Puas muaj zaum twg koj nroo rau Vajtswv tias: vim li cas kuv yuav ntsib kev txomnyem ntau ua luaj, muaj kev sim siab ntau ua luaj? Muaj tej kev mob twg cuag li tsis muaj lus teb, ua rau koj tsis txaus siab thiab tws kev. Koj puas paub, ntau zaug Leej Txiv yuav tau txais yuav cia kom kuv tiv kev txomnyem, vim ntawd yog yam cheem tsum rau kev loj hlob. Leej Txiv saum ntuj tso cai rau tej menyuam tau saj txoj kev ntsib dhau tej teeb meem tsis yog vim Vajtswv hnov qab peb, tiamsis yog Nws taw peb mus rau ib lub homphiaj loj dua hauv peb lub neej.

Hnub no, yog hnub 15/06/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Jonathan Santiago dhau ntawm Zaj kawm VAJTSWV LUB HOMPHIAJ UAS LOJ TSHAJ

Vajluskub: “Tej teebmeem me me uas peb raug ib nyuag ntu no, yuav ua rau peb tau txoj koob hmoov zoo uas yuav nyob mus ibtxhis, tej teebmeem uas peb raug yeej piv tsis tau txoj koob hmoov uas peb tau li.” (2 Kauleethaus 4:17)

Ib leej txiv muaj kev hlub thaum twg los yeej yuav mob siab thaum pom nws tej menyuam raug mob. Thaum menyuam quaj, leej txiv lub siab kuj mob ntswj lees. Tiamsis, ntau zaug txiv yuav tau kav liam cia tej menyuam ntsib tej teeb meem ntawd ib pliag, vim yam zoo nyob ntev rau kuv lub neej.

Txoj kev tswj kom yog raws li kevcai ua rau ib tug menyuam mos nyuaj siab, npau taws tamsim ntawd, tiamsis ho ua rau tej menyuam lub siab muaj tej zaj kawm muaj nqis uas yuav tsum muaj nyob rau hauv lub neej loj hlob.

Kuv tsev neeg muaj ib txoj cai yooj yim: “yuav tsum tseg sijhawm rau peb zaug sib tham” Ob zaug thawj tsuas yog ntuas xwb, tiamsis zaum peb yuav tau ris yam yus ua. Feem ntau kuv tej menyuam tsuas hnov ntuas txog zaum ob xwb ces twb cim civ paub hloov lawm. tiamsis kuj muaj ntau zaug, wb ib niam txiv yuav tau nplawm tej menyuam – xws li yog tsis pub tej menyuam siv xov tooj lossis máy tính bảng rau hnub tom qab.

Muaj ib zaug, kuv ntuas kuv tus ntxhais nkauj ntxawm tas, tom qab ntawd kuv mam paub tias kuv pojniam twb hais nws ob zaug ua ntej lawm. yog li, kuv tej lus ntuas txhais tau tias nws twb siv tas “peb zaug qhia nws thiab nws yuav tau ris yam nws ua. Thaum ntawd kuv mob siab heev, tsis paub puas yuav zam rau nws. Tiamsis thaum kawg kuv yeej coj raws li txojcai, ntseeg tias yam uas nws tsis txaus siab hnub no yuav ua kom muaj nqis rau nws tom qab no.

Thaum kawg ces yog, pauv qhov uas tuav rawv xov tooj saib ua si, kuv tus ntxhais zaum kos ib daim duab loj loj – thaum no kuv muab los daim rau hauv kuv chav ua haujlwm.

Vajluskub kuj qhia rau peb pom txog Vaj Leej Txiv saum ntuj txojcai kev hlub.
Nyob rau thiv uas Vaj Ntsujplig nqes los, Petus sawv qhia txog Vajtswv lub homphiaj loj: Nthuav tawm Tswv Yexus yog tus Cawm Seej, txawm yog paub tias qhov no yog qhov ua rau Tswv Yexus raug kev txomnyem.

Vaj Leej Txiv twb tham rau Nws tus tub paub txog kev tsimtxom, yuav raug ntxeev siab, raug muab ntsia saum Ntoo Khaub Lig. Petus hais nyob hauv Tes Haujlwm 2:22-24:

“Cov kwvtij Yixalayees, nej cia li mloog tej lus uas kuv yuav qhia no! Vajtswv txib Yexus tus uas yog neeg Naxales los ua tej txujci tseemceeb qhia Vajtswv lub hwjchim rau nej. Tej uas nej porn ntawd qhia rau nej paub hais tias Yexus yog tus uas Vajtswv txib los tiag. Qhov uas Vajtswv muab Yexus rau nej , nej muab nws rau cov neeg txhaum coj mus ntsia rau saum ntoo khaublig, thiab nej kom lawv muab nws tua povtseg, qhov ntawd twb yog raws li Vajtswv porn zoo thiab npaj tseg lawm. Tiamsis Vajtswv twb daws Yexus dim thiab tsa Yexus sawv hauv qhov tuag rov qab los lawm; txojkev tuag lub hwjchim yuam tsis tau nws”

“Yexus Khetos yeej ibtxwm tsis muaj txim, tiamsis Vajtswv muab peb lub txim rau nws ris” (2 Kauleethaus 5:21).

Tiamsis dhau ntawm txoj kev txomnyem thiab Tswv Yexus txoj kev tuag, Vajtswv ua tiav ib lub homphiaj loj: Nws ris lub txim hloov peb chaw- yog cov neeg uas tsimnyog raug teem txim – kom peb txais tau txoj kev cawmdim.

Tus nqi uas Tswv Yexus them rau peb tseem loj tshaj ntau npaug tej txim me hauv lub neej txhua hnub.

Yog li, txhua zaug ntsib kev txomnyem, sim siab, nco ntsoov tias: tej zaug ntawd yuav yog ib feem nyob hauv Vajtswv txoj kev cob qhia, vim Vajtswv tab tom ua yam uas loj nyob hauv peb lub neej.

Ib yam li Vajluskub 2 Kauleethaus 4:17 tau sau: “Tej teebmeem me me uas peb raug ib nyuag ntu no, yuav ua rau peb tau txoj koob hmoov zoo uas yuav nyob mus ibtxhis, tej teebmeem uas peb raug yeej piv tsis tau txoj koob hmoov uas peb tau li.”

Vajtswv lub homphiaj yuav pauv tej hnub uas txomnyem hnub no dhau los ua yam zoo ntau tshaj peb txoj kev xam. Kav tsij zoo siab sawv khov kho thiab ua Vajtswv tsaug nyob rau txhua lub sijhawm!

Thov caw nrog kuv peb thov Vajtswv ua ke
Leej Txiv muaj kev hlub, thov kom Koj ua raws li koj lub siab nyiam rau kuv lub neej hnub no. Thov ntuas kom kuv nco ntsoov tias txhua txoj kev txomnyem, kev mob uas kuv ntsib dhau tsis muaj hnub yuav tsis muaj nqis, tiamsis yog tab tom koom tes ua kom tiav Vajtswv lub homphiaj loj tseg rau kuv. Ua Leej Txiv tsaug taub pub Tswv Yexus los rau hauv ntiajteb, Nws yog tus qauv zoo ntawm lub siab mloog lus thiab hlub tshua. Thov cob kuv txhua hnub, kom yim hnub yim dhau los zoo li Yexus Khetos. Kuv thov hauv Tswv Yexus Khetos lub npe. Amees.

Cov kwv tij txhua tus, Vajtswv tab tom siv tej kev sim siab, kev mob tamsim los cob peb kom dhau los zoo li Vajtswv tus tub. Txawm yog tamsim no peb tsis tau nkag siab tas, los ntseeg tias Leej Txiv saum ntuj txoj kev cob qhia yuav coj peb mus txog rau qhov chaw nyob ib txhis. Cia li mloog lus thiab muab txhua yam cob rau Nws, kom txhua txoj kev sim siab hnub no yuav dhau los ua tus ntaiv coj peb mus txog rau Vajtswv lub homphiaj loj uas Vajtswv tab tom ua kom tiav nyob hauv peb lub neej.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.