Menyuam yaus tau suav tias yog Pawg Ntseeg lub neej tom hauv ntej, thiab yog lub hauv paus tseem ceeb rau txhua lub tebchaws. Tiamsis saib los mas, ntawm no yog pab uas yoojyim raug “hnov qab”. Tej menyuam cheem tsum kev pab, kev hlub, kev tu, cob qhia lawv kom lawv ntxov swm, loj hlob raws li txoj kev cheem tsum hauv lub neej, vim ntawm no yog lub hnub nyoog uas yooj yim ua rau muaj kev tu siab tshaj, yooj yim raug hem, thiab raug siv yam tsis yog kev. Tseem ceeb dua yog lawv yuav tau cob qhia kom paub Tswv Yexus.

Hnub no, yog hnub 07/06/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke dhau ntawm Zaj kawm CIA LI TU KUV PAB YAJ

Vajluskub: “Yexus hais rau Ximoos hais tias, “Koj cia li yug kuv cov menyuam yaj.” (Yauhas 21:15)

Kuv yug hauv ib lub zos me, txomnyem nyob ntawm nruab nrab teb chaws – Việt Nam. Yog muaj leej twg nug tias: Yam uas kuv nco tshaj thaum tseem yog menyuam yaus yog dabtsi? Ces yam uas kuv nco ntsoov ntawd yog: Kuv niam kuv txiv tsis tso cai rau peb cov kwv tij nus muag mus ua si qhov twg li rau hnub so. Niam txiv yeej txwv nruj nruj tias: yuav tsum tau tseg lub sijhawm uas zoo tshaj plaws mus pehawm Vajtswv.

Txhua tag kis sawv ntxov, tomqab twb npaj ris tsho tas, rau khau zoo rau lawm ces peb cov kwv tij tau niam txiv nkawd coj mus pehawm Vajtswv. Thaum rov qab los tsev, niam txiv nug peb txog zaj lus qhuab qhia hnub ntawd, yog peb teb tsis txaus, lossis thaum peb pehawm peb tsis zaum kom zoo ces tav su hnub ntawd, peb yuav raug ceeb toom. Yog li, peb cov kwv tij coj nruj thaum mus pehawm Vajtswv hnub so tsis yog vim peb nyiam tiamsis yog xav kom peb tsis raug nplawm xwb. Thaum no rov qab xav txog mas, tej no saib cuag li menyuam yaus, tiamsis ntawm kuv, yog thawj kaujruam yooj yim uas peb cov kwv tij tau qhia nyob rau hauv txoj kev ua lub neej pehawm Vajtswv, hwm Vajtswv thiab hlub Vajtswv.

Ua Vajtswv tsaug, kuj yog vim tej ntawd peb tau loj hlob nyob hauv Pawg Ntseeg txoj kev ua lub neej txhua hnub, tej zaj nkauj dhau los cim nco rau hauv peb lub hlwb, qhov uas sawv tas rov zaum, thaum pehawm Vajtswv, thaum nyeem Vajtswv tej lus, thiab thaum thov Vajtswv… tag nrho dhau los ua ib daim duab zoo rau peb los txog niaj hnub nim no. Nyob rau lub sijhawm thawj thawj thaum kuv mus rau hauv Sài Gòn kawm ntawv, kuv rau siab heev thiab nyiam txoj kev pehawm Vajtswv thiab kawm Vajtswv tej lus nrog tej menyuam nyob hauv Pawg Ntseeg, vim nyob ntawd kuv ntsia pom tau nyob ze tau hnov Vajtswv tej lus, tau hu tej txoj nkauj ib txwm swm zoo ib yam li tab tom nyob hauv tsev. Ua Vajtswv tsaug twb yog los ntawm tej yam muaj nqis ntawd kuv tau loj hlob hauv txoj kev ntseeg, zoo siab tau kawm paub ntau dua txog Vajtswv thiab dhau los ua ib tug neeg ua Vajtswv haujlwm rau tes dejnum uas Vajtswv hu.

“Yexus hais rau Ximoos Petus hais tias, “Ximoos Yauhas tus tub, koj hlub kuv tshaj lawv cov no los?” (Yauhas 21:15).

Thaum Tswv Yexus siv Petus lub npe Henplais hu Petus tias: “Ximoos, uas yog Yaunas tus tub”. Lub npe no yog yawg lub npe tiag, yog ib tug neeg kub siab lug qhia tawm sab nrau tiamsis sab hauv kuj qaug zog zig, yooj yim txais yuav txoj kev puas tsuaj. Tiamsis, Vajtswv tau xaiv thiab muab yawg lub npe pauv ua Petus txhais tias: Pob zeb, muaj zog, tawv (Mathais 16:17).

Lub siab tawv, muaj zog ntawd tsis yog cia Petus siv los ua ib tug thawj coj muaj zog thiab muaj hwjchim, tiamsis yog tseg kom Petus nco ntsoov tias nws yuav tau dhau los ua ib tug neeg yug yaj muaj lub siab tawv, puv npo kev hlub zoo ib yam li Tswv Yexus.

Qhov ob uas yuav tau ceev faj, thaum tus Tswv nug: “Koj puas hlub kuv dua cov neeg no?” Tswv Yexus tab tom tshua txog Petus txoj kev hlub pub rau Tswv Yexus saib puas ntau dua tej neeg ib ncig yawg lossis lwm yam uas Petus tab tom tshua txog. Yawg txoj kev hlub tsis yog txoj kev hlub ib vuag, yooj yim hloov pauv? Tswv Yexus xav Petus paub tias: hlub Vajtswv tsis yog tsuas vam rau tej kev xav ib vuag, yuav dua mus tiamsis txoj kev hlub ntawd yuav tau muab cog rau ntawm tus cag paub Vajtswv yog leej twg thiab Vajtswv txoj kev hlub pub rau yus. Qhov no pab rau Petus dhau los muaj zog, khov kho ntawm ntau txoj kev phomsij, kev tsimtxom tab tom nyob tom hauv ntej tos.

Sawv ntawm Petus tej lus: “Tus Tswv, Koj paub tias kuv hlub koj.” Tswv Yexus teb tias: “cia li yug kuv pab yaj”. Cov phooj ywg! Peb tab tom ua dabtsi thaum paub tias Vajtswv lub siab tig mus rau ntawm tej neeg uas tab tom puas tshuaj nyob rau hauv lub ntiajteb no? twb yog Vajtswv saib lawv yog Vajtswv cov yaj, Nws muaj lub siab hlub tshua txog lawv thaum Tswv Yexus cov yaj yuam kev saum tej laj roob, … ib yam li pab yaj tsis muaj neeg saib. (Mathais 10:36).

“Cia li yug kuv pab yaj” Tswv Yexus xav kom Petus ua Tswv Yexus tes haujlwm mus ntxiv yog hlub thiab tu Nws pab yaj, nyob hauv muaj tej tus yaj me, yog “tej menyuam yaj”. “cia li tu kuv pab yaj” (Cia li pub kuv pab yaj noj” (Phau txhais 2011). Lossis tu Vajtswv tej menyuam los ntawm tej zaub mov uas yog Vajtswv tej lus kom peb loj hlob.

Niaj hnub nim no, koj thiab kuv, yog cov uas teb Vajtswv lo lus nug “Koj puas hlub kuv?” dhau los ntawm lo lus “koj hlub Vajtswv”. Tswv Yexus kuj tab tom hais qhia rau peb tias “Cia li yug kuv pab yaj” vim Vajtswv hlub lawv heev. Tswv Yexus hais tias: “Leej Txiv tus uas nyob saum ntuj Ceebtsheej yeej tsis xav kom cov menyuam no ib tug puastsuaj li” (Mathais 18:14).

Tswv Yexus hlub thiab tshua txog tej menyuam mos, Nws puag lawv thov Vajtswv rau lawv thiab foom hmoov rau lawv (Malakaus 10:16). Tswv Yexus kuj siv daim duab tus menyuam mos los pab cov neeg mloog kom pab cov mloog lawv kawm tau ntau zaj kawm tseem ceeb ntawm sab ntsujplig. Qhov no qhia paub tias: tej menyuam hauv Pawg Ntseeg niaj hnub nim no kuj muaj kev cheem tsum tau tshua txog, tau hlub thiab tau cob qhia Vajtswv tej lus kom puv npo tseg rau lawv pib ua lub neej haum Vajtswv siab ua ntej thaum tseem yog menyuam yaus.

Yog li, yuav tau ntxov qhia Vajtswv tej lus ntxov rau tej menyuam, coj lawv mus ntsib Tswv Yexus ib kaujruam zuj zus txhob txeeb lawv lub sijhawm tau nrog Pawg Ntseeg pehawm Vajtswv ua ke, nrog niam txiv ua ke, tiamsis cia kom lawv loj hlob hauv Vajtswv tsev neeg. kom tej menyuam tau hnov tej suab nkauj kaj siab lug ua rau muaj txojsia los saum ntuj ceebtsheej los.

Thov caw nrog kuv peb thov Vajtswv ua ke
Tus Tswv ua Koj tsaug uas Koj tau hlub kuv los ntawm txoj kev hlub zoo kawg nkaus, koj tau los nrhiav los cawm kuv, hloov pauv kuv dhau los ua ib tug neeg tshiab hauv Koj. Thov pub koj txoj kev hlub puv npo hauv kuv lub siab kom npaj txhij los hlub, los tshua, saib xyuas tej menyuam yaj nyob hauv Vajtswv tsev, yog tej menyuam uas koj pub. Thov siv kuv los qhia tej menyuam yaus los ntawm koj tej lus, los ntawm koj txoj kev hlub kom lawv loj hlob thiab dhau los ua ib qhov khoom siv muaj nqis hauv koj txhais tes. Kuv thov hauv Tswv Yexus Khetos lub npe. Amees.

Cov kwv tij txhua tus, Tswv Yexus hlub peb ib yam li Nws tau hlub Petus, tsis yog zam txim rau peb xwb tiamsis tseem zoo siab siv yawg los tu Vajtswv pab yaj, ces hnub no, peb yuav ua dabtsi rau ntawm Vajtswv txoj kev hlub loj tseg rau peb? Ua ntej, koj yuav tau hlub Vajtswv tej lus, tseg sijhawm muaj nqis los nyeem, los kawm thiab xav txog Vajtswv tej lus. Muab yus lub neej uas tau hloov pauv los nthuav tawm Txojmoo Zoo rau lwm tus, tshwj xeeb yog dhau los ua qauv rau tej menyuam yaus. Thov Vajtswv rau tej menyuam yaus hauv Pawg Ntseeg, mloog thiab ua siab ntev rau tej menyuam ib yam li Vajtswv tau ua siab ntev rau peb. Cia li pib kiag hnub no los ntawm lo lus thov Vajtswv rau tej menyuam hauv tsev neeg thiab peb Pawg Ntseeg, vim yog tiam txuas ntxiv tseg rau Vajtswv lub tebchaws.
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.