Peb twb tag ib lub thiv ntawm hli 12, hnub koob tsheej Tus Tswv Cawm Seej tau los yug ze zuj zus lawm. Txhua thaj tsam zoo siab txais tos hnub koob tsheej loj ntawd. Txhua txoj kev thiab ntug kev, lub caij koob tsheej tig rov los txog, ua rau peb nco hnub Tus Tswv Yexus tau los yug. Yog li ntawd, peb tab tom nyob rau sij hawm khiav ceev heev ntawm lub caij koob tsheej, cia li qee koj ib lub sij hawn thiab tig koj lub siab mus rau Ye-lu-xa-lees thaum ub, thawj hmo Tus Tswv Cawm Seej tau nqis los yug ntsiag to thiab txo hwj chim.

Hnub no, yog hnub 07/12/2025, peb kev Thov Vaj Tswv Txhua Hnub, caw koj los nrog peb tham kawm Vaj Tswv Txoj Lus dlau los ntawm Cathuy Irin ntawm zaj kawm NU-EES THAWJ ZAUG.

“Malis yug nws tus metub hlob, nws muab khaub ncaws qhwv tus menyuam thiab muab tso pw rau hauv ib lub dab zaub, rau qhov tej tsev so, neeg twb so puv tas lawm” (Lu-kas 2:7)

Koj puas tab tom tos caij ntuj no los, muaj qhov no heev lossis tseem muaj dau poob dawb paug? Ntawm kuv tus kheej ces xav kom muaj ib hnub no heev, kom lo nyob hauv tsev, qhwv yus rau hauv daim pam ntuj no thiab haus ib khob dej tsej, ib khob kaj-phe lossis ib khob sô-cô-la kub.

Hais tseeb tiag los mas, caij ntuj no yog lub caij uas kuv tsis tshua nyiam. Tab sis, muaj qee zaus kuv kuj nyiam mus ncig ua si yuav khoom thiab hnov tej huab cua txias zias. Muaj ib zaug kuv kuj coj kuv tus ntxhais mus ua si rau txhua txoj kev, saib pom txhua lub teeb ci ci ntawm caij Koob Tsheej.

Thawj zaug uas kuv hnov nyiam lub caij ntuj no tiag tiag yog 12 xyoo dlau los, thaum kuv tab tom nyob rau Toronto, Canada. Kuv tseem nco ntsoov qhov kev zoo siab thaum kuv kov daus, thiab pom tias nws qhuav tsis yog ntub li kuv xav. Kuv caij tsheb hlau hauv qab av (tàu điện ngầm) mus rau hauv nruab nrab nroog, tawm mus sab nraum zoov, ncig ua si txhua txoj kev, mus rau hauv tej khw, thiab xav tsis thoob tias tej huab cua txias zias los tsis hnov txias li lawm.

Nyuam qhuav ob peb hnub los, kuv muaj sij hawm sib tham nrog rau ib tug phooj ywg txog hnub Tus Tswv Cawm Seej los yug. Kuv xav hauv siab tias, lub sij hawm ntawd puas no heev, los sis muaj daus poob? Kuv xav txog thaum Tus Tswv Yexus pw hauv lub dab zaub, ntawm nkuaj tsiaj yaj thiab tsuas qhwv hauv ib daim ntaub tsis zoo pis tsawg, nyob rau hauv Vaj Tswv Txoj Lus sau tseg tias: Malis yug nws tus metub hlob, nws muab khaub ncaws qhwv tus menyuam thiab muab tso pw rau hauv ib lub dab zaub, rau qhov tej tsev so, neeg twb so puv tas lawm.” (Lu-kas 2:7).

Vaj Tswv Txoj Lus tsis sau meej tias Tswv Yexus los yug rau lub sij hawm twg. Tab sis qhov ntawd puas tseem ceeb dua peb lub siab thiab peb tus cwj pwm, txhua zaus peb nco txog lub koob tsheej Tswv Yexus tau los yug? Lub dab zaub thaum ub kuj zoo li peb lub siab: puv npho qhov tsaus ntuj, tsis muaj nqis, tsis tsim nyog, tab sis Tus Tswv tseem nqis los nyob hauv. Tiam sis peb lub siab puas tseem tshuav chaw rau Tus Tswv los nyob? Los sis lub siab ntawd tseem puv npho tej kev txhawj xeeb thiab kev nyuaj siab rau lub neej no?

Twb yog vim li no, txhua zaus uas kuv xav txog hnub Tus Tswv Cawm Seej los yug thawj zaug, ua rau peb yuav tsum ua tib zoo tìg los xav rau ntawm yus tus kheej thiab thov Vaj Tswv los nyob, los kav peb. Tus Tswv Yexus tau xaiv nqis los rau hauv ntiaj teb no ntawm kev txo hwjchim, thiab Nws tau los yug rau hauv ib lub dab zaub. Txhua zaus uas kuv xav txog Tus Tswv tau ntsib ntau yam kev txhawj xeeb txom nyem, thiab tib neeg tsis lees txais yuav Nws, kuv rov hnov kuv lub siab kub lug-kom kuv yuav tsum tuav lub caij Koob Tsheej hauv siab, dlau txhua lub sij hawm thiab txhua hnub hauv kuv lub neej. Twb yog vim li ntawd ntag, kuv thiaj hla dlau txhua yam kev sim siab thiab kev txom nyem hauv lub neej, vim kuv paub tias Tus Tswv Yexus tau ntsib ntau yam thiab loj dua kuv.

Zaj nkauj: “Nu-ees thawj zaug” hais txog “cov neeg txom nyem yug yaj” lawv tau raws lub hnub qub thaum cov tim tswv los qhia. Thaum lawv mus txog chaw, lawv pom tus Menyuam Yexus pw hauv lub nkuaj tsiaj yaj vim tsev so twb tsis tshuav chaw rau Nws lawm. Hmo thawj ntawm Tus Menyuam Vaj Yexus yeej tsis muaj teeb ci ntsa iab, tsis muaj tej pab pawg sib sau ua kev lom zem, kuj tsis muaj tsheej pab neeg coob coob, tiam sis tsuas muaj lub hnub qub ci lam lug saum nruab ntug thaum lub qab ntuj tsaus ntuj nti, ci tuaj rau qhov Vaj Leej Tub tau los yug, nqa txoj kev kaj-kev cia siab rau tib neeg ntiaj teb:

“Nu-ees thawj zaug cov tim tswv los tshab xov Rau cov neeg txom nyem yuj yaj tab tom zov pab yaj; sawv daws nyob ze ua ke saib xyuas yus pab yaj, hmo txias zias ib ce tshee tag. Nu-ees, Nu-ees, Nu-ees, Nu-ees, Yog hmo yug Yi-xa-la-yees tus Vaj Ntxwv!”

Thov caw nrog kuv peb thov Vajtswv ua ke: Vajtswv Tus uas muaj kev hlub! Tus Tswv aw, nyuam yaus ua Koj tsaug vim Koj tau ceeb toom nyuam yaus txog hnub Nu-ees thawj zaug. Tus Tswv thov Koj pab kom nyuam yaus yuav tau tig rov qab los txo hwjchim rau hmo tseem ceeb ntawd, kom thaum kuv nyob nrog rau tej kev cheem tsum hauv lub neej, los kuv yuav tuav tau kuv lub siab tag nrho rau Tus Tswv Koj. Thov Tus Tswv Koj los nyob rau hauv nyuam yaus lub siab me no, puv npho tej kev txhaum, ua rau kom nyuam yaus muaj lub siab tshiab thiab hloov nyuam yaus rau lub caij Koob Tsheej Tus Tswv Cawm Seej tau los yug nyob rau xyoo no. Nyuam yaus thov hawn thiab tuav ntawm Tswv Yexus Khe-tos lub npe, Amees.

Cov phooj ywg uas hlub tshua, peb tab tom ua neej tsis muaj hnub so rau lub caij koob tsheej. Lub caij no, peb tau caw tig rov qab mus rau Npelehees thaum ub thiab saib Tus Tswv Yexus, Tus uas tau los yug ntawm txoj kev txo hwj chim. Thiab niaj hnub nim no, Tus Tswv tseem tab tom nrhiav txhua tus ua muaj lub siab mos muag, zoo siab hlo txais tos Nws los kav tus ntawd lub neej.

Ua ntej txog hnub Koob Tsheej, cia li xav seb yam dab tsi tab tom kav koj lub siab, puas muaj tej yam tab tom ua rau koj lub siab nqaim, los sis qhuav lawm? Cia li taij thov Tus Tswv rhuav tshem tej yam ntawd, kom koj yuav caw tau Tus Tswv los nyob thiab kav, hloov kom koj muaj lub neej tshiab.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj