Twb tau hov ntev lawm koj tsis tau caw ib tug twg tuaj hauv koj tsev neeg nrog koj noj ib pluas mov ua ke? Nyob rau hauv txoj kev ua neej rau tiam tsis khoom li no, peb lub qhov rooj cuag li muab kaw ruaj tshaj txhua yam. Peb txhua tus nyias yeej cheem tsum nyias ib lub sijhawm los nyob ua ke, yog li lub siab txais qhua dhau los ua ib yam nyob deb! Tiamsis koj puas paub, ntau zaug tsuas yog ib lo lus caw yooj yim, ib pluas mov li ib txwm noj yog qhov pib rau txoj kev phooj ywg tshiab, hloov pauv tag nrho ib tug neeg lub neej nyob hauv Yexus Khetos txoj kev hlub!

Hnub no, yog hnub 14/06/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Cathy Messecar dhau ntawm Zaj kawm UA TIB ZOO TXAIS QHUA

Vajluskub: “…Lawv noj Yexus rooj mov thiab noj mov ua ke hauv lawv tej tsev ib lub dhau ib lub, txawm yog muaj ntau muaj tsawg los lawv sawvdaws zoo siab noj. Lawv ua Vajtswv tsaug tsis tseg tsis tu, thiab tej neeg sawvdaws puavleej hwm lawv. Tus Tswv niaj hnub coj neeg los ntseeg coob zuj zus ntxiv rau cov ntseeg. (Tes Haujlwm 2:46-47)

Vajluskub hais txog Pawg Ntseeg xub thawj zoo li no: “…Lawv noj Yexus rooj mov thiab noj mov ua ke hauv lawv tej tsev ib lub dhau ib lub, txawm yog muaj ntau muaj tsawg los lawv sawvdaws zoo siab noj. Lawv ua Vajtswv tsaug tsis tseg tsis tu, thiab tej neeg sawvdaws puavleej hwm lawv. Tus Tswv niaj hnub coj neeg los ntseeg coob zuj zus ntxiv rau cov ntseeg. (Tes Haujlwm 2:46-47).

“Caw sawv daws tuaj nrog kuv noj ib pluag mov!” – yog lo lus caw thiab qab zib uas kuv tau hnov thaum tseem yau. Hnub ntawd, tomqab pehawm tas, tsuas yog muaj ib tug twg hauv Pawg Ntseeg caw mus nrog lawv noj mov ua ke xwb ces yog txoj kev zoo siab puv npo rau taig kis sawv ntxov ntawd lawm

Nyob rau lub sijhawm uas khwv tsis tau nyiaj, zaub mov tsis yog thaum twg twb muaj ntau. Lo lus caw mus nrog tsev neeg noj mov ces txhais tau tias tsev neeg ntawd yuav tau cim civ npaj txhua yam, thiab ib tug menyuam ntshaw noj zoo li kuv yuav xav txog tej tais zaub qab qab ncho pa lug. Tsuas xav txog xwb twb hnov zoo siab lawm.

Niaj hnub nim no, nyob rau hauv lub neej khiav ceev li no, cuag li peb tsis tshua muaj neeg caw mus nrog lawv tsev neeg noj mov ua ke lawm. thaum ub, tej pog cov uas ua niam, lawv cim civ cog zaub, yug qaib, tuav ntxhuv, rauv taws ua mov noj, kom tau noj ib pluag yuav tau siv zog ntau. Ntawm no yog ib txoj haujlwm nyob hauv ib yim neeg uas muaj menyuam coob. Tiamsis lawv yeej zoo siab hlo caw tej phooj ywg zej zog “mus noj ib pluas mov”, zoo siab hlo ua ib laujkaub kua zaub ntxiv, hlau ib tais zaub ntxiv caw xibhwb thiab cov ntseeg mus koom tom qab pehawm tas.

Thaum no, peb tej vaj tsev puab ze ze ua ke, tiamsis tib neeg cuag li nyob deb tshaj plaws. Tej zaug tsuas nco tias yim tiv sab qhov rooj xim ntsuab, tsav lub tsheb dawb, kuj tsis paub tias leej twg nyob ntawm yus ib sab.

Muaj ib zaug, kuv txiav txim siab nthuav tawm kuv txoj kev txais qhua. Kuv caw ob peb tug viv ncaus nrog tej menyuam mus deb zaub dâu tằm thaum sawv ntxov, tas los txog tav su noj su. Tiamsis txog taig kis hnub ntawd, kuv lub xov tooj nrov tsis tu – tus no tsis khoom, tus tod menyuam mob, tsheb puas, mob kaus, tej tsiaj txhu ntog… kuv lub siab cia li txias, vim twb npaj zaub mov ntau, thaum no ho tsis muaj neeg nrog noj ua ke!

Thaum uas tab tom npaj yuav mus deb dâu tằm, kuv tus ntxhais hu los nug. Hnov tej xov no tas, nws hais tias: “Niam, yog li koj caw ob peb tug phooj ywg ua haujlwm hauv kuv qhov chaw tuaj nrog koj noj!”

Yog li kuv cia li caw lawv- cov ntawd lawv zoo siab teb kuv. Lawv tuaj noj mov ntxuag nqaij qaib, tej ncuav uas tsev neeg cim civ ua. Zaum ntawm rooj mov hnub ntawd, yog cov neeg uas tsis tau paub dua, tiamsis thaum haus khob dej kawg tas, ces kuv cog tau phooj ywg tshiab. Tom qab, muaj ib tug tau nrog peb pawg kawm Vajluskub ua ke, tas nws kuj ntseeg Vajtswv lawm.

Vajtswv txojlus nyob hauv Loos 12:13 qhia peb tias: “Peb yuav tau zoo siab hlo txais qhua”.

Kev txais qhua tsis tas yuav ua ntau, kuj tsis tas yuam kom yuav tsum npaj tau pluas noj zoo. Ib puas mov yooj yim xwb lossis ib lo lus caw tiag kuj txaus txuas tib neeg lub siab ua ke.

Niaj hnub nim no, txawm yog yuav muaj tej tsev muag khoom zoo nrog tej khoom ua zaub mov sai los, kuv pom tias, yam peb cheem tsum yog lub siab dav fo kom caw tau ib tug twg ntawd noj ib pluag mov. Ntau zaug tej vaj tsev tseem npaj tsis tau zoo, pluas noj tsuas yog yuav sai sai nraum zoov, tiamsis yam ua rau tib neeg nco ntsoov yog lub siab sov so thiab ncaj ncees.

Kuv cia siab tias peb yuav qhib siab ntau dua, thiab zoo siab caw tej neeg txheeb ze: “caw koj tuaj nrog kuv tsev neeg noj mov!”

Thov caw nrog kuv peb thov Vajtswv ua ke
Tus Tswv uas muaj kev hlub, ua Vajtswv tsaug vim daim duab nyob ze, uas Vajluskub tau khaws cia rau kuv tau pom – tej pluas noj yooj yim ntawm ntug hiav txwv, lub sijhawm nyob ze ntawm Tswv Yexus thiab cov thwjtim. Thov qhia rau kom kuv paub qhib siab, qhib qhov rooj, txais yuav cov neeg tsis tau paub ib yam li kuv cov txheeb ze. Thov pab kom kuv xyaum raws li koj tus qauv, yog tus uas tau rauv tawm ntawm ntug hiav txwv, tos tej phooj ywg zoo los nrog noj tshais ua ke. Kuv thov hauv Tswv Yexus Khetos lub npe. Amees.

Cov kwv tij txhua tus, Vajtswv tab tom nrhiav cov neeg uas zoo siab hlo qhib siab – cov neeg uas txaus siab hlo caw, txuas ua ke thiab tseb Vajtswv txoj kev hlub dhau ntawm lub siab txais qhuas. Tsuas yog ib lo lus ncaj ncees, ib pluas mov xwb kuj txaus ua rau lwm tus los nyob ze Vajtswv. Cia siab tias peb txhua tus yuav paub ua lub neej qhib siab, zoo siab hlo nthuav tawm lub siab txais qhua nrog tej neeg ib txwm swm, tej neeg tsis tau paub nyob ib ncig peb. thov kom Vajtswv txoj kev hlub yuav ntws los rau ntawm peb txoj kev ua lub neej zoo li ntawd!

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.