Tej suab nkauj koob tsheej Tswv Yexus yug twb nrov rau txhua txoj kev, ntawm tej chaw sawv daws mus, thiab peb sawv daws tej tsev. Koob tsheej Tswv Yexus yug yog lub caij ntawm txoj kev hlub, kev cia siab, thiab zoo siab, thaum uas sawv daws tig lub siab mus rau ntawm Vaj Leej Tub qhuas Nws. Nyob hauv Npelehees thaum ub txog rau thoob ntiajteb niaj hnub nim no, cov lus caw kom mus pehawm thiab mus saib tus cawm seej Nws yeej tseem nyob li qub.

Hnub no, yog hnub 8/12/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Kenneth W. Osbeck dhau ntawm Zaj kawm TUS TUB TXIB UAS NCAJ NCEES.

“Thaum cov timtswv ncaim lawv rov qab mus rau saum ntuj ceebtsheej lawm, cov yug yaj txawm sib tham hais tias, “Peb cia li mus rau hauv lub nroog Npelehees thiab mus saib tej uas tus Tswv qhia rau peb lawm.” 16 Lawv ceev nrooj mus rau hauv lub nroog, lawv porn Malis thiab Yauxej, thiab porn tus menyuam pw hauv ib lub dab zaub.” (Lukas 2:15-16).

Ntawm kuv tus kheej, tej zaj nkauj hu rau lub koob tsheej Tswv Yexus yug yog tej zaj nkauj zoo thiab muaj nqis tshaj uas peb tib neeg tau paub txog. Nyob hauv ntau zaj nkauj muaj zaj hu tias “Tus Tub Txib Uas Ncaj Ncees” yog ib zaj uas kuv nyiam tshaj hauv ntiajteb. Niajhnub no, zaj no yeej tseem tau hu thoob qab ntuj vim tau txhais ntawm cov lus Latees los ua ntau pua hom lus sib txawv. Tej daim duab nyob hauv zaj nkauj no nws ciaj sia, muaj nqis thiab rub tau sawv daws txhua tus los mloog nyob rau txhua txoj kev coj noj coj ua sib txawv.

Zaj nkauj cov Latees muaj plaub nqe. Thawj nqe yog caw peb los saib tus metub Yexus pw hauv lub dabzaub hauv Npelehees:

“Tus tub txib uas ncaj ncees, sib tuav tes hu nkauj ua ke, mus rau hauv Npelehees saib tim ntsej tim muag, Tus Tswv ntawm qhov chaw dawbhuv thaum no yug los rau hauv qhov chaw txomnyem.”

Nqe ob ntuas peb txog ib txoj kev ntseeg tseem ceeb, tias Tswv Yexus yog Vajtswv. Cov lus nyob hauv zaj lus Latees nws hais txog ib nqe tseem ceeb heev hauv txoj kev ntseeg Vajtswv, nyob hauv sau, “Vajtswv ntawm vajtswv, Qhov kaj ntawm qhov kaj, yog Vajtswv tiag, tau yug los tsis yog tau tsim los”. Cov lus txhais hauv lus nyob laj li no:

“Yexus los ntawm Vajtswv los, Lub hwjchim yog hwjchim, tiamsis nws yeej tsis thuam tus txhais nkauj xwb lub cev. Tus cawm seej los yug tsis yog los ntawm ntshav.”

Nqe peb hais txog zaj nkauj uas cov tim tswv hu, uas cov yug yaj thaum ub lawv tau hnov:

“Pab tim tswv hu nkauj nrov tuaj, Tag nrho tib neeg cia li hu nkauj ua ke: Thov kom txhua qhov chaw muab lub koob meej pub rau Vajtswv!

Thiab nqe kawg ntawm zaj nkauj yog hu qhuas Tswv Yexus tus yamntxwv tib neeg, yog txojlus, yog tus nrog Vajtswv nyob puag thaum ub los.

“Thov txais tos Tswv Yexus los yug hauv peb, txhua lub hwjchim yog tus menyuam tub li mus ib txhis; tus uas Leej Txiv txib los yug rau cev nqaij daim tawv, yog ntuj”.

Nyob hauv ntau xyoo, “Tus Tub Txib Uas Ncaj Ncees” tau suav tias yog zaj nkauj uas tsis paub leej twg sau. Tiamsis cov tub txawg tshawb nrhiav tsis ntev no los nrhiav tau daim sau tes qhia paub tias zaj nkauj no yog saum rau xyoo 1744 yog ib tug pejxeem neeg askiv npe hu ua John Wade, thiab yawg kuj yog tus ntaus suab rau zaj nkauj no muaj ntsis zoo li niaj hnub nim no. Zaj nkauj no thawj zaug tshwm hauv phau Cantus Diversi tebchaws Askiv rau xyoo 1751. Kwv yees li ib puas xyoo tom qab, muaj ib tug xibhwb neeg Askiv npe hu ua Frederick Oakeley thiaj txhais zaj nkauj no ua lus askiv tau siv rau hauv yawg Pawg Ntseeg. Lub suab yog “adeste Fideles” seev suab raws li daim lus Latees, muaj lub ntsiab tias “Tus uas ncaj ncees, cia li los saib”.

Cov neeg yug yaj, txawm yog lawv yog cov neeg poob qis hauv ntiajteb no los, lawv pom tus Cawm Seej tim ntsej tim muag. Tomqab cov timtswv ncaim lawv mus lawm, lawv txiav txim los rau hauv Npelehees saib tej uas timtswv tau hais. Los ntawm lub siab kub lug, lawv maj nroos mus nrhiav Tswv Yexus. Vajluskub phau Lukas 2:15-20 sau li no: “Thaum cov timtswv ncaim lawv rov qab mus rau saum ntuj ceebtsheej lawm, cov yug yaj txawm sib tham hais tias, “Peb cia li mus rau hauv lub nroog Npelehees thiab mus saib tej uas tus Tswv qhia rau peb lawm.” Lawv ceev nrooj mus rau hauv lub nroog, lawv porn Malis thiab Yauxej, thiab porn tus menyuam pw hauv ib lub dab zaub. Thaum cov yug yaj porn tus menyuam lawm, lawv qhia zaj uas tus timtswv ceebtsheej qhia rau lawv hais txog tus menyuam ntawd rau Malis thiab Yauxej mloog. Txhua tus uas hnov zaj uas cov yug yaj hais ntawd, sawvdaws xav tsis thoob li. Malis khaws tej Ius ntawd thiab xav ntsoov rau nruab siab. Thaum cov yug yaj rov qab mus, lawv hu nkauj qhuas Vajtswv, rau qhov lawv hnov thiab porn raws li tus timtswv tau qhia rau lawv lawm.”

Nyob rau lub sijhawm uas sawv daws tab tom ua koob tsheej Tswv Yexus yug, peb yooj yim raug cab mus ua tej yam uas haujlwm sab nraud, tej kev zoo siab sab nraud, hnov qab yus yuav tau tig rov qab mus rau ntawm lub ntsiab tiag hauv koob tsheej Tswv Yexus yug: ntawd yog tau ntsib tus cawm seej, tau Nws hloov pauv lub siab, kom thaum koob tsheej dhau mus, peb thiaj tau hloov pauv lub neeej li cov yug yaj thaum ub: “Rov qab mus qhuas Vajtswv txog tej uas lawv tau hnov.”

Zaj nkauj “Tus tub txib uas ncaj ncees” ntuas kom peb nco ntsoov tias kom tau ntsib tus cawm seej, peb yuav tau mus rau hauv “Npelehees” thiab “saib kom zoo”. Yog li tej hnub ua ntej yuav txog koob tsheej Tswv Yexus yug, koj puas tab tom siv zog nrhiav Tswv Yexus? Koj puas tos ntsoov tau nyob hauv Vajtswv kev tshwm ntsej muag lossis txav deb txoj kev tshwm ntsej muag ntawd? Koj puas cia koj lub siab saib ntsoov Nws “tim ntsej muag”, lossis tsuas lam saib nws, thiab luag ceg hauv lub neej sab ntsujplig xwb?

Nyob rau tej hnub uas tsis khoom, cia li npaj koj lub siab los saib thiab pehawm tus cawm seej ib yam li zaj nkauj “Tus tub txib uas ncaj ncees” Tau caw:

“Sai sai peb mus pehawm”
“Sai sai peb mus pehawm”
“Kav tsij sai sai tuaj ntawm no pe Yexus Khetos, peb tus vajntxwv”.

Thov caw nrog kuv peb thov Vajtswv ua ke: Tus Tswv uas muaj kev hlub! Kuv ua Koj tsaug vim koj tau los yug pub txojsia ib txhis rau kuv. Thov pub kom kuv muaj lub siab txais yuav koj txoj kev hlub tob, tsis yog tsuas yog lub koob tsheej no xwb, tiamsis yog txhua hnub hauv kuv lub neej. Tus Tswv, thov pub kom kuv muaj lub siab nrhiav koj kom kuv kuj ntsib koj ib yam li cov yug yaj thaum ub, kom kuv lub neej tau hloov pauv, thiab qhia txoj kev cawmdim rau coob tug ntxiv. Kuv thov hauv Tswv Yexus Khetos lub npe, Amees.

Cov kwv tij txhua tus, peb tsis yog mus cuag Vajtswv thiab nthuav tawm peb txoj kev ncaj ncees rau ib lub koob tsheej twg xwb, tiamsis yog txoj kev ncaj ncees peb yuav nthuav tawm tag nrho peb lub neej nrog tus Tswv mus. Nws yeej tseem caw peb txhua tus ua ib lub neej kom ncaj ncees: ncaj ncees hauv kev pehawm, ncaj ncees hauv kuv nrhiav Nws thiab ncaj ncees hauv txoj kev ua tim khawv txog Vajtswv.

Hnub no, koj cia li tseg sijhawm mus rau hauv “Npelehees” los ntawm nrhiav Vajtswv ntawm koj tus kheej thiab saib “nws kom meej”. Cia li thov Vajtswv pab koj kom ua lub neej ncaj ncees rau Vajtswv txawm yog ua ntej lossis tomqab koob tsheej tas. Ua ntej txog koob tsheej, koj npaj lub siab los txais yuav Nws; tomqab koob tsheej, koj lub siab yeej puv npo kev zoo siab thiab hlub Vajtswv heev dua.
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.