Peb txhua kaujruam loj hlob hauv lub neej ntseeg Vajtswv zoo li ib tus menyuam kos ua si, kos tseem tsis tau tiav tiamsis siv zog thiab muaj kev hlub. Zoo li leej niam khaws tej menyuam daim ntawv kos cia, Vajtswv kuj khaws peb tej kev loj hlob ua ntu zus cia nrog kev zoo siab thiab txaus siab. Vajtswv ntsia pom yam muaj nqis ntawm peb, Vajtswv saib taus peb txhua lub sijhawm loj hlob zoo li ib leej txiv siab mos siab muag, siab ntev thiab maj mam ua tib zoo nrog yus tus menyuam ib kaujruam zuj zus. Tsis yog vim peb zoo kawg nkaus, tiamsis vim Vajtswv txoj kev hlub tseg rau peb txhua tus lub neej tab tom loj hlob hauv Vajtswv txoj kev hlub.

Hnub no, yog hnub 04/06/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Brooke Keith dhau ntawm Zaj kawm TUS MEM QHUAV

Vajluskub: “Kuv tuaj deb deb tshwm rau lawv porn. Cov Yixalayees, kuv yeej ibtxwm hlub nej, kuv yuav hlub nej mus ibtxhis” (Yelemis 31:3)

“Yog li ntawd kuv zoo siab rau nej heev” (Loos 16:19).

Thaum kuv tus ntxhais tseem me, nws kos tej daim duab yooj yim. Kuv tseem nco txoj kev uas kuv tus ntxhais cev tes mus rho tus mem qhuav xim xiav ntawm nws cov mem los siv nws txhais tes me me tsis tau muaj zog los tuav. Kuv nyiam zaum saib kuv tus ntxhais kos qhov txhua chaw saum daim ntaub pua chav tos qhua, nws tej ntiv taw caws mus caws los zoo yam li tab tom tso tawm tag nrho nws lub peev xwm kos duab nyob hauv nws lub cev me me ntawd. Kuv yuav tsis muaj hnub hnov qab daim duab thawj thawj uas nws tau kos. Txog tamsim no kuv yeej tseem muab lo rau ntawm kuv lub chaw rau khoom lub qhov rooj. Lub taub hau ces muab xim los kos tej kab loj loj, ob txhais ko taw yuag yuag txuas kiag ntawm cajdab rov mus nrad! Txawm yog ntawm no tsis yog ib daim duab Monet, los ntawm kuv, nws muaj nqis ib yam li. Vim kuv tus menyuam tau siv tag nrho nws lub zog nrog Nws txoj kev hlub thaum me los tsim daim duab ntawd. Kuv kuj paub tias yog kuv tus ntxhais txoj kev siv zog, qhov ntawd ua rau kuv txais tau txoj kev hlub thiab txaus siab tias ntawm no yog daim duab zoo tshaj uas kuv tau muaj.

Txawm li los, lub caijnyoog dhau mus, kuv qhia rau kuv tus ntxhais nws tuav mem kom ruaj. Kuj qhia nws siv txhua hom xim los kos kom tau txhua ceg kaum, ua rau cov plaub daj dub nyos ob daim di ncauj liab liab. Yog saib peb tsev neeg lub chaw rau khoom txias tamsim no, koj yuav pom muaj dua lwm daim duab, ib daim tshiab nyuam qhuav kos tas. Tej zaug koj yuav pom tsis muaj dabtsi txawv ntau ntawm ob daim duab vim yeej tseem muaj cov neeg me me nrog lub taub hau loj loj thiab tsis muaj taub hau – tiamsis vim yog leej niam yog li tej kev hloov pauv ntawd nws ho meej meej heev rau kuv. Kuv yooj yim taw rau koj pom tej yam txawv ntawm ob daim duab, vim kuv saib taus tej uas kuv tus ntxhais tau tsim, xws li: ob txhais taw ntawm daim duab ncaj zog txawm yog yeej tseem txuas pem cajdab los, thiab lub taub hau yeej tseem loj dua lub cev los thaum no kos tau zoo dua lawm.

Kuv paub tus ntxhais daim duab yeej tseem tshuav ntau yam yuav kho, tiamsis peb yuav siv zog ib mentsis, ib mentsis zuj zus, txog rau thaum txhais taw muaj taw thiab lub taub hau dhau los yog taub hau zog. Yog ib leej niam, peb yeej tos ntsoov tej menyuam kos tau daim tshiab, tiamsis kuj txaus siab rau tej uas tamsim no lawv kos tau lo cia rau ntawm lub chaw rau khoom txias.

Tsis yog peb tus Vajtswv uas yog Leej Txiv saum ntuj kuj zoo ib yam li ntawd thiab los? Nws lub qhov muag puv npo kev hlub, mos muag thiab txaus siab saib peb kos ib kab zuj zus los ntawm peb tus mem uas peb nyiam. Nws ua siab ntev qhia ib qhov zuj zus txog rau thaum uas peb kos tau daim duab zoo muaj sia nyob hauv peb lub neej. Vajtswv qhia txoj kev rau peb kom peb yuav hloov pauv tau, tiamsis kuj tsis muaj ib zaum twg yuav hnov qab lub sijhawm kom peb muaj kev zoo siab rau lub sijhawm tamsim nrog rau tej kev hloov pauv me me uas peb muaj kom dhau los ua tej txiv neej, pojniam zoo dua, zoo li Vajtswv.

Tom qab txhua yam, Vajtswv cog lus tias yuav coj peb los “ntawm txoj kev ua siab ntev” thiab Vajtswv txoj “kev hlub mus ib txhis” (Yelemis 31:3).

Thaum koj loj hlob thiab hloov pauv, thaum koj maj mam co tej ntiv taw taug kev ntawm hauv plag hauv lub neej, yuav tau paub tias Vajtswv tab tom ntsia pom koj lub sijhawm loj hlob. Yog koj cim civ nug tias, Vajtswv puas zoo siab rau koj, ib yam li uas tsis tau muaj dua ib txoj kev hloov pauv twg, ces cia li thov Vajtswv saib lub taub rau khoom. Koj yuav ntsia pom nws tsis muaj dabtsi. Tshuav Vajtswv lub qhov rooj chaw rau khoom ces ho zoo li cas? puas pom koj lo koj tej duab puv nkaus rau qhov ntawd!

Thov caw nrog kuv peb thov Vajtswv ua ke
Vajtswv yog kuv Leej Txiv, kuv ua Koj tsaug vim Koj hlub kuv los ntawm txoj kev hlub loj thiab tob. Txoj kev hlub ntawd tseg rau kuv tus kheej. Kuv ua Koj tsaug vim koj hlub kuv thiab txais yuav kuv tus kheej. Thov Vajtswv zam txim vim muaj tej lub sijhawm kuv tau xav tias kuv tsis tau hlub lossis Vajtswv tsis hlub kuv ib yam li tus neeg no lossis tus tod. Thov Vajtswv tshem tawm hauv kuv lub siab txhua txoj kev ua xyem xyav txog Vajtswv txoj kev hlub pub rau kuv thiab tus kheej txoj kev tub qaug mus. thov hliv kom puv nkaus Vajtswv txoj kev hlub mus ib txhis, vim kuv xav paub Vajtswv ntau dua kom hlub Vajtswv heev dua. Kuv thov hauv Tswv Yexus Khetos lub npe. Amees.

Cov kwv tij txhua tus, txhua zaug uas ntsia pom ib kab kos nkaus pev nkaus nrawd ntawm ib tug menyuam twg, nco ntsoov txog txoj kev uas Vajtswv tau ua siab ntev hlub peb, ua siab ntev, thiab txaus siab thaum peb loj hlob ib kauj ruam zuj zus hauv Nws. txoj kev hlub ntawd tseg rau peb nws tshiab txhua hnub. Vajtswv xav hliv kom puv nkaus rau koj hnub no los ntawm Vajtswv txoj kev tshwm ntsej muag thiab Vajtswv txoj kev hlub. Qhib siab txais yuav Vajtswv thiab thov Vajtswv pab kom koj saj tau Vajtswv txoj kev hlub ciaj sia uas tseg rau koj. Thiab thaum koj tau Vajtswv hliv kom puv nkaus txhua hnub, koj yuav muaj lub zog muab txoj kev hlub ntawd pub rau tej neeg ib ncig koj. Qhov ntawd yuav ua rau kom peb dhau los ua ib tug pov thawj txog Vajtswv txoj kev hlub pub rau tej neeg ib ncig peb.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.