Koob tsheej Tswv Yexus yug yog lub caij uas yuav muaj txhua hom teeb cig pom kev lam lug, muaj tej pob khoom tau muab pub ntawm txoj kev zoo siab. Tiamsis nyob hauv tej qhov khoom plig zoo zoo nkauj ntawd, puas muaj zaum twg koj cim civ nug tias qhov khoom plig twg thiaj yog muaj nqis tshaj? Tej zaug, yam zoo kawg nkaus nws ho nyob ntawm ib lub “thawv me me” uas peb tsis ceev faj txog. Zoo li txoj kev uas tib neeg thaum ub tau hnov qab tus cawm seej, tsuas yog vim Nws los txo hwjchim heev. Tej zaug, koob tsheej xyoo no, Vajtswv kuj tab tom pub ib qhov khoom plig zoo li ntawd rau koj hnub no thiab.

Hnub no, yog hnub 05/12/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Kimberly Poteet dhau ntawm Zaj kawm QHOV KHOOMPLIG TAU MUAB TSO DHAU.

“Txojlus ntawd twb los nyob hauv ntiajteb no lawm, thiab Vajtswv kom nws tsim lub ntiajteb, tiamsis ntiajteb tsis paub nws” (Yauhas 1:10)

Kuv yeej tseem nco ntsoov txoj kev faib khoom rau koob tsheej Tswv Yexus yug thaum ub, thaum kuv mus koom ua ke rau ib qhov chaw faib khoom hauv nroog. Ntawm lub sam thiaj hnub ntawd muaj ntau hom xim zoo nkauj heev, muaj tej hnab khoom, loj me los muaj tau sawv daws nqa tuaj pub rau cov tsev neeg uas txomnyem. Leej twg los kuj kub siab lug cim civ tau xaiv ib qhov khoom rau tus kheej.

Kuv pom muaj ib leej niam khaws tau ib pob khoom me, muab co co ntawm pob ntseg tas ua tib zoo ntsia ib pliag. Nws maj mam tas muab tso rov qab xaiv ib pob loj dua. Pob khoom ntawd tau sawv daws muab tso tseg zaum no tas rov qab txog lwm zaus. Leej twg los yeej tig mus rau ntawm pob khoom uas loj dua, muab qhwv zoo dua thiab saib ntxim muaj nqis dua.

Kuv yeej tseem nco ib leej niam tau hais yau yau tias: “Pob no me dhau, tej zaug yuav tsis txaus kuv tus menyuam” Hnov kuj yooj yim nkag siab xwb. Leej twg ua niam ua txiv los yeej xav kom yus tej menyuam tau ib qhov khoom plig kom tsimnyog.

Tomqab pheej muab tso tseg kuv txiav txim muab qhib los saib. Peb xav tias ntshai nws yog ib qhov khoom plig yooj yim xwb, tej zaug nws yuav txuas ua ke nrog lwm qhov kom muaj neeg tau siv. Tiamsis thaum nyuam qhuav qhib sawv daws puav leej xav tsis thoob. Xav tsis thoob tias hauv pob khoom me me ntawd nws ho yog ib lub máy chơi điện tử yog cov hom tshiab, kim nyiaj tshaj plaws rau tiam ntawd!

Vim pob khoom muaj nqis peb thiaj txiav txim tsis muab pub rau ib tsev neeg twg, tiamsis muab faib rau ntau tsev neeg tau txais txoj kev zoo siab ntawd. Hnub ntawd, cov neeg uas tau txais khoom lawv zoo siab heev ua rau lawv los kua muag. Lawv tsis xav tias hauv pob khoom me me ntawd ho muab lub siab dav thiab kev hlub loj heev zais rau hauv.

Koob tsheej Tswv Yexus ua rau peb nco txog ib yam: Tus cawmseej – yog Tswv Yexus – tau los rau hauv lub ntiajteb no zoo li ib qhov khoom plig muaj nqis uas Vajtswv pub rau tib neeg ntiajteb. Tiamsis “lub plhaub sab nraum” ntawm qhov khoom ntawv ho ua rau ntau tus xav tsis thoob. Lawv tsis paub Nws, ntau zaug tseem mus nrhiav lwm tus Mexiyas txawv, “zoo dua” kom phim rau lawv txoj kev cia siab.

Lawv tos ib tug vajntxwv yug los nyob rau hauv vajntxwv lub loog, qhov chaw ci ntsa iab thiab muaj hwjchim, lawv ho xav tsis txog tias tus cawm seej ho yug los rau ntawm ib qhov chaw txomnyem li ntawd. Lawv xav tias tej zaug Tswv Yexus tau muab tej khaub ncaws kim nyiaj los qhwv, tsis yog muab tej nyuag khaub ncaws pheej yig los qhwv thiab tso pw rau hav dabzaub, yog qhov chaw uas tej tsiaj niaj hnub noj zaub txhua hnub.

Ib yam uas hais txog Tswv Yexus txoj kev los yug txo hwjchim cuag li ua rau coob tug yooj yim hnov qab dhau. Lawv saib Tswv Yexus thiab xav: “Tsuas yog li no xwb los?” Tsis “tau txaus” txhawm lawv tej kev cia siab.

Peb pheej xav tias cov neeg uas ua neej nyob rau Tswv Yexus tiam lawv dig muag thaum uas lawv tsis paub Tswv Yexus. Tiamsis yog hais tiag, ntau zaug peb kuj txawv lawv tsis deb.

Nyob hauv tshwmsim tshooj 11, Vajluskub sau txog ob tug pov thawj uas Vajtswv yuav txib los rau tom ntej. Lawv yuav qhia, ua tim khawv thiab ua ntau qhov txujci nyob hauv Yeluxalees. Tiamsis pauv qhov uas lawv txais yuav txoj moo zoo thiab Vajtswv lub hwjchim, lawv ho tsis txais yuav. Thaum “tus tsiaj” raug muab tua ntawm ob tug neeg ntawd, lawv lub cev raug muab pov hauv plawv nroog, cov pej xeem sawv daws zoo siab, ntau zaug lawv tseem muab khoom sib pub ua kev zoo siab rau cov neeg ncaj ncees txoj kev tuag.

Ntseeg tsis tau li, tiamsis ntau zaug peb kuj zoo ib yam li ntawd. Peb hnov qab tej qhov khoom zoo uas Vajtswv pub rau peb tsuas yog vim “nws tsis loj” lossis “tsis phim” rau peb lub homphiaj xwb.

Vajtswv yeej niaj hnub muab pub rau peb tej qhov khoom loj, tsuas yog thaum nws muab qhwv rau hauv saib zoo li me me thiab tsis muaj nqis. Cia siab tias peb yuav tsis ua poob qhov khoom plig loj tshaj nyob hauv txhua pob khoom: Ntawd yog Vajtswv tib leeg tub, tus cawm seej – tus uas los pub txojsia ib txhis rau peb.

Thov caw nrog kuv peb thov Vajtswv ua ke: Leej Txiv muaj kev hlub, thov qhib kuv lub pob ntseg kom tau hnov koj lub suab, qhib lub qhov muag kom ntsia pom tej txujci uas koj tab tom ua, thiab pub rau kuv muaj lub siab mos muag txais yuav qhov khoom plig muaj nqis uas lub ntiajteb lawv tau txais, ntawd yog Vajtswv tus tub, cawm seej Tswv Yexus. Thov Vajtswv kuj pab kuv txhua hnub kom kuv paub thiab saib taus Vaj Ntsujplig kev tshwj ntsej muag thiab coj kuv lub neej. Ua Leej Txiv tsaug vim txoj kev hlub puv npo rau tus uas ntseeg Nws. Kuv thov hauv Tswv Yexus Khetos lub npe, Amees.

Cov kwv tij txhua tus, ntau zaug tej yam uas saib cuag li me ntawd ho yog qhov khoom muaj nqis uas Vajtswv xav kom koj saib muaj nqis. Txhob cia yam zoo uas yog Vajtswv li ho ua rau koj hla dhau vim tej yam uas “zoo zoo” sab nraud uas peb ib txwm tos. Koob tsheej Yexus yug xyoo no, cia li qhib siab los txais yuav tej khoom plig muaj nqis uas los ntawm Leej Txiv saum ntuj los. Vim thaum peb txais yuav Tswv Yexus, peb thiaj nrhiav tau qhov khoom plig loj, muaj nqis tshaj rau peb lub neej.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.