Koob tsheej tau hais txog zoo li yog lub caij ntawm txoj kev zoo siab, qhov pom kev thiab lub suab luag. Tiamsis tseeb tiag, tsis yog peb leej twg kuj zoo siab txais tau yam ntawd. Muaj tej zaug, nyob rau tej zaj nkauj thiab tej suab luag ib ncig, peb lub siab yeej nyhav ncawv rau tej kev tu siab, tej teeb meem, nrog rau ntau yam uas zoo tsis tau txais. Tej zaug nyob rau lub sijhawm qaug zog thiab tsaus ntuj tshaj ntawd, peb yuav tau cia peb lub siab kom tus paub tias Vajtswv ib txwm ncaj ncees, thiab Vajtswv tsis tau muaj ib zaum twg tso peb tseg li.

Hnub no, yog hnub 16/12/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Elaine Creasman dhau ntawm Zaj kawm ZOO SIAB TXAIS NYOB HAUV TXOJ KEV NCAJ NCEES RAU VAJTSWV.

“Tus neeg ncaj ncees tiv ntau yam kev nyuaj siab, tiamsis tus Tswv cawm nws dim tej kev ntxhov siab ntawd huv tibsi.” (Ntawv Nkauj 34:19)

Koob tsheej Yexus yug xyoo tas los, nyob rau tej rooj noj rooj haus zoo siab nrog tej phooj ywg, kuv sawv tsis paub ua cas nyob hauv tsev tawm rooj.

Sab nraud yog tej suab luag zoo siab luag ntxhi, tiamsis hauv kuv lub siab ho yog ib lub nra nyhav vim kuv tsev neeg nyuam qhuav ntsib teeb meem. Tamsim ntawd, muaj ib qhov kev xav qub qub nws tau nkag rau hauv kuv lub hlwb: tej zaug lawv lub neej tau Vajtswv foom hmoov ntau dua. Tej zaug Vajtswv hlub lawv ntau dua yus.

Tas tej lus hais tsis zoo pib tshwm hauv kuv lub hlwb, tej lus liam txim uas kuv hnov puas zaus: “Koj yeej tsis muaj dabtsi zoo”, “Tag nrho puav leej yog tim kom”. “Koj lub neej puas tas, tsis tshuav txoj kev twg pab tau li.”

Tiamsis nyon rau lub sij hawm ntawd, nyob ntawm ntau lub suab nrov nroo ntws hauv siab, kuv hnov Vajtswv lub suab ntxhi twj ywm: “Cia li txaus siab txais yuav Kuv txoj kev ncaj ncees.”

Tamsim ntawd, kuv paub tias Vajtswv tab tom hais kom kuv yuav tau nres, tsa muag saib, thiab nco txog tag nrho tej uas Vajtswv tau ua nyob rau hauv yus lub neej.

Kuv xav txog ib rooj noj rooj haus loj, puv npo tej khoom noj qab qab piv txog tag nrho tej uas Vajtswv tau ua pub rau kuv. Tas kuv hnov ib lo lus ntuas maj mam tiamsis nws muaj lub ntsiab tob tob: “Txhob nyuaj siab rau tej uas tsis tau muaj nyob saum rooj. Yuav tau nco ntshav ntuj thiab zoo siab rau tej uas koj tab tom muaj.”

Kuv sawv ntsiag to ib pliag, cia qhov tseeb ntawd txhawm rau hauv lub siab. Thaum tawm los, kuv txais yuav lub sijhawm ntawm tej phooj ywg sib txheeb. Kev txaj muag thiab tub qaug cia li ploj ntais, pauv rau qhov ntawd yog kev zoo siab thiab kev kaj siab.

Thaum txog feem thov Vajtswv, kuv hais luv luv txog kuv qhov teeb meem thiab tau caw lawv thov Vajtswv pab. Tomqab ntawd, kuv txhawm rau lub suab luag thiab zoo siab ntawm tej phooj ywg zoo. Thaum koom hu “zaj nkauj koob tsheej” kuv txais tau txoj koob hmoov hauv siab.

Tej uas kuv ntsib dhau ntawd kuv pom tias yooj yim poob rau kev ntxeev ntias rau tej yam uas muaj tsis txaus hauv lub neej, pauv qhov uas nco tshav ntuj txog tej koob hmoov uas Vajtswv pub. Thiab qhov no taw kuv txog rau txoj kev nyuaj siab, ntau zaug tseem tag kev cia siab.

Thaum los tsev, kuv nco txog nqe Vajluskub uas kuv tau nyeem: “Tus neeg ncaj ncees tiv ntau yam kev nyuaj siab, tiamsis tus Tswv cawm nws dim tej kev ntxhov siab ntawd huv tibsi.” (Ntawv Nkauj 34:19).

Kuv pom tias nyob rau hauv tej phau txhais sib txawv, lo lus “teeb meem” tau txhais tias yog “tej teeb meem” “kev txomnyem” “tej uas yus ua raug yus” thiab kuv pom tias yus tsuas tsom ntsoov rau “tej teeb meem” xwb ua rau hnov qab feem tseem tshuav nyob hauv nqe no: “Tus Tswv yuav cawm lawv.”

Kuv pib sau txog “tej teeb meem” uas Vajtswv tau tso kuv dim hauv ntawd. Yim sau, kuv yim pom txog cov teeb meem no ntau txog qhov tsis muaj qhov xaus.
Cov teeb meem ntawd muaj ntau qhov kev txhaum uas Vajtswv twb cab kuv tawm. Thiab thaum xav txog tej ntawd, kuv pom kuv lub siab sib lawm ntau. Yog Vajtswv twb cawm kuv, ces Vajtswv kuj yuav ntxov cawm cov neeg uas kuv hlub tawm ntawm lawv tej kev txhaum thiab.

Koob tsheej Tswv Yexus yug xyoo no, kuv xav “zaum rau ntawm lub rooj noj rooj haus” uas Vajtswv twb npaj rau kuv lawm – lub rooj ntawm txoj kev ncaj ncees. Kuv xav maj mam mus kom ntsia pom thiab nco tshav ntuj txog tej yam zoo uas Vajtswv tau ua, tej qhov tsaus ntuj uas Vajtswv tau coj kuv kev tawm los.

Tej “teeb meem” yeej tseem tshuav ntawd los? Kuv ntseeg tias Vajtswv yeej tseem tab tom ua haujlwm. Thiab kuv tuav cov lus cog tseg hauv Efexaus 3:20 ruaj ruaj:
“Peb cia li ua Vajtswv tsaug, rau qhov Vajtswv tus uas muaj hwjchim, nws nyob hauv peb lub siab. Nws ua tau ib puas tsav yam ntau dua li tej uas peb thov thiab tej uas peb xav”

Muaj tej yam kuv ntseeg tias: Vajtswv txoj kev ncaj ncees yuav ruaj khov, Vajtswv txoj kev hlub tseg rau kuv yuav tsis muaj hnub hloov pauv txawm yog lub caijnyoog yuav zoo li cas, thiab Vajtswv yuav nrog nraim kuv nyob ua ke.
Tsuas yog peb qhov tseeb no xwb kuj txaus rau kuv zoo siab rau lub koob tsheej Tswv Yexus yug xyoo no lawm!

Thov caw nrog kuv peb thov Vajtswv ua ke: Tus Tswv, nyob ntawm tej hnub siv zog npaj rau lub koob tsheej Tswv Yexus yug no, thov pab kom kuv nres thiab saib ntsoov Koj. Tsis yog nyob hauv txoj kev zoo siab xwb, tiamsis nyob rau ntawm tej chaw tsis muaj zog, muaj teeb meem thiab muaj kev tu siab tshaj thiab. Ua Vajtswv tsaug vim Vajtswv yeej ib txwm ncaj ncees, yeej hlub kuv txawm yog kuv muaj ntau zaug ntog thiab ua xyem xyav rau txoj kev hlub ntawd. Thov pub kom kuv lub siab puv npo kev nco ntshav ntuj, kom kuv tsis saib rau tej uas kuv tsis tau muaj, tiamsis zoo siab qhuas Vajtswv vim Vajtswv yeej tab tom ua haujlwm hauv kuv lub neej los ntawm Vajtswv txoj kev ncaj ncees. Kuv thov hauv Tswv Yexus Khetos lub npe, Amees.

Cov phooj ywg, tej zaug koj kuj tab tom ua dhau lub koob tsheej Tswv Yexus yug tsis zoo raws li siab xav, nyob hauv tej qhov txhab uas tseem tsis tau kho zoo thiab tej lus taij thov ntev loo los tsis tau teb. Cia li nres saib ib ncig “lub rooj noj rooj haus” hauv yus lub neej: txhua txoj kev ua pa txhua hnub uas koj tab tom ua neej, muaj ntau zaug Vajtswv twb tiv thaiv thiab cawm koj dim hauv qhov tsaus ntuj – tag nrho puav leej yog pov thawj ciaj sia nthuav tawm Vajtswv txoj kev ncaj ncees. Thiab Vajtswv yeej tab tom ua haujlwm, yeej sau ntxiv koj zaj xwm txheej los ntawm txoj kev hlub tsis muaj hnub hloov pauv. Ntseeg siab rau Vajtswv txoj kev ncaj ncees, kom txoj kev zoo siab rau hnub koob tsheej Tswv Yexus yug tau tshoov hauv kuv lub siab hnub no.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.