Tej zaum hauv lub neej uas puv npho tej kev tsis ncaj ncees, peb twb swm rau qhov uas yuav sib txeeb kom tau ib yam loj dua. Peb sib ntaus sib txeeb kom luag pom peb muaj nqis, kom luag paub tias yus yog tus yeej, lossis kom txais tau ib feem me ntawm txoj kev ncaj ncees. Tiam sis lub Koob Tsheej Tus Tswv los yug ho qhia rau peb ib zaj txawv, zaj xwm txog Tus Tswv tau tso txhua yam kom nchuav tau kev hlub thiab txoj kev hlub tshua rau cov neeg ua tsis tsim nyog – yog koj thiab kuv ntag.

Hnub no, yog hnub 14/12/2025, peb Kev Thov Vaj Tswv Txhua Hnub caw koj nrog peb kawm thiab mloog Vaj Tswv Txoj Lus ntawm Gene Markland dlau ntawm ntsiab lus KEV HLUB THIAB KEV KHUVLEEJ.

“Thov kom Vajtswv tus uas nyob, saum ntuj ceebtsheej tau koob meej, thiab thov kom cov neeg uas nyob hauv ntiajteb txhua tus uas ua haum Vajtswv siab tau zoo nyob kaj siab lug!” (Lu-kas 2:14)

Ib tug hluas ua hauj lwm nrog kuv nug kuv hais tias: “Kev hlub thiab kev khuvleej sib txawv li cas?” Kuv tsis paub teb li cas rau lub sij hawm ntawd, ces kuv tso dag hais tias: “Kev hlub yog ua hauj lwm yav sawv ntxov, kev khuvleej ces yog ua hauj lwm yav tav su.” Cov uas nyob ib ncig ntawd lawv txawm luag vim kuv muab qhov ntawd coj los piv li ntawd.

Tab sis tom qab ntawd, lo lus nug ntawd pheej nyob rau hauv kuv lub hlwb. Kuv xav txog Vaj Tswv txoj kev hlub tshua, yog kev cawm dim tau muab los pub dawb, yog koob hmoov uas peb tsis tsim nyog tau txais. Thiab kuv xav txog Vaj Tswv txoj kev khuvleej, Nws kev ua siab ntev thiab nkag siab peb, zoo siab hlo zam lub txim pub rau peb txawm tias peb yog cov uas yuav tsum raug lub txim ntawd. Tseeb tiag, Leej Txiv yog tug qauv zoo tshaj plaws qhia txog ntawm kev hlub thiab kev khuvleej.

Thaum kuv xav txog kev hlub thiab kev khuvleej ua hauj lwm ua ke, ua rau kuv nco txog ib zaj xwm txheej muaj tseeb nyob rau Ntiajtev Kev Tsov Rog Thib Ntu Thib I. Ntawd yog rau hmo Koob Tsheej Tus Tswv Cawm Seej los yug, nyob rau xyoo 1914, ntawm thaj tsam sib ntaus nyob rau sab hnub Poob, qhov chaw uas pab tub rog Anh thiab pab tub rog Đức tab tom sib ntaus heev kawg li. Ib tug tub rog Anh hmo ntawd thiab sau ib tsa ntawv xa rau nws tsev neeg:

“Kuv tus kheej tsis tau pom dua qhov txawv txav tshaj plaws thiab zoo heev li ntawd. Txhua txhua txoj kev thaj tsam sib ntaus sib tua ntawm sab tub rog Đức, sab laug mus rau sab xis deb heev ntawd yog cov teeb ci me me”

Kuv nug tias: “Ntawd yog dab tsi li?”

Kuv tus phooj ywg teb tias: “Tus ntoo Nu-ees os!”

Tseeb tiag. Tub rog Đức tau muab ntoo ciab txhos ua ntej ntawm kev sib ntaus, muab teeb hlawv ci, zoo yam li cov teeb ci coj kev – puv npho kev ncaj ncess.
Peb hnov lawv hu nkauj: Hmo ntisag to, hmo tseem ceeb.

Zaj nkauj qhuas Vaj Tswv ntawd cov neeg Anh tsis paub, tab sis kuv tus phoojywg txhais rau kuv: Hmo ntsiag to, hmo tseem ceeb.

Thaum ntuj teb tag hmo txias zias, thaum lub hli ci rau lub ntiaj teb, kuv tsis tau hnov dua ib zaj nkauj zoo thiab muaj lub ntsiab zoo npaum ntawd.

Thaum zaj nkauj xaus, peb pab tug rog npuaj tes rov. Yog, tub rog Anh npuaj tes rov rau tub rog Đức!

Tam sis ntawv ib tug ntawm peb sab pib hu: Nu-ees thawj zaug, tim tswv los qhia…

Tseeb tiag peb hu tsis tau zoo li lawv pab, tab sis phab tub rog Đức kuj npuaj tes rov qab rau peb thiab hu ntxiv: Oh ntoo Nu-ees, oh ntoo Nu-ees…
Peb hu rov qab tias:

Oh cov tub txib uas ntseeg rov khov.

Thiab zaum no, lawv nrog peb hu zaj nkauj qhuas Vaj Tswv ntawm lus Latin:
Oh cov tub txib uas ntseeg ruaj khov…

Suab hu nkauj ntawm tub rog Anh thiab tub rog Đức tau sib xyaw koom ib lub suab ntawm “thaj tsam tuag”. Ob peb teev dlau los lawv tseem sib ntaus sib tua!
Tom qab ntawd ib tug hais rov tias: “peb pom zoo tsis tua phom mus txog tag kis ib tag hmo”

Tsis ntev xwb, txhiab tus tub rog ntawm ob sab tawm tuaj, tuav tes, sib tham, pub khoom rau sawv daws, sib pauv kaj-phe, nqaij pauv xúc xích. Kuv tseem muab ib tug riam meb coj los pauv ib txoj siv sia, yog qhov khoom plig muaj nqis nqa los tsev.

Thaum kawg, sawv daws hu zaj nkauj: Zaj Nkauj Sib Ncaim ntawm lub cub tawg, thiab hais lus nyob zoo sib ntsib rau tagkis, tseem hais tias yuav npaj ib lub sij hawm ncaws pob ua ke!

Thaum kuv rov qab ntuas txog zaj no, kuv xav hauv siab tias: yam dab tsi ua rau ob phab tub rog tam tom sib ntaus sib tua, nyob nrog rau lub sij hawm kub heev li ntawd los zoo siab hlo muab tej cuab yeej tso tseg thiab sib tuav tes zoo li ib cov phooj ywg?

Tsuas muaj kev hlub thiab kev khuvleej lawm xwb!

Thiab kuj yog kev hlub tshua nrog rau kev khuvleej ntawd tau nqis los rau hauv ntiaj teb tau ob txhiab lub xyoo ua ntej, nyob rau ib hmo tseem ceeb thaum ub.
Hmo ntawd, cov tim tswv los tshaj tawm rau cov yug yaj: “Thov kom Vajtswv tus uas nyob, saum ntuj ceebtsheej tau koob meej, thiab thov kom cov neeg uas nyob hauv ntiajteb txhua tus uas ua haum Vajtswv siab tau zoo nyob kaj siab lug!” (Lu-kas 2:14)

Cov neeg yug yaj lawv tau mus nrhiav pom lub dab zaub, ntsib Malis, Yaus-xej thiab Tus Menyuam Vaj. Thaum pom Tus Tswv Cawm Seej Yexus, tim ntsej tim muag lawv tau pom kev hlub tshua thiab kev khuvleej ntawm Vaj Tswv Ntuj, thaum Tus Tswv tau txo hwj chim yug los ua neeg thiab ua neeg zoo li tib neeg.
Cia siab tias peb kuj yuav mus lawv li Leej Txiv tus neev taw, paub qhia txog kev hlub thiab kev khuvleej rau txhua leej txhia tus thaum peb ntsib lawv hauv peb kev lub neej.

Thov kom koj muaj kev ywj pheej rau lub caij Koob Tsheej, puv npho koob hmoov thiab kev hlub!

Thov caw nrog kuv peb thov Vajtswv ua ke: Kuv Tus Tswv Cawm Seej Yexus, nyuam yaus ua Koj Tsaug vim kev hlub tshua thiab kev khuvleej ntawm Koj tau qhia rau tib neeg ntiaj teb thiab rau nyuam yaus tus kheej txog koob tsheej Koj los yug ua neeg. Thov pab kom kuv paub saib txhua tus zoo li Koj saib, paub xaiv zam txim es tsis yog kev cim ua ruj ua tsiv thiab muab txoj kev hlub tsis yog txoj kev ua rau lwm tus mob siab. Thov kom nyuam yaus lub neej yuav ua tau lub pov thawj muaj sia, puv npho Vaj Tswv kev hlub thiab kev hlub tshua rau lub ntiaj teb no. Nyuam yaus thov hawm thiab koom siab ntawn Tus Tswv Yexus Khe-tos lub npe, Amen.

Tus phooj ywg uas hlub tshua, koj pom kev hlub thiab kev khuvleej yog lub tswv yim kev ntseeg deb heev los? Tsis yog lawm, ntawd yog txoj kev sov siab tiag ntawm lub ntiaj teb txias zias ntawm txoj kev hlub. Yog thaum peb xaiv zam txim-tsis yog pauj txim, xaiv kev hlub tsis yog kev ntxub. Txhua zaus ua li ntawd, peb tab tom hlaw cig ib “lub teeb koob tsheej Tus Tswv Yexus los yug” sov mus rau lwm tus lub siab thiab, kuj yog sov rau peb nruab siab. Ntawd yog qhov uas peb ua neej qhia txog Vajtswv Yexus kev hlub thiab kev khuvleej tawm rau txhua hnub.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.