơ lơ gơtơng guh….jơh ală bơta hớ gơlik gơs bol glar gơ lơh he in ò tơl pran, ò rgơi lơh bơta lơi di đap bơta pal càng dờng ir be hớ. Mơya, tơm bơta hớ, oh mi găm hoi ja nàng ơm mò mó mơ kơlôi sơnơng bơh Yang Tơm Trồ – Bơtau git jơh ală bơta pal càng oh mi di.

Ngai do, ngai 20/07/2025, Bơta Hòi Dan Kòp Ngai dan jà ală ồng mò oh mi kơlôi sơnưng bal Jơnau Yàng kơnòm dê bơta dong kơl Pam Morrison dê bơh tơnggume: BƠTAU GIT JƠH ALĂ BƠTA PAL NGUI

Sră Goh: “Bèp bol mê hơđang trồ git bol mê pal ngui sa ală bơta hơ̆ rau.”(Mathiơ 6:32)

“Yàng Tom Trồ añ jê rơp ai oh mi in ală bơta oh mi pal càng, jat be bơta pas gơs bơta gơklŏ Kơnràñ dê tòm Yàng Krist Jesu.”(Philip 4:19)

Ăn gơ lơh kờn ngăn ală bơta yal wơl bơh ală cau bơto yăl tiang pơn rơ, tơm khà hớ gơs George Mueller. Ồng neh hòi dan ală kơnòm dệt kon đời la ală kơnom ông neh ai ròng tú bol khai ò găm gơs bơta lơi nàng sa; mơ ò git bơh bơta lơi: ban mi, dà toh, băl mơ ală bơta ndai neh rgòm mơ cèng tus. Ăn kung neh đok ală bơta yal wơl kung be hớ bơh cau dòn Yang ndai. Gen tàng ăn lụp is: ăn la ncau? Ăn mìng la Digơna Yang dệt rhền găm ơm gah lơgar Mỹ di, la dô nă cau ò gơs cau lơi git tus, mơ duh broă Yang dơp dơr. Ăn rơp geh git bơh bơta ai pạ krơi is be hớ sơl? Ăn kơlôi sơ nơng, mơ geh Yang tơng kah.

Tú kơlôi tus ală bơta crơng gơs krơi is Yang Tơm trồ di, oh mi bàn sơl bơta krơi ngan tú Yang neh kơlôi rcăng tus ală cau dệt rhền be bol he? Tơngòr sền hơ đăng trồ, bol he bàn hàng rhiang, hàng rbô ală sơman àng gơ crạ. Digul pah gợi tơm trồ măng, bol he rgơi kơlôi: “ Yang Tơm Trồ gơnap gơnoar dờng, mơ Yang kung găm kah tus di ăn!”

Tú bơtau Dabit sền tus di bơta crơng gơs krơi is Yang di, ông kung lơh krơi ngan bơh bula kon mơnus dệt rhền ngan, mơya geh Yang kah kơlôi tus. Ồng cih: “ Tŭ añ tơnggòr sền ală tap trồ la broă bơh ràs tê Kơnràñ lơh,Kơnhai mơ ală sơmañ mơ Yàng neh rơndap nền, Gen jơi kòn mơnus la ñchi mơ Kơnràñ kah taih?Kòn mơnus la ñchi mơ Kơnràñ wèt sền taih?(Đơs Crih 8:3-4)

Kung be oă cau ndai, ăn neh dong kơl mơ bơtơl dong kơl ală cau ơm tơm bơta bol glar bơh broă lơh ngan, mơ dớ dớ bơta hớ gơ lơh roh oă phan mơna. Ăn kah wơl dô măng ne, tú bàn jèn pria he di găm siau, ăn hoi dan mơ Yang: “ Ơ Yang, dan dong kon.” mìng be hớ jơnau lơm kung lơh bơta àn kơn jớ tơm ăn gơ lơh ò dờng tai. Lồi bơta hoi dan, mìng tơm bar ngai, ăn neh dơp geh dô khà jèn dờng rlau 20 dớ khà jèn ăn neh kơp kờn geh. Me bèp ăn di neh chờ nus ơn Yang in bulah ăn ò rgơi gơs tú nàng đơs bơh bơta ăn neh tip. Gơ lơh krơi is ngan!

Me bèp ăn di là cau neh lot gan tơm bơta tờm lơh dờng dớ II, la ală cau neh lot gan tơm bơat bol glar gen tàng be hớ bol khai gơ lơh kơrhia ngan tơm bơta ngùi sai. Bol khai găm ngùi kơduc dệt nàng ơn jèn mơ pơwoa jèn di tai khoan nàng sa cồng 3%! . Bơta bol khai ơn Yang in bơh nus sơ mah sơ mài ò rồn bơklơn be hớ la bơh bơta lơh broă Yang Tơm Trô di.

Khà jèn hớ neh ngùi jơh tơm ală pơnah pal càng, kung be dong kơl ur clau ăn di tơm bơta duh broă Yang. Ăn gơs nus ưn ngai ngăn mơ pơn dệt să di đap Yang Tơm Trồ là Bơtau pạ ai don song. Yang git loh jơh pơnah tơm hwêng nus mơ pơnah tơm să jan kơp nă bol he di.

Tơm ngai do, oh mi găm ơm tơm bơta bol glar lơi? Tus té mơ Yang tơm bơta hoi dăn mơ đơs mơ Yang tơm toh loh làng bơta oh mi kờn geh. Yang ò di mìng git jơh ală bơta pal càng oh mi di, mơ Yang kung kờn iat bơta hoi dăn oh mi di, kơp kơng oh mi joi bàn bơta lơngai tú gơn kơnòm Yang. Ban kơlôi rcăng hala moat jrum bơh Yang Jesu neh lơh nên la: “Bèp bol mê hơđang trồ git bol mê pal ngui sa ală bơta hơ̆ rau.”(Mathiơ 6:32)

Jao phi té jơh ală bơta Yang in, bulah hớ la ală bơta dệt rhền, ò kwơ màng, hala rlau mơ hớ la ală bơta oh mi ò khin nàng đơs mơ cau ndai. Oh mi rơp lơh krơi bơh bơta dong kơl tus bơh Bơtau At Bộ. Tú nus oh mi gơ lơh dơrcul mơ pin wil wơl, kah te tus Đơs Crih 18: “ Tòm tŭ bòl glar kalke, añ neh hòi dan mơ Yàng Jehôwa;Añ hòi dan mơ Yàng Tom Trồ dong kòl añ.Tòm hìu duh khoai Kơnràñ dê, Kơnràñ kơno jơnau añ,Jơnau hòi dan añ jê tus tòm tồr Kơnràñ dê. Tŭ hơ̆ ù lơnggơr mơ gơrơm,Mơnàng ală mơnơm kung gơwañmơ lơnggơr, tài bơh Kơnràñ gơhào gơjrañ.Ñhŭ par lik bơh di trồm muh Kơnràñ dê,Lơmpiat ồs sa loan lik bơh di bơr Kơnràñ dê,Mơ lơh chah in hơng. Kơnràñ lơh sơrkềng ală tap trồ mơ mù,Hơđơm jơng Kơnràñ gơs bơta klam jơngo cik. Kơnràñ hào ceruƀim mơ par,Kơnràñ par mhar hơđang pơnđar càl dê. Kơnràñ lơh bơta klam jơngo gơs phan jơm gòm Kơnràñ,Ngui ală mhwal jù gơs dà be kơrnìng cang Kơnràñ. Bơh di bơta àng gơklŏ ơm di đap Kơnràñ,gan di ală mhwal Kơnràñ dê,gơlik mìu piar mơ rnga ồs hơng. Yàng Jehôwa kung lơh ntơr kơnàs hơđang ală tap trồ,Bơtau Hơđang Rlau Jơh lơh ntas nggồr Kơnràñ dê,Gơs mìu piar mơ rnga ồs hơng.

Kơnràñ pañ kam mơ lơh gơprah ală cau sò tơm di añ,tơlik oă puhlèp mơ lơh bol khai in rngòt mơ dô gơprah. Ơ Yàng Jehôwa, bơh jơnau lah pơrhơng Kơnràñ dê,Bơh càl lik bơh di trồm muh Kơnràñ,Gen kơnàng dàlềng ràng tơlik,Mơ ală mơnàng dunnia gơtơlik gŏ jơh. Bơh đang jòng Kơnràñ ai tê sơmbat añ,Tă añ lik klàs bơh di dà har. Kơnràñ dong tă añ klàs bơh di cau sò tơm pràn kơldang,Klàs bơh di ală cau gơjrañ kơuềng di añ,bơh bol khai pràn rlau mơ añ. Tòm ngai bòl glar kalke añ jê, bol khai brồ tus di añ;Mơya Yàng Jehôwa ơm đah mơ añ. Kơnràñ cèng añ tus di tiah dờng ơnàng,Yàng dong tă añ tài bơh Kơnràñ gơboh di añ.”(Đơs Crih 18:6-19)

Dan jà bol he dô nùs bal tòm bơta hòi dan:
Khoai Yang – Bơtau git jơh ală pơnah păl càng kon di! Yang ơi, kon dal git să tờm kon gơs dớ kon neh rngot mơ pin wil wơl bơh kơlôi sơ nơng. Digul ală bơta hớ, dan Yang dong kon don kớ la Yang la Bơtau yợ đơ, rơp cèng kon tus bơta dơng ơ nàng mơ tơng kah tơng kan. Bulah kon găm kis tơm bơta siau siêr hala wil tơl, dan Yang dong don kớ tơm gơ nap gơ noar Yang di, git la jơh ală bơta Yang ai tus la bơta niam rlau jơh. Kon jơh nus hoi dan tơm sơn đan Yang Jesu krist, Amen.

Ơ ală ồng mò oh moi kờn gơboh, dơp git Yang la Bơtau git jơh ală bơta pal càng mơ sùm pạ ai, oh mi gơs chờ nus nàng ơn rài kis he di Yang in sơl? Tus té mơ Yang tơm bơta hoi dan, yal jơh Yang in ală bơta kơlôi rcăng oh mi di Yang in, sùm git la Yang găm lot bal mơ oh mi hơ đăng gùng lot do. Cih té ală bơta Yang neh ai oh mi in tơm jơh tú tơngai neh rlau, mơ pơn jat cih tai ală bơta pal càng gơs oh mi di, pơn jat hoi dan mơ gơn kơnòm tơm bơta dợp jơnau hoi dan Yang di.

Dan oh mi kung rgơi hoi dan be cau cih khà chờ goh do:
“Cúi xin Ngài đưa dắt chúng con
suốt chặng đường âu lo thở than.
Cúi dâng Ngài ngày mai tính toan,
bóng cuộc đời không vương lối con.”

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.