Thaum koob tsheej Tswv Yexus yug los, qhov txhua chaw muaj ntau hom xim txhua qhov thiab tus pa tsw qab ntxiag. Lawv dai tej teeb cig ntsais ntsais, txhos ntoo, qhwv khoom thiab xaiv rau yus ib txoj kev teeb txhua yam kom zoo nkauj tshaj plaws.

Tiamsis kuj yooj yim rau peb npaj sab nraud hnov qab txoj kev zoo nkauj hnub uas ua koob tsheej Tswv Yexus yug – ntawd yog hnub Tswv Yexus los rau ntiajteb. Nws zoo li ib rev paj tawg rau ntawm qhov chaw qhuav qhawv, muaj sia thiab muaj tus pa tsw qab ntawm cov neeg uas muaj lub siab tau chwv txog txoj kev hlub.

Hnub no, yog hnub 17/12/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Cathy Irvin dhau ntawm Zaj kawm REV PAJ LIAB LUB CAIJ KOOB TSHEEJ.

“Kuv yog ib lub nyuag paj ntoos uas nyob hauv Saloos” ̣Xalumoos Tej Nkauj 2:1)

Txhua xyoo thaum zaj nkauj koob tsheej Tswv Yexus yug pib nrov tuaj nyob rau ib qhov chaw twg sab nraum ntus nroog, kuv lub siab pib kub lug txawv heev. Tej zaug vim yog kuv hlub tej fuab cua sov so ntawm lub koob tsheej no. kuv nyiam tau npaj txhua yam rau lub tsev me me no tiamsis puv npo tej yam zoo uas khaws cia. Tsuas yog dai ob peb lub teeb rau, txhos tsob ntoo rau thiab tso ob peb pob khoom kom zoo rau, ces kuv twb pom koob tsheej Tswv Yexus yug qhib qhov rooj.

Kuv pib npaj ntxov, tej zaug nyuam qhuav txog lub kaum ob hlis xwb kuv twb muab kuv cov khoom los, thiab cia nyob ntawd mus txog rau thaum lub hli siab mam muab thau. Txhua qhov khoom puav leej yog ib zaj xwm txheej. Muaj tej xyoo, kuv yuav tau ob peb lub paj dawb saib ntxim dawbhuv thiab ci ntsa iab. Kuv muab cov paj dhos rau ntawm tsob ntoo, thaum koob tsheej dhau los, kuv mam muab thau, tso kom zoo. Lwm xyoo, kuv rov qab siv tej paj ntawd los npaj tej pob khoom rau cov txheeb ze, zoo li ib lo lus ntuas txog tej kev zoo siab xyoo tas los.
Tas muaj ib xyoo kuv ntsia pom muaj ib lub thawv ntim ib rev paj liab, saib nws zoo nkauj thiab ntxim rau “koob tsheej Tswv Yexus yug”. Kuv zoo yam li nyuam qhuav nrhiav tau ib qhov khoom muaj nqis, ua tib zoo xaiv ib lub paj zuj zus, nqa los tsev. Kuv tej phooj ywg luag, thiab hais tias “kuv ntshaw” npaj rau koob tsheej dhau heev lawm. Tiamsis kuv paub kuv ua li ntawd tsis yog vim nyiam paj, tiamsis muaj lub ntsiab lus tob heev tomqab.

Nyob hauv Vajluskub, Tswv Yexus tau hu ua “lub paj hauv Saloos” – daim duab Tswv Yexus zoo li ib rev paj tawg rau ntawm tiaj nrag qhuav qhawv, ua rau muaj sia thiab muaj kev zoo nkauj rau tej qhov chaw qhuav nkig nkuav. Txhua zaug uas ntsia pom tej rev paj hoa hồng, kuv rov qab nco txog lub npe ntawd. Tej rev paj nyias nyias tiamsis nws ho muaj tus pa tsw qab heev hais txog Vajtswv txoj kev hlub, ib txoj kev hlub muaj zog thiab mos muag.

Nyob ntawm kuv tsob ntoo muaj txaus txhua yam: tim tswv, tej hnub qub, ntau zaug tseem muaj lub qhov tsua me me. Tiamsis tej rauv paj thiaj yog yam ua rau sawv daws nres ntsia ntev. Leej twg tuaj ncig kuv rau lub caij ua koob tsheej kuj qhuas tias kuv tsob ntoo zoo nkauj thiab nug tias vim li cas yuav dhos paj ntau ua luaj. Yog li, kuv thiaj muaj sijhawm tham rau lawv mloog tias tej rauv paj ntawd tsis yog tsuas tej khoom coj los tso ntsia xwb, tiamsis yog cov lus ntuas kom nco txog tus cawm seej.

Zoo kawg nkaus li thaum uas muaj ib yam me li ntawd tiamsis ho qhib lub sijhawm rau peb qhia txog Tswv Yexus. Kuv tsis tas yuav qhia ntev ntev, tsuas hais yooj yim tias Vajtswv yog “tauv paj Saloos”. Tus uas los pub txoj sia thiab kev cia siab rau tib neeg. Thaum hais txog qhov no, kuv pom nyob rau hauv cov neeg mloog lub qhov muag muaj ib yam dabtsi twg ntawd nres, ib yam li lawv pom txog lub ntsiab tiag ntawm koob tsheej Tswv Yexus yug.

Kuv nyiam tej fuab cua nyob rau hauv koob tsheej Tswv Yexus yug, tiamsis yim loj hlob hauv txoj kev ntseeg dua, kuv pom tias koob tsheej Tswv Yexus yug tsis yog tsuas yog lub caij ntawm tej teeb, tej ntoo thiab tej khoom plig xwb tiamsis yog tej rooj noj uas twb npaj txhij lawm. Yog tsis ua zoo, tej yam zoo nkauj ntawd yuav ua rau peb ua poob qhov tseeb tiag ntawm lub koob tsheej Tswv Yexus yug no. Kuv tsis xav kom kuv raug cab mus rau tej kev yuav khoom lossis sib piv saib leej twg lub tsev zoo dua. Kuv xav txhua yam nyob hauv tsev, ntawm tej teeb txog rau tej paj, puav leej tig kuv lub siab mus rau ntawm Tswv Yexus – lub ntsiab tiag ntawm koob tsheej Tswv Yexus yug.

Txhua zaug uas ntsia pom ib lub paj, kuv rov qab nco txog zaj nkauj “Siab tshaj txhua yam” uas yog Paul Baloche thiab Lenny LeBlanc sau:
“Zoo li rev paj raug muab tsuj rau ntawm pem teb txias zias, Nws raug tuag, vim hlub kuv dua txhua yam.”

Txoj kev hlub no tob heev – ib txoj kev hlub zoo siab hlo tiv kev tu siab, raug ua saib tsis taus, kom cawm kuv. “Rev paj nyob hauv Saloos” raug muab tsuj rau ntawm pem teb hauv ntiajteb, kom dhau ntawd thiaj muaj txojsia tshiab.

Yog li, kuv thiaj tsis txaj muag nthuav tawm kuv txoj kev ntseeg dhau ntawm tej yam me me. Ntawm kuv, tej rev paj nyob saum tsob ntoo thiab tej qhov tsua me me hauv kuv chav yog txoj kev uas kuv txhawb nqa Vajtswv. Tej paj ntawd tsis yog tsuas ua rau kom lub tsev zoo dua xwb, tiamsis tseem ua rau kuv lub siab sov so. Txhua zaug uas taws lub teeb koob tsheej Tswv Yexus yug, kuv pom qhov pom kev ntawd ntuas kuv tias Tswv Yexus yog qhov pom kev tiag tau los rau hauv qhov tsaus ntuj.

Yog muaj tej yam pab kom koj nco txog Vajtswv, zoo li ib qhov khoom muab tso kom zoo nkauj, ib zaj nkauj lossis tsuas yog tej pa tsw qab ntawm lub teeb taws rau koob tsheej Tswv Yexus yug, thov txhob txaj muag qhia rau sawv daws. Cia qhov ntawd dhau los ua cov lus pov thawj ciaj sia rau koj hauv lub koob tsheej no. Vim koob tsheej tsis yog lub caij tu vaj tsev, tiamsis yog lub sijhawm zoo cia Vajtswv tau txhawb nqa nyob rau hauv txhua tus lub siab.

Thiab yeej tsis paub tau, twb yog los ntawm tej nyuag me me li ntawd, muaj ib rev paj, ib pab hu nkauj lossis ib tug duab ci pom kev, tej zaug yuav muaj ib tug twg pom tus cawm seej uas lawv tsis tau paub dua.

Thov caw nrog kuv peb thov Vajtswv ua ke: Tus Tswv Yexus, kuv ua Koj tsaug vim Koj tau los yug thiab nqes los pub txojsia rau kuv. Thov ntuas kom kuv txhob hnov qab lub ntsiab tiag ntawm lub koob tsheej no. Nyob rau hauv txhua yam kuv ua, thov pub kom kuv tig mus rau ntawm koj, kom dhau ntawm kuv, lwm tus kuj pom txog txoj kev zoo nkauj thiab Vajtswv txoj kev hlub uas tsis muaj nrim. Kuv thov hauv Tswv Yexus Khetos lub npe, Amees.

Cov kwv tij txhua tus, koj puas tab tom cia tej yam uas ci ntsa iab sab nraud ua rau yus hnov qab lub ntsiab tiag ntawm koob tsheej Tswv Yexus yug no? Nyob rau lub koob tsheej no, tseg sijhawm los ntuas tus kheej kom nco txog Tswv Yexus yog nruab nrab ntawm txhua txoj kev zoo siab, thiab nthuav tawm txoj kev zoo siab ntawd rau tej neeg ib ncig. Nws yog rauv paj nyob rau ntawm qhov chaw qhuav, yog kev cia siab rau lub ntiajteb tab tom tag kev cia siab. Nyob ntawm ntau yam ci ntsa iab sab nraud, thov kom cawm seej thiaj yog yam uas zoo tshaj uas peb saib muaj nqis, thiab yog txoj xov zoo uas peb yuav qhia rau tag nrho lub ntiajteb paub nyob hauv koob tsheej xyoo no.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.