Sang lời dô nơm broă lơh mơ he neh jơh nus bơt bơtào la dô nơm bơta ò tú lơi bươn soh. Lời wơl broă lơh hớ cau ndai in bulah nus nhờm he gơ lơh găm kơlôi rcăng, ngan bơta hớ lơh he in plai soh ò kờn săng gơ. Mơya gơs tú Yang rơp hoi ja bol he păl ruc bơkơi nang lời wơl broă hớ, pợ gùng ală rài tơnớ in, ơm di ngkời dong kơl bol khai pran dờng rlau tai tơm gơnoar broă Yang di. Tài bơh lơgar Yang geh pợ dờng ơnang tú bol he git pơn dệt să, dong kơl, mơ lot bal mơ rài tơnớ pơn dờn tơm nus nhơm duh broă.

Ngai do, ngai 06/09/2025, Bơta Hòi Dan Kòp Ngai dan jà ală ồng mò oh mi kơlôi sơnưng bal Jơnau Yàng kơnòm dê bơta dong kơl dê Gary E. Robert bơh tơnggume: WAS GÙNG AI ALĂ RÀI TƠNỚ.

“Kơnràñ pal tơngguh, añ pal tơmù.” (Jang 3:30)

Ăn nggui di cơ nờng lơh broă, kơlôi sơ nơng bơh bar nam bềng tơl bơta gơlòng bol glar mơ kung oă bơta lơngai, tú ăn neh dơp gơnoar at bộ tờm dô nơm klờng đại hok tiang pơnrơ ngan. Ăn lụp is la: lơh be lơi nàng pơn dut gùng lot do dô bă niam nus Yang, kung be dong kơl klơng hok mơ cau pơn dơn? Nus nhờm ăn di găm gơs oa bơta kơlôi rcăng, tài bơh ngan la ăn kơp kờn kư pơn jat tai gơnoar broă do. Mơya ăn git la ăn pal “Pơng đin” nus nhơm moat jrum do, nus sơ êt sơ êl, ò lời nus nhờm hớ gơ lơh he in be dô nă cau kơnòm dệt sơ êt sơ êl ụt broă nhơl rê tơm hìu.

La dô nă cau jat Yang, ăn neh sum bơtơl kis niam jat nus nhờm cau at bộ he di. Ăn neh geh gơs tơngkah bơh krơh niam Jang Baptit di. Tú bàn gơnoar broă he di mơr sir ruc wơl ngkời nàng lời gơnoar broă Yang Jesu in, ồng ò woam hala moat jrum. Mơ gơplơ wơl, ông neh yăl tơlik nus nhờm pơn dệt să: “Kơnràñ pal tơngguh, añ pal tơmù.” (Jang 3:30). Jơnau đơs lơh ăn in git jak. Digơlan lời nus nhờm sơ êt sơ êl, ăn dơp git ăn pal kis niam gơwet mơ he neh sùm bơto tơngkah, hớ la lời bơta màng rlau dô mpôl di mơ gơnoar sôr băl lời hơ đăng rlau jơh.

Bơh să tơm Yang Jêsu kung neh lơh cơng tơm bơta do. Tú sôr ală cau bơtê lot jat Gơnoar Sôr Dơng, Yang đơs: “cau lơi dòn Añ, gen rơp lơh ală broă Añ lơh sơl; mơ khai rơp lơh ală broă dờng rlau tai, tài bơh Añ rê wơl hơ Bèp.” (Jang 14:12). Yang rơp chờ nus tú bàn cau ndai pơn jat gơ noar broă Yang di, mơ lơh lik gơs oă cồng nha rlau tai. Ngan la, ò geh gơs krơh lơi geh nus pơn dệt să rlau mơ hớ!

Tú dợp git bơta hớ, gơ lơh be gơs dô nơm cal pa khồm tơm nus ăn, cèng tus bơta tơnggu, gơtha mơ bơta chơ hơp tai. Ăn neh dơp git: bơta kwơ màng rlau jơh he rgơi lơh tơm tú jao wơl gơnoar broă ò di la ơm wơl ò jao, mơ la rcăng rơndap ală broă niam rlau jơh nàng cau pơn dơn rgơi sơn tơm pơn jat broă dô bă pơtoah nưk.

Ăn neh sơn tơm rơn dap ală broă nàng jao wơl dô bă lơh làng, bơsong jơh ală broă kwơ màng be pơnah jen pria, jen găm wơl mơ cau dong kơl, nàng cau pơn dơn rgơi pơn jat broă lơh dô bă niam, ò càng kơlôi nàng bơsong ală broă găm wơl . kwơ màng rlau jơh la, ăn neh sơn tơm hoi dan cau pơn dơn in mơ jơh mpôl lam bộ. Ăn neh jơh nus bơt btào bơta dô nus băl ală cau bơto, cau lot hok mơ cau dong broă; mơ ăn kơp kờn bơta hớ rơp pơn jat tai, bơta btào rlau tai. Jơh di tú he cri bơyê băl hala tú he tơmbơh bơr kơp ngai, ăn sùm yal tơnggit la ăn jơh nus dòn di cau pơn dờn. Ăn dòn la khai rơp pơn jat yơ tơngguh klơng hok do sơ ngai sơlơ pran kơdăng rlau tai. Dô dớ tai, ăn neh geh tơngkah bơh dô nơm krơh niam bơh Yang Jesu. Lài mơ tú sang dunnia, Yang neh hoi dăn mơ Bep dan ai ală cau dờn Yang in gơs dô nus băl:”nàng jơh ală bol khai gơs dô bă bal, be Bèp ơm tòm Añ mơ Añ ơm tòm Bèp; mơ bol khai kung ơm tòm Bol He, tồ dunnia in dòn lah Bèp neh sồr Añ lòt tus.” (Jang 17:21).

Ưn ngai Yang bơh ăn kung neh sak kis jat gùng dạ hớ. Niam ngan la, ăn neh mut tơm rài pa tơm gơnoar broă ăn di, lơngai rlau tai, khơk khơr rlau tai, mơ geh hưh nus bơh bơta at bộ jak chài mơ pran kơdăng cau at bộ pa. Ò tai kơn jớ, ò moat jrum, mơ nus ăn bing bơta hon chờ.

Tơm rài kis, cau lơi kung rơp lot găn tơm tú jao wơl gơnoar broă : rgơi la broă lơh, tơm hìu nhắ, hala tơm Hiu Jum Goh. mơ tú jơ hớ, Jơnau Yang di tơng kah he pe bơta kwơ màng rlau jơh. Dơ dul, pal song di đap mat Yang mơ gơjran sang glai dilah tơm nus he gơs bơta boah gơjran. Dớ bar, dan Yang ai he in git pơn dệt să mơ gơnơh noar pran nàng rgơi lơh broă dô bă jơh nus, dong kơk bơta jao gơnoar broă dô wil tơl, niam rlau jơh. Mơ lồi dut, ban húi hoi dan jơh nus cau pơn dờn in, nàng bol khai gơs bơta lơngai, dô bă băl mơ geh nđac Yang di tơm gơnoar broă pa.

Bơh tú he dợp git pơn dệt să, să tờm Yang Tơm Trồ rớp yợ tơngguh he!

Dan jà bol he dô nùs bal tòm bơta hòi dan: Khoia Bẹp Hơđăng Trồ, dăn bơto kon in git kis pơn dệt să, chờ nus ơm di ngkời nàng oh mi kon di rơp lọt tus di đáp, tộ sơn đăn Yang di geh jong rơ mơ kon gơs pơnah bơt btào să jan Bơtau Krist di. Dăn Yang ai kon in git sền cau ndai kwơ màng rlau mơ he, git dô nus ban àn ơnòng kơnjớ tơm bơta kờn gơboh, mơ kơlôi rcăng tus di caiu ndai ò di mìng kơlôi rcăng dô nă he lơm. Dăn ai kon in it pơn jat kis niam nus Yang di bơh bơta broă dệt, mơ sùm gơs nus don song be dô nă cau dí song ring tơm lơgar Yang di. Kon jơh nus hoi dan tơm sơn đăn Yang Jesu Krist, A-men.

Ơ ală ồng mọ oh mi kờn gơboh, ruc di ngkơi dô sơnoạ ò di la ruc wơl. Gơ la dô nơm nus nhơm git pơn dệt să, kờn gơboh mơ don kớ, nàng jao wơl bơta niam rlau jơh he neh bơt bơtào nàng ai cau pơn dờn in. Nàng bơh bơta kong ớt oh mi di, rài tơ nớ pơn dờn rơp pơn jat pran kơ dăng mơ lơh oă broă dơng rlau lơgar Yang Tơm Trồ in. Tiang pơn rơ he di rơp roh, mơya mơnàng kớ cê mơ he neh bơt bơtào rơp dong kơl rài tơ nớ lot tus dô bă pran kơ dăng tơm gơnoar broă kwơ màng Yang jao. Mơ bơta he lời wơl găm sum sum tơm lơgar Yang.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.