Peb pheej xav txog kev ywj pheej nws zoo cuag li yog ib yam uas yog kev tswjhwm tebchaws, tiamsis Vajluskub kuj qhia paub tias ywj pheej tiag nws yog nyob sab hauv, pib ntawm peb txhua tus ntsujplig. Ywj pheej yog thaum uas tus neeg ntawd tau tso dim ntawm tej kev txhaum, dim tej kev txhawj ntshai, dim tus kheej txoj kev khav theeb, thiab muaj cuab kav ua lub neej sib hlub, sib zam txim thiab ib leeg qhia rau ib leeg. Nyob hauv Pawg Ntseeg xub thawj, txoj kev ywj pheej no ua rau muaj ib lub zej zos koom ua ib lub siab, sib pub yam tsis khuv xim thiab puv npo txoj kev hlub. Niaj hnub no, thaum peb nco txog ib lub sijhawm tseem ceeb nyob hauv keeb kwm tib neeg, peb yuav nco ntsoov tias: tsuas yog Tswv Yexus txoj kev hlub xwb, tib neeg thiaj muaj kev ywj pheej tiag.

Hnub no, yog hnub 19/06/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Jonathan Macnab dhau ntawm Zaj kawm NCO TXOG HNUB YWJPHEEJ

Vajluskub: “Tus Tswv tus Ntsujplig nyob qhov twg qhov ntawd muaj kev thajyeeb.” (2 Kauleethaus 3:17)

Tomqab Tswv Yexus mus saum ntuj, Vaj Ntsujplig nqes los nrog Vajtswv cov menyuam nyob. Lub sijhawm ntawd, Pawg Ntseeg, kuj yog Yexus Khetos lub cev hauv ntiajteb no, pib txais txoj pa tshiab no ua ntej nyob rau hnub Vaj Ntsujplig nqes los.

Tamsim ntawd, tsheej txhiab tus ntsujplig txais yuav Vajtswv, tawm hauv txoj kev tuag los tau txojsia. Txojmoo Zoo tau tshaj tawm, nthuav dav mus rau hauv Yeluxalees zoo li cov quav nyab cig, tas mus thoob plaws teb chaws Loos.

Cov tib neeg uas raug kev txhaum thiab lub hwjchim tsaus ntuj kaw cia ntau xyoo tau tso dim. Txoj saw hlau hauv lawv lub siab raug muab txiav tu nrho los ntawm Vajtswv lub hwjchim. Thiab lawv txoj kev txais yuav thawj thawj yog qhuas Vajtswv, pehawm Vajtswv thiab sib hlub.

“Cov ntseeg txhua tus puavleej koom ua ib lub siab; lawv nqa lawv tej qhov txhia chaw tuaj tso ua ke ua sawvdaws tug. Tsis muaj ib tug yuav hais tias tej uas nws muaj yog nws li” (Tes Haujlwm 4:32).

Sawv daws puav leej nyob sib haum xeeb ntawm Vajtswv lub zwm txwv koob hmoov, ntshaw kom tau txais lub hauv paus siav ntawd. Lawv sib faib tej uas lawv muaj, vim lawv paub tias yus yog ib feem nyob hauv Yexus Khetos.

“tus Tswv tus Ntsujplig nyob qhov twg qhov ntawd muaj kev thajyeeb.” (2 Kauleethaus 3:17).

Vajtswv tej lus cog tseg hauv Vajluskub ua rau pom tias Vajtswv saib taus txoj kev ywj pheej thiab Vajtswv nthuav tawm qhov ntawd meej meej thaum uas tso Vaj Ntsujplig los rau hauv ntiajteb. Txij hnub ntawd, tib neeg tsis yog tsuas tau tso tawm kev txhaum xwb, tiamsis tseem tau txais kev ywj pheej dim ntawm txoj kev qia dub ntawm tus kheej ua lub neej sib hlub nrog lwm tus, pauv qhov uas tsuas ua neej rau tus kheej xwb.

Vaj Ntsujplig yog tus tshoov, ua rau muaj kev huam vam nyob rau teb chaws Anh thiab Mekas kom tshem tawm txoj kev ua cev qhev, los ntawm hloov pauv lub siab tas mam txog txoj kev hloov pauv lub tebchaws thiab kablig kevcai.

Txoj kev ywj pheej ntawd tom qab no tau ntaus cim tseg ua ib hnub nco txog hu ua Juneteenth (hnub 19 hli 6), tau suav tias yog hnub txiav tu nrho txoj kev ua qhev nyob rau tebchaws Mekas tsis pub muaj neeg ua qhev lawm.

Txawm yog cov lus tso cai rau muaj kev ywj pheej twb tau samhwm ob xyoos ua ntej lawm los, yeej tseem muaj ntau qhov chaw txhob txwm tsis quav ntsej txojcai tshiab no. Texas yog ib qhov chaw uas tawm tsam mus txog thaum kawg, txog thaum nom tswv cov tub rog quab yuam kom lawv yuav tau txais yuav txoj kev ywj pheej pub rau cov neeg Mekas lub hauv paus yog neeg Phi rau hnub 19/6/1865.

Hnub ntawd, thaum uas cov neeg ua qhev nyob hauv Texas hnov txoj xov no lawv zoo siab suav tsis tas. Lawv thov Vajtswv, qhuas Vajtswv, npaj muaj rooj noj rooj haus thiab hu nkauj zoo siab. Muaj ntau tus hauv lawv cov ntawd ntseeg tias: Vajtswv yog tus tau tso lawv dim – zoo ib yam li Vajtswv tau hnov cov neeg Yixalayees lub suab quaj thov thaum ua cev qhev tim Iziv, thiab tso lawv dim hauv txoj kev raug saw hlau khi.

Thiab ncaj rau lub sijhawm ntawd, lub ntiajteb cuag li txav tau mus ti zog ib kaujruam ntxiv txog lub zej zos muaj kev sib hlub thiab ncaj ncees, ib yam li Pawg Ntseeg xub thawj lawv tau ua nyob hauv phau Tes Haujlwm.

Niaj hnub nim no, hnub 16 hli 9 dhau los ua ib hnub nco txog txoj kev zoo siab tau tso dim ntawd. Tiamsis nyob ntawm cov neeg uas ua neej nyob rau hauv Vaj Yexus lub tebchaws, peb yuav koom ua kev nco txog txoj kev ywj pheej uas tseem tob dua no thiab: ntawd yog thaum Yexus Khetos muab Nws txojsia los tuag theej rau peb txhua tus.

Nws twb sawv rov qab los lawm, thiab dhau ntawm Nws txoj kev sawv rov qab los ntawd, txhua tus puav leej tau tso dim: tsis yog tsuas ywj pheej dim txoj kev tuag xwb, tiamsis tseem ywj pheej dim ntawm lub txim thiab tseem ywj pheej dim ntawm txoj kev ua neej qia dub tab tom rhuav tshem txoj kev ua neej ntawm tus kheej nrog lub zej zos thiab.

Kev txhaum yog lub hauv paus ntawm txoj kev sib faib cais, tsuas yog Tswv Yexus xwb thiaj muaj txaus cai los hloov pauv tib neeg lub siab. Dhau ntawm Vaj Ntsujplig, txhua tus puav leej tau yug dua tshiab, sab hauv mus rau sab nraud.
Ntawd yog peb txoj kev zoo siab. Thiab ntawd kuj yog txoj kev zoo siab uas lub ntiajteb niaj hnub nim no tab tom ntshaw tau tshaj txhua yam.

Thov caw nrog kuv peb thov Vajtswv ua ke
Leej Txiv muaj kev hlub, Ua Koj tsaug vim txoj kev ywj pheej tiag uas Koj tau pub rau kuv nyob hauv Tswv Yexus Khetos. Ua Koj tsaug vim Koj tau tso kuv dim ntawm txoj kev tuag, dim tej kev txhaum thiab txhua lub hwjchim uas qhov muag ntsia tsis pom tab tom khi kuv txhua hnub. thov hloov pauv kuv sab hauv tawm rau sab nraud, kom kuv paub ua lub neej sib hlub, sib faib thiab nthuav tawm koj txoj kev hlub rau txhua txoj haujlwm zoo uas kuv ua. Kuv thov hauv Tswv Yexus Khetos lub npe. Amees.

Cov kwv tij txhua tus, kev ywj pheej tiag yog qhov khoom plig los ntawm Vajtswv los, tus uas tau tuag rau peb. Ntawd tsis yog tsuas tso peb dim tej kev tsim txom sab nraud xwb, tiamsis tseem yog txoj kev ywj pheej nyob puag hauv peb sab ntsujplig – dim tej kev txhaum, dim txoj kev qia dub, dim txoj kev tsuas paub ua lub neej rau tus kheej. Yog li, hnub no yuav tau nug tus kheej tias: Tsis paub tej kev sib raug zoo, tej kev sib ntsib, tej kev ntshai, lossis tus cwjpwm twg tab tom khi kuv lub siab, ua rau kuv tsis tau muaj txoj kev ywj pheej tiag nyob hauv Nws? Cia li mus ze Tswv Yexus. Nws tuag kom koj tau txojsia. Thiab Tswv Yexus sawv rov qab los kom koj muaj kev ywj pheej. Ntawd yog txoj kev ywj pheej uas ntiajteb pub tsis tau rau koj, thiab tsis muaj leej twg yuav txeeb tau.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.